Morgunblaðið - 20.12.2022, Side 2

FRÉTTIR
Innlent2
MORGUNBLAÐIÐ ÞRIÐJUDAGUR 20. DESEMBER 2022
Þú gefur hugarró með
gjafakorti í Sky Lagoon
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.isMenning Einar Falur Ingólfsson menning@mbl.is
Viðskipti Gísli Freyr Valdórsson vidskipti@mbl.is Íþróttir Víðir Sigurðsson sport@mbl.ismbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningarmbl.is/sendagrein Prentun Landsprent ehf.
Veður hefur sett svip sinn á sam-
göngur landsmanna undanfarna
daga. Flugferðum hefur verið aflýst
og vegum lokað. Viðbragðsaðilar á
sunnanverðu landinu hafa keppst við
að biðla til fólks að halda sig heima,
en yfirgefnir bílar eru á víð og dreif
um götur, sem veldur töfum á snjó-
ruðningi.
Appelsínugul veðurviðvörun á
Suðausturlandi gildir til klukkan
níu árdegis í dag og tekur þá við
gul viðvörun í landshlutanum. Um
hádegi í dag verður gul viðvörun
á öllu landinu. Á miðnætti verður
veðrið gengið niður að nokkru leyti
og verða þá hvergi veðurviðvaranir
nema á Suðausturlandi. Klukkan sex
í fyrramálið verða að líkindum engar
viðvaranir í gildi. Fólk er hvatt til að
fylgjast áfram vel með upplýsingum
Vegagerðarinnar um lokanir á vegum.
Snjóruðningur misjafn
Álíka mörg tæki sinntu snjó-
mokstri í Reykjavík um helgina
og í nágrannasveitarfélögum á
höfuðborgarsvæðinu. Þar búa þó
mun færri og samanlögð lengd gatna
sem þarf að ryðja er talsvert minni.
Níu snjóruðningstæki voru á götum
Reykjavíkur á laugardag og sunnudag
og þrettán til viðbótar sinntu göngu-
og reiðhjólastígum. Í Kópavogi voru
alls 20 snjóruðningstæki að störfum
yfir helgina, ýmist á götum bæjarins
eða á göngustígum.
Í Garðabæ, þar sem íbúarnir eru
ríflega 18 þúsund, tókst að fara
eina umferð um allar götur með 10
snjóruðningstækjum yfir helgina.
Loks voru 19 snjóruðningstæki að
sinnamokstri á lóðum, götum og stíg-
um í Hafnarfirði þar sem tæplega 30
þúsund búa.
lYfirgefnir bílar til trafalalLokanir á vegumlFlugi aflýst
Gul viðvörunum
gjörvallt landið
Ásbrú Jeppi á vegum björgunarsveita á ferð umÁsbrú í Reykjanesbæ síðdegis í gær. Ófært var þar víðast hvar.
Fjármála- og efnahagsráðuneytið
hefur staðfest samþykktar-
breytingar Lífeyrissjóðs verzlun-
armanna LV (live.is) og er unnið
að innleiðingu breytinga á kjörum
sjóðfélaga sem taka gildi um
næstu áramót. Stjórn og ársfund-
ur lífeyrissjóðsins samþykktu
þessar breytingar í vor og stóð til
að þær tækju gildi í september.
Helstu breytingar sem verða
hjá Lífeyrissjóði verzlunarmanna
um áramótin eru þær að lífeyris-
greiðslur munu hækka um 7,18%.
Makalífeyrir mun lengjast. Þá
verður endurútreikningur tíðari
en nú og þar með verða betri
réttindi þeirra sem eru á eftir-
launum samhliða vinnu, að því er
segir á heimasíðu LV.
Hægt verður að hefja töku eftir-
launa frá 60 ára aldri, í stað 65 ára
aldurs áður. Þá mun taka styttri
tíma að endurávinna sér fram-
reikning vegna áfallaverndar.
10,5% hækkun hjá Gildi
Ráðuneytið staðfesti breytingar
á samþykktum lífeyrissjóðsins
Gildis þann 13. desember. Því
munu lífeyrisgreiðslur fyrir
janúarmánuð 2023 til ellilífeyris-
þega 67 ára og eldri og örorku- og
makalífeyrisþega hækka um 10,5%.
Greiðsla í lok janúar mun því
hækka sem þessu nemur hjá þorra
þeirra sem fá greiddan lífeyri úr
sjóðnum.
Þessi breyting var kynnt á sjóð-
félagafundi 16. desember. Þar kom
einnig fram að nýjar lífslíkutöflur
voru teknar upp við uppgjör 2021
og gera þær ráð fyrir að yngri
kynslóðir muni lifa lengur en þær
eldri. Með upptöku nýju taflanna
jukust skuldbindingar Gildis vegna
lengri lífaldurs sjóðfélaga, einkum
þeirra yngri. Því þurfti að grípa
til ákveðinna mótvægisaðgerða
sem voru samþykktar á ársfundi
í apríl sl. Þær gerðu ráð fyrir að
lífeyristökualdur sjóðfélaga héldist
óbreyttur en réttindi voru endur-
reiknuð miðað við nýjar lífslíku-
tölur. Gert var ráð fyrir að áunnin
réttindi lækkuðu háð aldri svo
áfallnar skuldbindingar héldust
óbreyttar í heild við innleiðingu
á nýjum lífslíkum. Allir árgangar
fá síðan 15% hækkun réttinda.
Heildaráhrif aðgerðanna eru sögð
jákvæð á áunnin réttindi sjóðfé-
laga en mismikið eftir árgöngum.
Yngri árgangar verða fyrir mest-
um áhrifum af aðgerðunum vegna
þess að gert er ráð fyrir að þeir lifi
lengur en þeir eldri. gudni@mbl.is
Réttindi aukin
og lífeyrir mun
hækka á nýju ári
lLífeyrissjóður verzlunarmanna
ogGildi hafa tilkynnt hækkanir
Morgunblaðið/Golli
LífeyrirHækkar um 7,18% hjá LV og
10,5% hjá 67 ára í Gildi.
„Á föstudaginn á fundi forsætis-
nefndar óskaði ég eftir að málefni
Ljósleiðarans, dótturfyrirtækis
Orkuveitu Reykjavíkur, yrði tekið
fyrir á dagskrá borgarstjórnarfund-
ar á þriðjudaginn. Því var neitað af
fulltrúum meirihlutans gegn atkvæði
mínu og Stefáns
Pálssonar,
borgarfulltrúa
Vinstri grænna.
Það er nánast
fordæmalaust
í sögu borgar-
stjórnar að hafna
að taka mál á
dagskrá,“ segir
Marta Guðjóns-
dóttir, borgar-
fulltrúi og nefndarmaður forsætis-
nefndar, en hún lagði fram kvörtun
vegna málsins til samgöngu- og
sveitarstjórnarráðuneytisins í gær.
Marta segir að röksemdir
meirihlutans um að málið sé við-
kvæmt og þoli illa opinbera umræðu
standist ekki. Lagaleg heimild sé
fyrir því að ræða viðkvæmmálefni
fyrir luktum dyrum skv. 12. grein
samþykktar um stjórn Reykjavíkur-
borgar og fundarsköp. Þessa heimild
hafi meirihlutinn getað nýtt sér.
Reykvíkingar eiga 93% í Orkuveitu
Reykjavíkur. Því sé það forkastan-
legt að koma í veg fyrir að borgar-
fulltrúar fái að ræða um veigamikil
hagsmunamál fyrirtækisins. „Hér
hefur leyndarhyggja meirihlutans
náð nýjum hæðum,“ segir hún og
bætir við að oft fari fram umræða
um fyrirtæki borgarinnar í borgar-
stjórn. Það sé eðlilegt, gagnlegt og
nauðsynlegt. „Ég tel að meirihlutinn
sé hér að koma sér undan umræðu
sem snýr að grundvallarsjónar-
miðum: rekstri fyrirtækja í eigu
almennings sem snúa að milljarða
lántökum og viðskiptasamningum.
Þetta þarfnast augljóslega miklu
nánari skoðunar.“
Marta segir þessa höfnun á
umræðu tortryggilega. „Auðvitað er
mikilvægt að það fari fram umræða
um þann viðskiptasamning sem
Ljósleiðarinn er að gera við Sýn.
Með höfnuninni er verið að koma í
veg fyrir að við getum gegnt ríkustu
skyldu borgarfulltrúa. Samkvæmt
lögum er það eftirlitshlutverkið.
Okkur ber skylda til að hafa eftirlit
með rekstri og fyrirtækjum borgar-
innar. Við eigum fyrst og fremst að
standa vörð um hagsmuni borgar-
búa.“
lLagði fram kvörtun vegna Ljósleiðarans
Leyndarhyggjan
náðnýjumhæðum
Marta
Guðjónsdóttir