Morgunblaðið - 20.12.2022, Side 4

FRÉTTIR
Innlent4
MORGUNBLAÐIÐ ÞRIÐJUDAGUR 20. DESEMBER 2022
Sameiginlega viðbragðssveitin eða
JEF (Joint Expiditionary Force)
fundaði í gær í Riga í Lettlandi. Ísland
gekk í JEF á síðasta ári en sveitin
samanstendur af Norðurlöndunum,
Eystrasaltsríkjum, Bretlandi og
Hollandi. JEF hefur verið lýst sem
samstarfsvettvangi líkt þenkjandi
ríkja í Norður-Evrópu um öryggis-
og varnarmál.
Katrín Jakobsdóttir forsætisráð-
herra Íslands sat fundinn en hún seg-
ir í samtali viðMorgunblaðið að fund-
urinn hafi gengið afar vel. Volodimír
Selenskí, forseti Úkraínu, ávarpaði
fundargesti með hjálp fjarfundabún-
aðar og segir Katrín, að hann hafi
sérstaklega nefnt framlag Íslands til
mannúðaraðstoðar í Úkraínu.
„Það er fylgst vel með því sem við
erum að gera og það skiptir máli.
Það vakti athygli mína að hann fór
yfir það sem við erum búin að vera
að leggja af mörkum og nefndi okkur
sérstaklega í því samhengi.“
Áhrif Íslands ekki vanmetin
Katrín segir að ekki sé hægt að
vanmeta þau áhrif sem Ísland getur
haft með mannúðaraðstoð og nefnir
sem dæmi það frumkvæði Íslands
að senda hlý föt og vetrarbúnað til
Úkraínu sem virðist hafa vakið mikla
lukku.
Að sögn Katrínar nefndi Selenskí
einnig þátttöku Landhelgisgæslunn-
ar fyrir hönd Íslands í verkefni sem
snýst um að þjálfa fólk til að leita að
og eyða sprengjum í Úkraínu. Katrín
segir að gífurlega stórt landsvæði í
Úkraínu sé þakið jarðsprengjum og
því um mikilvægt verkefni að ræða.
Þjálfunin hefst í janúar og fer fram
í Litháen en sprengjusérfræðingar
frá Landhelgisgæslunni taka þátt í
þjálfuninni.
Eftir að Selenskí hafði ávarpað
fundinn fóru fram umræður á með-
al leiðtoganna um stöðu ríkjanna
og áframhaldandi samstarf. Katrín
segir að öll ríki samstarfsins hafi nú
þegar lagt fram gífurlega aðstoð til
Úkraínu og hafi heitið því í lok fundar
að halda þeirri aðstoð áfram.
lKatrín Jakobsdóttir sat fundmeð leiðtogumNorður-Evrópu
Selenskí þakkaði
Íslandi aðstoðina
Tómas Arnar Þorláksson
tomasarnar@mbl.is
AFP/Henry Nicholls
Fundur Katrín Jakobsdóttir ásamt Rishi Sunak, forsætisráðherra Bretlands, og Sauli Niinistö, forseta Finnlands.
Hvatakerfi í heil-
brigðisþjónustu
lDRG-fjármögnun innleidd á LHS
Horft er til hvatakerfis við fram-
tíðarskipulagningu heilbrigðisþjón-
ustunnar, að sögn Willums Þórs
Þórssonar heilbrigðisráðherra.
Morgunblaðið greindi á föstudag
frá bréfi Gísla Vigfússonar læknis
til ráðherrans
þar sem hann
benti meðal
annars á að
þýsk sjúkrahús
fái greitt fyrir
hverja aðgerð
en Landspít-
alinn (LHS) er
á fjárlögum og
má líta svo á að
frestuð aðgerð
komi spítalanum
til góða fjárhagslega.
„Innleiðing DRG-fjármögnunar,
sem er þjónustutengd fjármögnun
þar sem greitt er fyrir unnin verk,
er komin vel á veg á Landspítalan-
um. Fljótlega á næsta ári verður
innleiddur fyrsti áfangi verkefn-
isins þar sem hluti af starfsemi
spítalans verður fjármagnaður á
grundvelli DRG. Gert er ráð fyrir
að innleiðingu verði að fullu lokið á
árinu og eftir það verði fjármögnun
á grundvelli DRG í samræmi við
samning Landspítala og Sjúkra-
trygginga Íslands,“ segir í skriflegu
svari Willums.
En hvað um þá ábendingu að pen-
ingar sem Landspítalinn notar ekki
í aðgerðir geti farið til fyrirtækja
eins og Klíníkurinnar og Orku-
hússins til að vinna á biðlistum?
„Í heilbrigðisráðuneytinu er litið
á það sem algjört forgangsmál að
stytta biðlista og í þeirri vinnu er
lögð áhersla á að nýta beri krafta
allra þeirra sem veita heilbrigðis-
þjónustu. Nýlegur samningur við
Klíníkina um kaup á aðgerðum
vegna endómetríósu er til marks
um þessa áherslu,“ segir Willum.
Eins og fram hefur komið sömdu
Sjúkratryggingar við Klíníkina um
kaup á aðgerðum vegna endó-
metríósu og staðfesti heilbrigðis-
ráðherra samninginn.
Hvað varðar nýtingu fjármagns
Landspítalans segir Willum að
spítalinn hafi í dag heimild til að
forgangsraða og ráðstafa fjármagni
milli aðgerða þar sem þarfirnar
geta verið breytilegar. Einnig hafi
Landspítalinn heimild til að úthluta
verkum til annarra og hefur það
verið gert til m.a. Klíníkurinnar.
Endurheimt
heilbrigðisstarfsfólks
Skurðstofur standa tómar á
Landspítalanum vegna þess að
það vantar skurðstofuhjúkrunar-
fræðinga, að sögn Læknablaðsins.
Eru aðgerðir í gangi til að ráða
fleiri skurðhjúkrunarfræðinga? Eru
þeir á lausu erlendis?
Willum segir að ráðuneytið komi
ekki að ráðningum starfsfólks á
stofnunum sem undir það heyra.
Það sé á ábyrgð hlutaðeigandi
stofnana og stjórnenda þeirra.
„Aftur á móti áttum við okkur
á því að mönnun í heilbrigðis-
þjónustu er bæði áskorun hér á
landi og á heimsvísu. Langvarandi
álag og heimsfaraldur hefur haft
mikil áhrif og heilbrigðisstarfsfólk
víðsvegar um heim þarf endur-
heimt og hvíld. Í fjárlögum ársins
2023 er einmitt gert ráð fyrir
sérstöku fjármagni í endurheimt
heilbrigðisstarfsfólks. Síðan er við-
varandi verkefni að stuðla að bættu
starfsumhverfi.“
Heilbrigðisráðuneytið vinnur að
umfangsmikilli mönnunargreiningu
þvert á heilbrigðiskerfið sem mun
hjálpa við að kortleggja mönnun
í dag og þörfina til framtíðar.
Mönnunarþörf hjúkrunarfræðinga
og skurðhjúkrunarfræðinga þarf að
greina út frá fjölmörgum breytum.
Skipulag á skurðstofum þarf að
rýna samhliða því að fjölga skurð-
hjúkrunarfræðingum og sérhæfðu
starfsfólki. Landspítalinn og ný
stjórn hans eru að vinna að ýmsum
breytingum og umbótum í þá átt.
Guðni Einarsson
gudni@mbl.is
Willum Þór
Þórsson
Nýr kjarasamningur Samtaka
atvinnulífsins (SA) og Starfs-
greinasambands Íslands (SFS) var
samþykktur í
atkvæðagreiðslu
hjá öllum
sautján aðild-
arfélögum
SGS sem eiga
aðild að honum.
Niðurstöðurnar
voru afgerandi
í öllum félögun-
um.
Atkvæða-
greiðslan stóð yfir á tímabilinu 9.
til 19. desember. Í heildina var kjör-
sókn 16,56%. Já sögðu 85,71% en
nei sögðu 11% og 3,29% tóku ekki
afstöðu. Á kjörskrá voru 23.711.
Vilhjálmur Birgisson, formaður
SGS, segist hafa fundið fyrir ágjöf
í aðdraganda atkvæðagreiðslunnar.
„Niðurstaðan er í anda þess sem
ég fann þegar ég fór á vinnustaði.
Fólk var ánægt með okkar vinnu.
Það er alveg meiriháttar og sér-
staklega í ljósi þess að það hefur
verið ágjöf og reynt var að afvega-
leiða þessar kosningar. Skrifaðar
hafa verið greinar og Efling sendi
frá sér ályktun á sömu mínútu og
kosningarnar hófust hjá okkur þar
sem talað var um skaðsemi þessa
samnings. Mér finnst afskaplega
ánægjulegt að félagsfólk okkar hafi
séð í gegnum slíka umræðu,“ segir
Vilhjálmur.
Hann segir að það hafi komið sér
á óvart að Efling skyldi beita sér
sérstaklega gegn samningi SGS
en Efling er í viðræðum við SA um
nýjan kjarasamning.
„Ég er afskaplega undrandi
á því sérstaklega í ljósi þess að
Efling tók ákvörðun um að vera
eitt og sér í þessum viðræðum og
skilaði ekki inn samningsumboði
til Starfsgreinasambandsins. Ég
virði þá ákvörðun 100% því það
er sjálfstæður réttur hvers og
eins. Ég er því enn meira undr-
andi þegar Eflingarfólk talar um
skort á samstöðu því félagið tók þá
ákvörðun að vera ekki í samfloti
með félögum sínum í SGS. Þegar
SGS gekk frá kjarasamningum þá
koma þau og gagnrýna hann. Vilja
þar með hafa afskipti af einhverju
sem þau tóku sjálf ákvörðun um að
vera ekki með í. Þetta er eitthvað
sem ég næ ekki ennþá utan um.
Ég ætla bara að segja eins og er,“
segir Vilhjálmur.
lNiðurstaðan afgerandi, segir formaðurinn
SGS samþykkti
kjarasamning
Vilhjálmur
Birgisson