Víkurfréttir - 19.01.2022, Blaðsíða 16

Mundi
Ég hélt að Guðni væri að húkka far
í Garðinn þegar hann stóð þarna
með þumalinn út í loftið ...
Frystitogaranum Baldvini Njáls-
syni GK-400 var snúið til hafnar
á laugardag eftir að grunur um
kórónuveirusmit kom upp um
borð. Heilbrigðisstarfsfólk tók á
móti skipinu í Hafnarfirði þar sem
sýni voru tekin af öllum í 28 manna
áhöfn. Alls reyndust 26 smitaðir af
kórónuveirunni.
Frystitogarinn var staddur á
miðum úti fyrir Vestfjörðum í sinni
fyrstu alvöru veiðiferð þegar grunur
um smit um borð kom upp á laugar­
dagsmorgun. Arnar Óskarsson,
skipstjóri, sagði í samtali við Vísi
að til allrar hamingju séu allir skip­
verjar tiltölulega hraustir. Veiran hafi
laumað sér um borð því allir í áhöfn
hafi farið í PCR­próf og hraðpróf
áður en lagt var í veiðiferðina.
Tvær áhafnir eru á skipinu, sem
skiptast á að fara í veiðiferðir sem
taka um mánuð hver. Áhöfnin sem
núna er í einangrun mun halda veiði­
ferðinni áfram þegar hún losnar úr
einangruninni og mannskapurinn er
orðinn hress. Áætlað er að það verði
í byrjun næstu viku.
Kórónuveiran
laumaði sér um
borð í Baldvin
Njálsson GK
Baldvin Njálsson GK-400
ti
m
ar
it
.is
Ö l l t ö l u b l ö ð V í k u r f r é t t a
f r á 1 9 8 0 o g t i l d a g s i n s í d a g
e r u a ð g e n g i l e g á
timarit.is
Groundhog day
Við eruð orðin ýmsu vön hvað
varðar sóttvarnaraðgerðir og hömlur
í samfélaginu enda glímt við þennan
blessaða Covid­vágest í að verða tvö
ár. Litla þreytta dæmið og með nýjasta
afbrigðinu sem smitast á methraða þá
er allt komið í lás á nýjan leik.
Við fáum þetta í svokölluðum
bylgjum og þessi sem er í gangi núna
er sérstaklega súr vegna þess að eftir
allar þessar sprautur hélt maður að
Covid væri Game over! Núna sem
dæmi ætti tími þorrablótanna að vera
runninn upp með tilheyrandi gleði og
fjöri í skammdeginu en vegna bölvuðu
veirunnar verður ekkert úr því, ekki
frekar en í fyrra. Helvítis vesen segi ég
enda mikill þorrablótsmaður og ekki
hefði okkur veitt af smá upplyftingu
í svartasta skammdeginu en þar sem
nánast hver einn og einasti kjaftur á
landinu er með veiruna góðu eða þá
í sóttkví og samfélagið allt meira og
minna lamað, þá eru mannfagnaðir
úr sögunni. Tímabundið vonandi,
minn blauti draumur væri að sjá
þorrablótin haldin bara um páskana
í ár! Undirritaður fékk meira að segja
veiruna núna í byrjun árs og nánast öll
fjölskyldan fylgdi í kjölfarið. Var ekki
bara ágætt að klára þetta? Samkomu­
takmarkanir hafa sjaldan eða aldrei
verið jafn harðar og núna stefnum við
meira að segja í algjört útgöngubann
um tíma. Við höfum reyndar séð þetta
allt saman áður, þessi slæma mar­
tröð virðist engan endi ætla að taka.
Eða hvað? Þau góðu tíðindi berast
nú úr öllum áttum að veiran góða sé
að veikjast og öll tölfræði bendir svo
sannarlega til þess. Fljótlega gætum
við því fengið frelsið okkar til baka
en við treystum t.d. á að rannsókn
Íslenskrar erfðagreiningar staðfesti
það sem okkur flest grunar, þ.e.a.s. að
veiran sé í raun mun útbreiddari en
áður var talið enda mjög mörg okkar
sem fá engin einkenni þrátt fyrir að
hafa smitast. Ef svo reynist raunin
þá eru þessar hörðu aðgerðir í raun
óþarfar og frelsið okkar ætti að fylgja
fljótlega í kjölfarið.
Eftir tvö ár af þessu öllu saman þá
vonar maður það svo sannarlega en
ef þessi faraldur hefur kennt manni
eitthvað þá er það að fagna aldrei of
snemma. Persónulega er ég bjartsýnni
núna en oft áður og þetta blessaða ljós
í enda ganganna er að verða skærara
með degi hverjum. Njótið þorrans
heima, sjáumst vonandi fljótlega
blekuð á blóti.
LO
KAO
RÐ
ÖRVAR Þ. KRISTJÁNSSON
Guðni Th. Jóhannesson, forseti Íslands, átti
erindi til Reykjanesbæjar um nýliðna helgi og
notaði tækifærið og skokkaði um bæinn.
„Um helgina hafði ég óvænt nægan tíma en
nýtti hann ekki í neitt nema dívans dorm (eins
og segir í gömlu lagi Stuðmanna) þar til ég dreif
mig út að hlaupa, átti erindi í Reykjanesbæ og
skokkaði um bæinn og út fyrir eins og með­
fylgjandi sjálfur sýna. Hreint loft er gulls ígildi.
Listaverkið á útveggnum gladdi mig mjög, gaf
manni kraft á lokakaflanum, rétt eins og fall­
byssan frá Landhelgisgæslunni fyrir framan
Duus­hús. Gaman var líka að sjá margt fólk á
ferð, gangandi og hlaupandi. Alltaf er gott að líta
við suður með sjó,“ skrifar Guðni forseti á Fés­
bókarsíðu embættisins.
Þar minnir hann einnig á átak í þágu líkama
og sálar. „Slöbbum saman“ heitir það og má sjá
nánari upplýsingar á vef UMFÍ. Forsetinn skrifar
einnig um handboltann og endar svo færsluna á
kórónuveirunni.
„Í síðustu viku tóku hertar sóttvarnir gildi og
vara fram í byrjun febrúar. Við þreyjum þorrann
þannig. Sem fyrr getum við Íslendingar þakkað
fyrir að hér býr fólk sem vill leggjast saman á
árarnar þegar þörfin krefur, fólk sem kynnir sér
mál og kemst að upplýstri niðurstöðu. Um leið
fer fram stöðug umræða um kosti og galla að­
gerða hverju sinni og sem betur fer bendir flest
til þess að sá vágestur, sem við er að eiga, veikist
með tímanum. Varnir hljóta að taka mið af því.
Góðar stundir.“
Vegglist í Keflavík heillaði forsetann
Þorrabakki fyrir einn 5.100 kr.
Þorrabakki fyrir tvo 8.200 kr.
Þessir bakkar eru til sölu föstudaginn
21. janúar og föstudaginn 28. janúar.
Þorraveislur
Sjá inn á retturinn.is/veisluþjónusta
Opið á bóndadaginn frá 11:00 til 13:30
og svo ætlum við að hafa kvöld opnun
frá 17:00 til 19:30.
Þá verður á boðstólnum heit svið
og saltkjöt ásamt þorrabökkum.
Rétturinn Hafnargötu 90 - Reykjanesbæ
Ljúffengur heimilismatur í hádeginu
Opið alla virka daga frá 11 til 13:30
Þorramatur á Réttinum