Víkurfréttir - 04.05.2022, Blaðsíða 19

Erfitt val ... og þó
Svanur G. Þorkelsson, leiðsögumaður,
skipar þriðja sæti á lista Pírata í Reykjanesbæ.
Bæjarstjórnarkosningarnar nálgast
í Reykjanesbæ sem annars staðar á
landinu og þeir sem ekki eru búnir að
lofa sínu atkvæði eða ætla að kjósa
flokkinn sinn sem þeir hafa kosið síðan
þeir fengu kosningarétt, eiga erfitt verk
fyrir höndum. Þegar farið er yfir þær
stefnuskrár sem birtar hafa verið og
málflutningur þeirra sem ekki hafa birt
neina stefnuskrá, er athugaður, kemur í
ljós að málefnin eru afar áþekk ef ekki
eins hjá öllum sem í framboði eru.
Auðvitað er auðvelt að telja þá
frá sem fyrirgert hafa sínu tilkalli til
að vera í framboði með því einu að
kenna sig við ákveðna flokka og fara
þar fremstir stjórnarflokkarnir sem eru
nýbúnir að ræna þjóðina, og þá einnig
íbúa Reykjanesbæjar, miklum fjár-
munum með því að selja ættmennum
sínum eina af bestu mjólkurkú lands-
manna.
En þeir sem hvergi komu þar ná-
lægt geta staðið uppréttir og talað
keikir um fleiri atvinnutækifæri, betri
læknisþjónustu, örlátari framlög til
íþrótta og grænt líf, eins og þeir gerðu
fyrir fjórum árum, án þess að þurfa
skammast sín fyrir það eitt að bjóða
fram í nafni stjórnarflokks.
Af þeim hafa Píratar samt nokkra
sérstöðu. Þeir eru eina framboðið sem
talar fyrir algjöru gagnsæi stjórnsýsl-
unnar og hafa frá upphafi verið fylgj-
andi rafrænni kosningu íbúa bæjarins
um öll stærri mál. Önnur framboð hafa
reyndar nú apað íbúakosninguna eftir
Pírötum og er það vel, gott er gott,
hvaðan sem það kemur.
Þegar að stærsti hluti tíma fólks fer
í að hafa í sig á er ekki von að fólk geti
sett sig inn í öll mál sem stjórnsýsla
bæjarfélagsins verður að eiga við á
hverjum tíma. En er ekki betra að hafa
í bæjarstjórn einhvern málsvara þess
að þau mál sem verulega skipta alla
máli, verði borin undir bæjarbúa?
Og er ekki betra að hafa einhvern
eða jafnvel einhverja í bæjarstjórn sem
telja það óskoraðan rétt allra bæjarbúa
að geta fengið að vita hvað er í bígerð
og hvað er í raun og veru verið að und-
irbúa, hvað hlutirnir kosta og hvaðan
peningarnir koma, ef og þegar þeir hafa
áhuga á að kynna sér málin.
Ef þú ert sammála því, þá skora ég á
þig að setja X við P þann 14. maí næst-
komandi.
Skipulag og lóðaframboð
Björn Sæbjörnsson, oddviti Sjálfstæðismanna
og óháðra í Sveitarfélaginu Vogum.
Ég tel mjög mikilvægt að í okkar sveit-
arfélagi sé ávallt nægt framboð lóða
til úthlutunar og hefur D-listinn alltaf
talað fyrir því og lagt á það áherslu.
Hugsa þarf vel fram í tímann og haga
deiliskipulagi þannig að nóg fram-
boð sé og sveitarfélagið geti úthlutað
lóðum eins og þörf krefur. Það er ekk-
ert launungarmál til að hagur okkar
fari að batna verðum við að hafa þetta
grundvallaratriði í lagi. Þau svæði sem
við horfum til núna er lágreist einbýlis
og raðhúsabyggð ofan við dalahverfi
(ÍB-5) og hafnarsvæðisins (Íb-6) þar
sem við sjáum fyrir okkur blandaða
byggð þjónustu og íbúða í fjölbýli. Við
viljum sjá endurvinnslustöð Kölku við
Jónsvör flutta á iðnaðarsvæðið, gamla
vigtarskúrinn víkja og skipuleggja
svæðið sem eina heild. Sveitarfélagið
eignaðist Kirkjuholtið á síðasta ári og
búið er að deiliskipuleggja svæðið fyrir
íbúðabyggð og útivistarsvæði að hluta.
Þessu var lokið í september og fæ ég
ekki skilið af hverju er ekki búið að út-
hluta þessum lóðum nú þegar næg er
eftirspurnin.
Mjög mikilvægt er líka að ná sam-
komulagi við meðeigendur okkar á
óskiptu heiðarlandi Voga svo hægt sé
að úthluta atvinnulóðum og sveitalagið
geti skipulagt sína framtíðaruppbygg-
ingu til lengri tíma.
Við horfum líka til strandarinnar
og Hvassahrauns og viljum gera fólki
kleift að búa á þessum svæðum og eiga
lögheimili í sveitarfélaginu.
Við höfum barist fyrir því á liðnu
kjörtímabili að taka fyrstu skrefin í
þessa átt í vinnu við endurskoðun að-
alskipulags. Þar höfum við viljað fá frí-
stundabyggðinni í Breiðagerði breytt í
íbúðabyggð dreifbýli. Við höfum ekki
haft erindi sem erfiði þrátt fyrir að allir
þeir sem skiluðu inn athugasemdum
og búa á svæðinu hafi viljað sjá þessa
breytingu. Einnig voru lögfræðileg álit
fengin sem sögðu að ekkert væri þessu
til fyrirstöðu. Með því að hafna þessu
koma þeir íbúar sem þarna búa áfram
til með að borga sína skatta til annara
sveitarfélaga þar sem þeir neyðast til
að hafa lögheimili og engir nýir bæt-
ast í hópinn. Fordæmin eru til staðar í
Brunnastaðahverfi.
Þegar horft er lengra til framtíðar
teljum við að Flekkuvíkin sem nú er
skilgreind sem iðnaðarsvæði ætti að
fara undir íbúðabyggð og líklega er
það svæði eitt af þeim bestu nágrenni
höfuðborgarsvæðisins þegar fram líða
stundir.
Fjölskyldan fyrst!
– Vinnum markvisst að því að gera Reykja-
nesbæ að fjölskylduvænu sveitarfélagi
Birgitta Rún Birgisdóttir,
skipar 5. sæti á lista Sjálfstæðisflokksins.
Í síðustu grein minni kynnti ég til sög-
unnar stefnuáherslu sem hefur það að
markmiði að flétta fjölskyldusjónarmið
inn í allar meiriháttar ákvarðanir bæj-
arstjórnar. Takmarkið er að ráðstafanir
og allar meiriháttar ákvarðanir bæjar-
stjórnar taki mið af fjölskyldum (í fjöl-
breyttum skilningi þess orðs). Í þessum
stutta pistli langar mig að nefna til sög-
unnar nokkur verkefni sem nauðsyn-
legt er að skoða með hagsmuni fjöl-
skyldna í huga.
Það er ljóst að atvinnulífið og skóla-
starf í víðum skilningi þarf að tengja
vel saman. Skólarnir okkar og leik-
skólar sinna mikilvægustu verk-
efnum samfélagsins: að undirbúa
börnin okkar fyrir bjarta framtíð. En
á sama tíma og skólarnir sinna þessu
mikilsverða verkefni þá gera þeir líka
foreldrum kleift að leggja stund á
vinnu (og eða nám) sér og samfélag-
inu til hagsbóta. Þetta þarf að tengja
enn betur saman. Þarna þarf að taka
ákvarðanir sem hafa jákvæð áhrif á
fjölskyldur. Það er algjör forsenda fyrir
fjölskylduvænu samfélagi að boðið sé
upp á leikskólapláss fyrir börn frá átján
mánaða aldri. Það eykur þroska þeirra
og á sama tíma gefur það foreldrum
tækifæri á að sækja fyrr út á vinnu-
markaðinn.
Félagsmiðstöðvar gegna mikilvægu
hlutverki í að efla félagsþroska barna
og ungmenna. Þær þjóna ekki tilgangi
sínum nema þær séu aðgengilegar fyrir
börn hvar sem þau búa í sveitarfélag-
inu. Við leggjum því áherslu á að fé-
lagsmiðstöðvar verði opnaðar í sem
flestum hverfum sveitarfélagsins, t.d.
í samvinnu við grunnskólana.
Skipuleggja þarf frístundaakstur og
strætisvagnaferðir með þarfir skóla-,
íþrótta- og tómstundastarfs í huga. Hér
skiptir lykilmáli að rýna í það hvernig
verkefnið hefur gengið og ræða við for-
eldra, starfsfólk á þessu sviði en ekki
síst börnin sjálf. Hvernig hefur til tekist
og hvernig er hægt að gera enn betur?
Síðast en ekki síst þrífast fjölskyldur
ekki nema þær hafi bolmagn til að
framfleyta sér. Kröftugt og fjölbreytt
atvinnulíf gegnir þar lykilhlutverki.
Líka skattaumhverfi sem tekur tillit
til hagsmuna fjölskyldna. Í báðum til-
fellum leikur sveitarfélagið mikilvægt
hlutverk. Allt þetta þarf að skoða út
frá sjónarhorni fjölskyldna. Fjölskyldan
fyrst!
Íþróttamál til framtíðar!
Gísli Jónatan Pálsson,
skipar 5. sæti á framboðslista Framsóknar í Suðurnesjabæ.
Elvar Þór Þorleifsson,
skipar 6. sæti á framboðslista Framsóknar í Suðurnesjabæ.
Hvernig eigum við að haga stefnu-
mótun okkar og framtíðarsýn? Verðum
við ekki fyrst og fremst að skapa festu
og fagleg vinnubrögð við áætlanagerð
sveitarfélagsins. Þannig náum við fram
betri nýting á fjármunum og sem skyn-
samlegustu uppbyggingu á innviðum
og þjónustu.
Við í Suðurnesjabæ verðum að ná
saman um félags- og umhverfisleg
tengsl á milli byggðakjarnanna, hvernig
þau eigi að þróast. Við verðum ekki síst
að ná saman um fjárhagslegar áherslur
í því sambandi.
Hvar sjáum við uppbyggingu
íþróttamannvirkja fyrir okkur? Við
stöndum á tímamótum hvað varðar
mótun á okkar ört stækkandi bæjar-
félagi. Við í Framsókn viljum að teknar
verið ákvarðanir vegna þessa með hag
allra bæjarbúa til hliðsjónar.
Við teljum að hugsun um fjölnota
íþróttahús í Suðurnesjabæ vera afskap-
lega rómantíska en jafnframt verðum
við sjá fyrir okkur hvort við eigum
raunverulegt bolmagn til að reisa og
reka slíkt hús.
Það er klárt mál að börnin okkar í
sameiginlegu liði Reynis/Víðis eru að
dragast aftur úr. Við missum unga iðk-
endur yfir í önnur bæjarfélög.
Gervigrasvöllur í Garði eða Sand-
gerði er nú í valkostagreiningu. Það
mun fara fram samanburður á þeim
kostum, m.a. er varðar útfærslu, áætl-
aðan stofnkostnað og annað sem þarf
að liggja fyrir við samanburð allra
kosta, s.s. greining á rekstrarkostnaði.
Við í Framsókn viljum taka samtalið
við íbúa og atvinnulíf um samstarf við
uppbyggingu eftirsóknarverðar að-
stöðu og komast að niðurstöðu með
samvinnu. Fjöldi fólks hefur flutt sig
frá höfuðborgarsvæðinu í rólegra og
fjölskylduvænna sveitarfélag, Suður-
nesjabæ og fögnum við nýjum íbúum.
Við viljum tryggja þátttöku allra til
samtals. Núna er tækifærið til þess!
Atkvæðagreiðsla utan kjör-
fundar vegna sveitarstjórnar-
kosninga 14. maí 2022
Utankjörfundaratkvæðagreiðsla vegna sveitarstjórnarkosninga er hafin.
Frá og með fimmtudeginum 28. apríl verður unnt að greiða atkvæði utan kjörfundar
á eftirfarandi stöðum og tímum:
Reykjanesbær, á skrifstofu sýslumanns að
Vatnsnesvegi 33,
virka daga frá klukkan 08:30 til 19:00.
laugardagana 30. apríl og 7. maí frá klukkan
10:00 til 14:00,
laugardaginn 14. maí frá klukkan 10:00 til
17:00 (einungis fyrir kjósendur utan um-
dæmis).
Grindavíkurbær, á skrifstofu sveitarfélags-
ins að Víkurbraut 62 (verslunarmiðstöð),
virka daga frá klukkan 9:30 til 15:00.
Sveitarfélagið Vogar, á skrifstofu sveitar-
félagsins að Iðndal 2,
mánudaga til fimmtudaga frá klukkan 8:30
til 15:30,
föstudaga frá klukkan 8:30 til 12:30.
Suðurnesjabær, á skrifstofu sveitarfélags-
ins að Sunnubraut 4, Garði
mánudaga til fimmtudaga klukkan 9:30 til
15:00
föstudaga klukkan 9:30 til 12:30.
Kjósendur skulu hafa meðferðis gild persónuskilríki
(ökuskírteini, vegabréf eða nafnskírteini).
Atkvæðagreiðsla utan kjörfundar vegna íbúakosningar í Sveitarfélaginu Hornafirði, sem
fram fer samhliða kosningum til sveitastjórna, fer einnig fram á fyrrgreindum stöðum og
tímasetningum.
Sýslumaðurinn á Suðurnesjum
26. apríl 2022
Ásdís Ármannsdóttir
víkurFrÉttir á SuðurNESJuM // 19