Víkurfréttir - 26.10.2022, Blaðsíða 2
FINNDU OKKUR Á FACEBOOK
DAGLEGAR FERÐIR ALLA VIRKA DAGA
S U Ð U R N E S - R E Y K J A V Í K
845 0900
FERÐIR Á DAG
ALLTAF PLÁSS
Í BÍLNUM
HREINSUM
RIMLAGARDÍNUR OG
MYRKVUNARGARDÍNUR
NÁNARI UPPLÝSINGAR Á ALLTHREINT.IS
„Það er verið að setja upp póstbox í Sandgerði, Garði og Vogum svo póstboxum fjölgar til muna á
næstu vikum á Suðurnesjum. Þá er þriðja póstboxið væntanlegt í Reykjanesbæ. Pósturinn leggur
mikla áherslu á að aðlagast hratt og örugglega og kappkostar að þróa þjónustu sína í takt við breyttar
þarfir og kröfur neytenda,“ segir Elín Björg Guðmundsdóttir, stöðvarstjóri Póstsins á Suðurnesjum.
Hún starfar á pósthúsinu við Hafnargötu í Reykjanesbæ.
Póstboxin slegið í gegn
„Við erum þegar með tvö póstbox
í Reykjanesbæ og það þriðja er á
leiðinni. Bæjarbúar hafa tekið póst-
boxunum opnum örmum og það
er einstaklega góð nýting á fyrstu
tveimur boxunum. Þau eru best
nýttu póstboxin á landsvísu og ég
verð að hrósa starfsfólkinu hér sem
hefur verið mjög duglegt að kynna
póstboxin fyrir bæjarbúum. Suður-
nesjamenn taka yfirleitt vel á móti
nýjungum og það hefur sýnt sig með
boxin. Þau hafa sannarlega slegið í
gegn hér í bænum og það er mjög
skemmtilegt.”
Opin allan sólarhringinn
Hún segir að þetta sé auðvitað
þróunin á okkar hröðu tímum tækni
og örra breytinga. ,,Það sem er svo
þægilegt við póstboxin er að þau eru
opin allan sólarhringinn, alla daga
ársins. Svo erum við með laugar-
dagsáfyllingar líka þannig að það er
fyllt á boxin sex daga vikunnar. Við-
skiptavinir geta raunar sótt hvenær
sem er sólarhringsins í póstboxin
sem er afar þægilegt. Það er líka
hægt að senda pakka í póstboxunum
sem gerir þau enn nytsamlegri,“ segir
Elín Björg. Hún hóf störf hjá Póst-
inum árið 2019 og tók þá við stöðu
stöðvarstjóra á Suðurnesjum. Hún
segist sjálf líta á sig sem Njarðvíking
fyrst og fremst þótt hún hafi búið
fyrstu árin í Grímsnesi.
„Við erum alltaf að fylgjast með
þörfinni og meta hvort við eigum að
stækka póstbox sem eru nú þegar
til staðar. Nú er þriðja póstboxið
að koma sem bætir þjónustuna enn
frekar. Við höfum einnig ráðist í
endurbætur á pósthúsinu við Hafn-
argötu og það lítur ljómandi vel út.“
Fyrirtækjaþjónusta Póstsins
aðstoðar í jólatörninni
Elín Björg nefnir að miklar breyt-
ingar hafi orðið á póstþjónustu á
síðustu árum. „Fjöldi bréfasendinga
hefur dregist saman um 74% en á
sama tíma hafa pakkasendingar
margfaldast. Við erum með mjög
góða fyrirtækjaþjónustu og ég hvet
fyrirtæki hér í bænum til að skoða
þá þjónustu sem við bjóðum upp á.
Nú eru jólin að nálgast óðfluga og
Pósturinn getur aðstoðað fyrirtæki
í jólatörninni. Það eru fjölbreyttar
þjónustuleiðir í boði, t.d. getum við
komið og sótt pantanir alla virka
daga, það eru farnar aukaferðir með
pakka og boðið er upp á vöruskil.
Ég vil hvetja fyrirtæki hér á Suður-
nesjum til að hafa samband við fyrir-
tækjaþjónustuna okkar,“ segir Elín
Björg.
Loks nefnir Elín Björg að
breytingar verði á póstþjónustu í
Grindavík í janúar næstkomandi. Til
stendur að loka pósthúsinu en leggja
þess í stað meiri áherslu á annars
konar þjónustu á svæðinu. „Breyttir
tímar gera kröfu um breytta þjón-
ustu sem við verðum víst að laga
okkur að. Viljinn hjá okkur er sterkur
til að þróa þjónustuna þar svo hún
verði framúrskarandi.“
Ein stór fjölskylda
Alls starfa 22 starfsmenn hjá Póst-
inum á Suðurnesjum. „Það er góður
starfsandi hjá okkur og við erum
eins og ein stór fjölskylda. Þetta er
frábær vinnustaður. Það er mikil til-
hlökkun að demba sér í jólatörnina
sem er alltaf skemmtileg þótt það
sé mikið að gera á þeim tíma. Við
setjum okkur í jólagírinn og tökum
vel á móti viðskiptavinum okkar sem
koma með pakka eða bréf til vina og
ættingja fyrir jólin. Ég vil hvetja fólk
til að vera tímanlega á ferðinni með
jólapakkana þar sem það er mikið að
gera á þessum tíma,“ segir Elín Björg
glaðlega að lokum.
Best nýttu póstbox
landsins á Suðurnesjum
– póstboxum fjölgar til muna á næstu vikum á Suðurnesjum
Elín Björg Guðmundsdóttir, stöðvarstjóri Póstsins á Suðurnesjum. VF-mynd: Hilmar Bragi
Elskulegur faðir okkar , tengdafaðir, bróðir, afi
og frændi
GUÐMUNDUR FRIÐRIK FRIÐRIKSSON
Víkurbraut 6, Keflavík,
lést á Heilbrigðisstofnun Suðurnesja þriðjudaginn 18. október.
Útförin fer fram frá Keflavíkurkirkju föstudaginn 28. október kl. 12.
Lárus Gabríel Guðmundsson
Þorbjörn Einar Guðmundsson
Loftur Guðmundsson Árdís Telma Jóhannesdóttir
Hafdís Ben Friðriksdóttir
Magnea Friðriksdóttir
barnabörn og frændsystkini hins látna.
Ásdís Ragna Einarsdóttir, lýð-
heilsufulltrúi, kynnti á síðasta
fundi lýðheilsuráðs niðurstöður
rýnihóparannsóknar, Lýðheilsa á
Suðurnesjum, sem var framkvæmd
af Félagsvísindastofnun Háskóla Ís-
lands fyrir Reykjanesbæ.
Lýðheilsuráð Reykjanesbæjar
hefur óskað eftir gögnum um nýt-
ingu á sálfræðiþjónustu sem stóð til
boða í Fjölbrautaskóla Suðurnesja.
Þá vill ráðið vita hvort til séu gögn
um það hversu mörgum málum var
vísað áfram til áframhaldandi úr-
ræða og af hverju þessi þjónusta var
lögð niður.
Frú Ragnheiður og staða heim-
ilislausra í Reykjanesbæ var
til umræðu á síðasta fundi vel-
ferðarráðs Reykjanesbæjar. Jó-
hanna Björk Sigurbjörnsdóttir,
verkefnastjóri Frú Ragnheiðar
á Suðurnesjum, og Bjarney Rós
Guðmundsdóttir, teymisstjóri
ráðgjafar- og virkniteymis, mættu
á fundinn undir þessum lið.
Frú Ragnheiður vinnur eftir
hugmyndafræði skaðaminnkunar
þar sem lögð er áhersla á að fyrir-
byggja þann skaða og þá áhættu
sem hlýst af notkun vímuefna
fremur en að fyrirbyggja notkunina
sjálfa. Frú Ragnheiður hefur það
að markmiði að koma í veg fyrir
ótímabær dauðsföll og óaftur-
kræfan skaða sem og að auka lífs-
gæði og bæta heilsufar einstaklinga
sem nota vímuefni í æð með því
að veita lágþröskuldaþjónustu í
nærumhverfi einstaklinga. Lækkun
á tíðni sýkinga og útbreiðslu smit-
sjúkdóma á borð við HIV og lifrar-
bólgu C, færri dauðsföll af völdum
ofskömmtunar, ábyrgari neyslu-
hegðun og minna af notuðum
sprautubúnaði í almennings-
rýmum eru á meðal þess ávinnings
sem hlýst af verkefninu án mikils
tilkostnaðar.
Jóhanna Björk Sigurbjörns-
dóttir, verkefnastjóri, kynnti verk-
efnið Frú Ragnheiður á Suður-
nesjum sem hófst í júní 2020 og
hefur farið ört stækkandi síðan.
Á þessu ári eru um 40 notendur
sem skiptast nokkuð jafnt milli
kynja. Jóhanna fylgir eftir málum
sem koma inn í bílinn og stendur
til að hækka starfshlutfall hennar
en til þess þarf meira fjármagn í
verkefnið. Verkefnið eignaðist sinn
eigin bíl í byrjun árs. Það sem af er
árinu 2022 hafa 38 einstaklingar
leitað til Frú Ragnheiðar á Suður-
nesjum og heimsóknir eru samtals
374. Nú þegar hefur verið fargað
207 lítrum af notuðum sprautu-
búnaði.
Á fundinum fór Bjarney Rós
Guðmundsdóttir, teymisstjóri
ráðgjafar- og virkniteymis, yfir
stöðuna varðandi heimilislausa
einstaklinga í Reykjanesbæ.
Um 40 einstaklingar nota þjónustu
Frú Ragnheiðar á Suðurnesjum
Af hverju var sálfræði-
þjónusta í FS lögð niður?
2 // vÍkurFrÉttir á SuðurNeSJuM