Víkurfréttir - 26.10.2022, Page 16
Mundi
Settu vöruna á vigtina ...
Settu vöruna á vigtina ...
Mér finnst fátt óþægilegra en að finna
þegar hjartslátturinn hækkar, að því
er virðist að ástæðulausu. Eftir því
sem ég verð eldri gerist þetta æ oftar
– og oftast þegar ég nálgast einhverja
númtímatækni, sem ungir hugsuðir
með óþroskaða sýn á lífið hafa hannað
til að auðvelda okkur lífið. Tölvurnar
eru byrjaðar að tala við okkur og
senda okkur óumbeðið miskunar-
lausar upplýsingar og fyrirskipanir.
Ég fékk nýlega forláta kínverskan
rafmagnsbíl með ensku nafni til af-
nota, smíðaðan í Kína árið 2022
samkvæmt skráningarvottorðinu
sem fylgir. Sem sagt alveg glænýjan
bíl. Það ætti að vera notaleg til-
finning fyrir eldri mann með snert
af loftlagskvíða að fá að nota slíkt
tækniundur – en það er það ekki. Í
hvert skipti sem ég starta bílnum
koma kínverku raddirnar með alls-
konar upplýsingar sem í mínu tilfelli
örva hjartsláttinn upp fyrir þau mörk
sem eðlileg geta talist. Ég fyllist efa-
semdum um gildi tækninar og aldur
bílsins.
Það sem setur mig næstum
alveg úr jafnvægi á hverjum dagi er
hvernig þær byrja. Tilkynna mér á
hverjum degi að nú sé 1. janúar árið
2019, jafnvel þó nú sé kominn seinni
hluti október 2022, samkvæmt
minni bestu vitund. Fæ svona létt
paranojuköst, gef mér að þetta sé
hluti af einhverju sérstöku átaki
kínverskra stjórnvalda sem beinist
að því að heilaþvo mig sérstaklega,
þannig að ég viti hvorki stað né
stund. Velti því svo fyrir mér hvort
bílinn sé eldri en er skráður og allt
þetta sem þær segja hafi verið tekið
upp á segulbandspólu sem hafi verið
komið fyrir í bílnum 1. janúar 2019.
Átta mig ekki á hvort sé réttara en
hvoru tveggja grafalvarlegt ef rétt
reynist.
Svo eru það sjálfsafgreiðslukass-
arnir sem virðast vera komnir all-
staðar og maður kemst bara ekki
undan að nota. Ég fyllist alltaf ótta
og skelfingu þegar ég nálgast slík
tæki, með þá tilfinningu að þeir séu
byrjaðir að þekkja mig sjá til þess
að athygli allra sem í búðinni eru
beinast að mér. Sýna öllum hversu
tækniheftur ég sé.
Þetta byrjar oftast vel, ég byrja
á að skanna þær vörur sem hafa
strikamerki og set þær samkvæmt
fyrirmælum á pokavæðið. Svo kemur
að þeim vörum sem þarf að velja
handvirkt, og setja á vigtina. Það er
á þessum tímapunkti sem kassarnir
velja að ráðst til atlögu og röddin
sem berst úr kössunum veður ísköld
og miskunnarlaus, eins og hún hafi
misst alla raunveruleikatilfinningu
og sé hætt að fylgjast með hvað er
að gerast. Settu vöruna á vigtina ...
Settu vöruna á vigtina ... endurtekur
hún aftur og aftur. Það er þarna sem
ég finn hjartsláttinn hækka, horfi á
eiginkonuna sem brosir, því hún veit
hvað er framundan. Barátta milli
manns og sjálfsafgreiðslukassa.
Ég dreg andann djúpt, hleð upp í
gildishlaðna ræðu þar sem ég mun
útskýra fyrir sjálfsafgreiðslukass-
anum að varan sé löngu komin á
vigtina og hlutverk hans sé að vigta
vöruna og setja verð á þá vöru sem
ég er að kaupa, ekki að hrópa inni-
haldslausar fyrirskipanir að mér
sem heyrast út um alla búð. Það er
á þessum tímapunkti sem brosandi
ungmenni birtast venjulega, ýta á
einn eða tvo takka og sjálfsafgreiðlu-
kassinn kemst aftur til meðvitundar
– en í stað þess að biðjast afsökunar
á þeim óþægindum sem þetta hefur
valdið mér og viðbrögðum sínum,
skipar hún mér að setja vöruna
á pokavæðið. Ég greini á tónfalli
sjálfsafgreiðlukassans að ég hef
unnið fullnaðarsigur í þessum bar-
daga – en orrustan sé ekki búin. Við
munum hittast aftur næsta föstudag.
Gleymd’ekki
kvittuninni ...
ORGÓBER
30. Orgeltónleikar
Guðmundur Sigurðsson organisti við Hafnarfjarðarkirkju leikur valin orgelverk kl. 17:00
O RGELMÁNUÐUR
Í OKTÓBER 2022
DAGSKRÁ Í OKTÓBER
Guðmundur Sigurðsson
keflavikurkirkja.is
LO
KAO
RÐ
HANNESAR FRIÐRIKSSONAR
Dagskrárgerðarfólk
og hugmyndir að þáttum
í Hlaðvarp Víkurfrétta
Hlaðvarp Víkurfrétta
— Leggðu við hlustir
Ertu til í að vinna við dagskrárgerð og taka upp einn þátt
í viku eða kannski bara einn þátt í mánuði?
Ertu til í að ganga til liðs við okkur í vetur og sjá um hlaðvarpsþátt?
Ertu kannski bara með hugmyndir að áhugaverðu efni til umfjöllunar
og ert til í að deila því með hlaðvarpsstjórnendum?
Við erum að leggja lokahönd á nýtt stúdíó þar sem verður aðstaða
til að taka á móti gestum og ræða við þá á bak við hljóðnemann
og/eða framan við myndavélina.
Ef þú hefur áhuga á að taka þátt,
þá máttu endilega senda okkur línu á vf@vf.is
FIMMTUDAG KL. 19:30
HRINGBRAUT OG VF.IS
Í Finnlandi með
félagsmiðstöðvafólki
af Suðurnesjum
Sólborg
og Fávitarnir
Ný plata Elízu