Víkurfréttir - 26.10.2022, Blaðsíða 15
Ungmennafélagið Þróttur í Vogum fagnaði 90 ára afmæli um liðna
helgi. Félagið var stofnað þann 23. október 1932 en alla tíð hefur
verið mjög líflegt starf í félaginu. Starfsemin hefur verið í miklum
blóma síðustu ár og er það m.a. að þakka uppbyggingu íþróttamann-
virkja í sveitarfélaginu. Þannig eru rétt tæpir þrír áratugir síðan
íþróttamiðstöð var opnuð í Vogum með sundlaug, parketlögðum
íþróttasal og aðstöðu til lyftinga. Með íþróttamiðstöðinni fjölgaði
íþróttagreinum innan Þróttar og þarna fóru Vogamenn að stunda
badminton, júdó og sund. Núna er t.a.m. æfður körfuknattleikur undir
merkjum Þróttar í íþróttamiðstöðinni. Utan við íþróttamiðstöðina er
svo sjálfur knattspyrnuvöllurinn þar sem Þróttur lék síðasta sumar
í næstefstu deild en veran í þeirri deild á nýliðnu sumri er besti
árangur sem Þróttur hefur náð í knattspyrnusögu félagsins. Liðið
féll reyndar aftur niður í 2. deild í haust.
En aftur að afmælisfagnaðinum í
Tjarnarsal Stóru-Vogaskóla. Þar
var tekið á móti næstum 200 af-
mælisgestum í mikið skreyttan sal,
þar sem munir úr sögu ungmenna-
félagsins fengu að njóta sín á borðum
og veggjum.
Fjölmargar viðurkenningar voru
veittar á þessum tímamótum. Borg-
hildur Sigurðardóttir, fyrsti vara-
formaður Knattspyrnusambands
Íslands, veitti þeim Marteini Ægis-
syni og Gunnari J. Helgasyni silfur-
merki KSÍ.
Ungmennafélagið Þróttur veitti
nokkrar heiðursviðurkenningar á
þessum stóru tímamótum. Helgi
Guðmundsson, Júlía Halldóra Gunn-
arsdóttir, Tinna Sigurbjörg Hall-
grímsdóttir, Kristján Árnason, Björg-
unarsveitin Skyggnir og Minja- og
sögufélag Vatnsleysustrandar fengu
öll viðurkenningu með þökk fyrir
vel unnin störf í þágu félagsins og að
gera gott félag betra.
Félaginu bárust peningagjafir
frá Kvenfélaginu Fjólu, Gullási og
Sveitarfélaginu Vogum í tilefni tíma-
mótanna. Þá voru veitingar og hlað-
borð var í boði Hérastubbs bakara í
Grindavík.
Nokkur ávörp voru haldin á tíma-
mótunum. Petra Rut Rúnarsdóttir,
formaður UMFÞ, rakti sögu ung-
mennafélagsins í grófum dráttum og
þá ávörpuðu Gunnar Axel Axelsson,
bæjarstjóri, og Birgir Örn Ólafsson,
formaður bæjarráðs, samkomuna.
Það gerðu einnig Auður Inga Þor-
steinsdóttir, framkvæmdastjóri
UMFÍ, Haukur Guðberg Einarsson,
formaður knattspyrnudeildar
Grindavíkur, Einar Haraldsson, for-
maður Keflavíkur íþrótta- og ung-
mennafélags, Rúnar Arnarsson,
formaður Íþróttabandalags Reykja-
nesbæjar og fyrrum stjórnarmaður
KSÍ og Borghildur Sigurðardóttir,
fyrsti varaformaður KSÍ. Að endingu
kom Sóli Hólm og skemmti fólki með
uppistandi og börn fengu andlits-
málningu í tilefni dagsins.
Þróttmiklir í Vogum í 90 ár
Hilmar Bragi Bárðarson
hilmar@vf.is
Borghildur Sigurðardóttir, fyrsti varaformaður Knattspyrnusambands
Íslands, veitti þeim Marteini Ægissyni og Gunnari J. Helgasyni silfurmerki KSÍ.
Boðið var upp á kaffiveitingar í boði Hérastubbs bakara í Grindavík.
Einar Haraldsson frá Keflavík og
Petra Rún frá Þrótti Vogum.
Haukur Guðberg frá Grindavík
og Petra Rún frá Þrótti Vogum.
Um 200 gestir mættu í afmælishófið
í Tjarnarsal Stóru-Vogaskóla
síðasta laugardag þegar 90 ára
afmæli Ungmennafélagsins
Þróttar var fagnað.
Fleiri
myndir á
Íbúar í Sveitarfélaginu Vogum og velunnarar Ungmennafélagsins Þróttar fjölmenntu í afmælisfagnaðinn í tilefni af 90 ára afmæli félagsins. VF-myndir: Hilmar Bragi Bárðarson
Ungmennafélagið Þróttur veitti nokkrar heiðursviðurkenningar á þessum stóru tímamótum.
Helgi Guðmundsson, Júlía Halldóra Gunnarsdóttir, Tinna Sigurbjörg Hallgrímsdóttir, Kristján
Árnason, Björgunarsveitin Skyggnir og Minja- og sögufélag Vatnsleysustrandar fengu öll
viðurkenningu með þökk fyrir vel unnin störf í þágu félagsins og að gera gott félag betra.
Gunnar Axel Axelsson, bæjarstjóri,
og Birgir Örn Ólafsson, formaður
bæjarráðs, afhentu UMFÞ gjöf
sem Petra Rut, formaður, tók
við. Til vinstri er Petra Rut með
Auði Ingu Þorsteinsdóttur,
framkvæmdastjóra UMFÍ.
vf is
vÍkurFrÉttir á SuðurNeSJuM // 15