Víkurfréttir - 26.10.2022, Side 12
Jákvæð og dugleg
„Eitt orð sem lýsir mér best er að ég er dugleg.
Ég er dugleg í skólanum, vinnunni og passa að
ég hafi nóg af tíma til að hitta kærastann minn
og bestu vinkonu,“ segir Helga aðspurð hvaða
orð lýsi henni best. Helga Lilja hefur nóg að gera
en utan skóla og vinnu hefur hún einnig gaman
af því að gera neglur og fara einstaka sinnum á
krossara.
Hvers saknar þú mest við grunnskóla?
Ég sakna rosa mikið að eiga heima nálægt
skólanum mínum og ég sakna líka kennar-
anna og krakkanna.
Hvers vegna ákvaðst þú að fara í FS?
Ég ákvað að fara FS því hann er á Suður-
nesjunum og vinir mínir eru þar.
Hver er helsti kosturinn við FS?
Mér finnst fólkið vera besti kosturinn við FS
og klárlega félagslífið.
Hvað finnst þér um félagslífið í skólanum?
Mér finnst félagslífið í FS vera gott en það
fer rosa mikið eftir því með hverjum þú ert.
Hvaða FS-ingur er líklegur til að verða
frægur og hvers vegna?
Ég myndi segja Margrét Norðfjörð.
Hver er fyndnastur í skólanum?
Sóley Halldórsdóttir.
Hvað hræðist þú mest?
Köngulær og sjóinn.
Hvað er heitt og hvað er kalt þessa
stundina? Það sem er heitt er að nota
poka sem skólatösku og kalt er bomber
jakkar.
Hvert er uppáhaldslagið þitt?
Fáviti með Birni.
Hver er þinn helsti kostur? Kostur við mig
er að ég er jákvæð og þolinmóð.
Hvaða forrit eru mest notuð í símanum
þínum?
Mest notaða forritið hjá mér er Snapchat.
Hver er stefnan fyrir framtíðina?
Stefnan hjá mér er að verða vel sett,
mennta mig vel og fá góða vinnu.
Hver er þinn stærsti draumur?
Að eignast alla draumabílana mína.
Ef þú ættir að lýsa sjálfum þér í einu orði
hvaða orð væri það og af hverju?
Eitt orð sem lýsir mér best er að ég er
dugleg. Ég er dugleg í skólanum, vinnunni
og að passa að ég hafi nóg af tíma til að
hitta kærastann minn og bestu vinkonu.
Langar að verða
atvinnumaður í
fótbolta
Elvar Breki Svavarsson myndi taka síma, tölvu og fótbolta með sér á eyði-
eyju, einfaldlega til að hafa gaman. Elvar er í 9. bekk Heiðarskóla og æfir
fótbolta en hann langar að verða atvinnumaður í íþróttinni í framtíðinni.
Hvert er skemmtilegasta fagið? Skemmti-
legustu fögin eru íslenska og danska.
Hver í skólanum þínum er líklegur til að
verða frægur og hvers vegna?
Viktor Logi Sighvatsson, því hann er bara
æðislegur og hæfileikaríkur.
Skemmtilegasta saga úr skólanum:
Skemmtilegasta sagan úr skólanum er
þegar ég faldi ipad vinar míns og hann var
að verða brjálaður.
Hver er fyndnastur í skólanum?
Hlynur er pottþétt fyndnastur.
Hvert er uppáhaldslagið þitt?
Ég hlusta ekki mikið á tónlist en Ef þeir vilja
beef er alveg gott lag.
Hver er uppáhaldsmaturinn þinn?
Uppáhaldsmaturinn minn er hamborgari.
Hver er uppáhaldsbíómyndin þín?
Þær eru margar en ef ég þarf að velja eina
þá er það Ride Along.
Hvaða þrjá hluti myndir þú taka með þér á
eyðieyju og hvers vegna?
Ég myndi taka símann, tölvuna og fótbolta
því það er gaman í þessu öllu.
Hver er þinn helsti kostur? Minn helst
kostur er að ég er góður í íþróttum
Ef þú gætir valið þér einn ofurkraft til að
vera með restina af ævinni, hvað myndir
þú velja? Ég myndi velja að geta flogið.
Hvaða eiginleiki finnst þér bestur í fari
fólks? Þegar fólk er skemmtilegt.
Hvað langar þig að gera eftir grunnskóla?
Mig langar að verða atvinnumaður í fót-
bolta.
Ef þú ættir að lýsa sjálfum þér í einu orði
hvaða orð væri það? Skrítinn.
FS-ingur vikunnar:
Nafn: Helga Lilja Bess
Aldur: 16 ára
Námsbraut: Fjölgreinabraut
Áhugamál: Gera neglur,
bílar og krossarar
Ungmenni vikunnar
Nafn: Elvar Breki
Svavarsson
Aldur: 14 ára
Skóli: Heiðarskóli
Bekkur: 9. bekkur
Áhugamál: Fótbolti
og vera með vinum
Thelma Hrund Hermannsdóttir
thelma@vf.is
SUÐURNESJABÆR
Hilmar Bragi Bárðarson
hilmar@vf.is
Lýðræði í beinni
Anton Guðmundsson, oddviti framsóknar og formaður bæjarráðs í Suðurnesjabæ.
Málefni íbúa eru alltaf á dagskrá á
bæjarstjórnarfundum í Suðurnesja-
bæ og snerta daglegt líf íbúa. Mörg
nágrannasveitarfélög okkar hafa
streymt fundum sínum á netinu um árabil. Suður-
nesjabær er ört stækkandi sveitarfélag sem mun á
næstu misserum fara í 4.000 íbúa en í dag búa 3.854
í sveitarfélaginu.
Það er mikilvægt að tryggja framþróun og upplýs-
ingamiðlun til bæjarbúa. Streymum bæjarstjórnar-
fundum beint, tökum þá upp og færum inn á efnis-
veitur. Það bæði gerir bæjarbúum kleift að fylgjast með
umræðum í rauntíma og einnig skapar það grundvöll
fyrir því að hægt sé að fylgjast með umræðum og sam-
þykktum mála eftir á.
Ég tel þetta góða leið til að auka bæði umræðuna
um bæjarmál í sveitarfélaginu og áhuga á stjórnmálum
sem snerta ákvarðanatökur í okkar nærsamfélagi.
Tryggjum bæði ungum sem öldnum aðgang að bæjar-
stjórn Suðurnesjabæjar.
Suðurnesjabær hefur auglýst verkefnislýsingu vegna fyrirhugaðrar breytingar
á aðalskipulagi í landi Gauksstaða í Garði. Breytingin felst í breytingu á skil-
greiningu svæðis frá skilgreindri notkun opins svæðis í núgildandi aðalskipulagi
í skilgreinda notkun afþreyingar- og ferðamannasvæðis í landi Gauksstaða, þar
sem stefnt er að uppbyggingu gistirýma til útleigu fyrir ferðaþjónustu.
Lýsingin er kynnt á heimasíðu
Suðurnesjabæjar, www.sudur-
nesjabaer.is, ásamt því að vera að-
gengileg í anddyri bæjarskrifstofu og
skulu athugasemdir og ábendingar
hafa borist skriflega eigi síðar en
fimmtudaginn 10. nóvember 2022.
Um er að ræða nýtt afþreyingar-
og ferðamannasvæði, svæði fyrir
smáhýsi og móttöku– og afþrey-
ingarrými.
Stefnt er að því að vinna að upp-
byggingu í landi Gauksstaða í Suður-
nesjabæ. Um er að ræða uppbygg-
ingu í smáhýsum til útleigu fyrir
ferðaþjónustu, 15 gistihús um 30 fm
að stærð hvert, ásamt móttöku– og
afþreyingarhúsi, allt að 300 fm.
Uppbyggingin við Gauksstaði
verði liður í að byggja upp aðstöðu
í Suðurnesjabæ sem yrði viðkomu-
staður fyrir ferðamenn sbr. áherslur
sveitarfélagsins þess efnis. Áætlað
er að starfsemin gæti dregið til sín
um fimmþúsund til sjöþúsund ferða-
menn árlega og skapi störf fyrir átta
manns.
Landbrot og
sjávarflóð ógna
mannvirkjum í
Suðurnesjabæ
Bæjarráð Suðurnesjabæjar ítrekar
mikilvægi þess að tryggja sjó-
varnir í Suðurnesjabæ líkt og lög
um sjóvarnir kveða á um en í 1.
gr. laganna segir m.a. að byggð
svæði og svæði þar sem til staðar
eru dýrmæt mannvirki eða menn-
ingarminjar skulu að jafnaði njóta
forgangs við gerð sjóvarna.
Í núverandi samgönguáætlun
er ekkert kveðið á um sjóvarnir í
Suðurnesjabæ þrátt fyrir þá ógn
og hættu sem byggð getur og
hefur stafað af er snýr af land-
broti og sjávarflóðum. Veðurfar
síðustu ára hefur sýnt það að
byggð í Suðurnesjabæ stafar
hætta af ágangi sjávar og því brýn
nauðsyn að sinna forvörnum og
tryggja fyrirbyggjandi aðgerðir
sem fyrst.
Samþykkja styttingu
vinnuviku sem tilrauna-
verkefni til eins árs
Bæjarráð Suðurnesjabæjar hefur sam-
þykkt framkomnar tillögur um stytt-
ingu vinnuvikunnar í grunnskólum
Suðurnesjabæjar sem tilraunaverkefni
til eins árs. Bæjarráð telur að skoða
verði hvort skerðing á starfsdögum
sem lagt er til komi niður á undir-
búningi og eflingu skólastarfs áður en
framtíðarskipulag styttingar vinnu-
vikunnar verður ákveðið.
Bæjarráð leggur til við deildar-
stjóra fræðslumála að skoðað verði
hvort aukin samræming skóladaga-
tala leik- og grunnskóla sé ekki
möguleg fyrir næsta skólaár.
Breyta aðalskipulagi fyrir
smáhýsi í landi Gauksstaða
Svona sjá menn fyrir sér ferðaþjónustuhúsin í landi Gauksstaða í Garði.
Íbúðarhús við Gerðaveg í Garði
umflotið sjó eftir mikil sjávarflóð
14. febrúar 2020.
MYND: EINAR JÓN PÁLSSON
Dragnótatógið er fundið!
Veiðarfæri eru rándýr búnaður og því getur verið bagalegt að tapa veiðar-
færum í hafið. Einhver dragnótabáturinn hefur tapað tóginu í Garðsjónum
nýverið. Flest af því sem fer í hafið skolar upp á land og þannig hefur drag-
nótatóginu skolað á land við Helgarétt (Lambastaðarétt) um 100 metra frá
byggðasafninu á Garðskaga. Á myndinni má sjá hvar tógið liggur í fjörunni en
myndina tók ljósmyndari Víkurfrétta með flygildi um liðna helgi.
Skerjahverfi
tekið að rísa
Nýtt hverfi, Skerjahverfi í Sandgerði
í Suðurnesjabæ, er tekið að rísa.
Fyrsta skóflustungan að hverfinu
var tekin í byrjun maí 2021 og bygg-
ingarlóðum þar hefur verið sýndur
mikill áhugi. Myndin hér til hægri var
tekin með flygildi síðasta föstudag
og sýnir fyrstu húsinu í hverfinu með
byggðina í Sandgerði í baksýn.
VF-MYND: HILMAR BRAGI
12 // vÍkurFrÉttir á SuðurNeSJuM