Milli mála - 2022, Page 58
MILLI MÁLA
Milli mála 14/1/2022 57
Með tvö tungumál? Þau voru alveg nokkur. Það var, hérna, hún með
spænsku, svo var ein með ítölsku og dönsku, átti danskan pabba, og ein
sem átti enskan pabba, var með íslensku og ensku, svo er ég með eina frá
Filippseyjum, var bara að læra íslensku og talaði ensku mikið, já, þann-
ig að það var alveg svona fjölbreytni [...] Já, og svo var ég með einn frá
Portúgal. (Hekla, bekkjarkennari)
Hekla hvatti foreldra til að skrá börnin sín í móðurmálskennslu,
bæði erlenda foreldra og íslenska foreldra sem flytja heim til Íslands
með börnin. Luna, móðurmálskennari Clöru, kenndi með það að
leiðarljósi að efla námsfærni nemenda sinna og læsisaðferðir sem þeir
gætu fært á milli tungumála sinna eftir þörfum:
[...] ef þú ert að lesa og skilur, í framtíðinni verður auðvelt að læra [...]
það er aðalpunktur fyrir mig. Það snýst ekki um skilning á textanum.
Þú veist, hugsaðu um framtíðina, hvernig ætlar þú að afla þér þekkingar
í framtíðinni [...] af því að eftir grunnskóla ferð þú í framhaldsskóla og
þegar þú ferð þangað, það fyrsta sem þú hefur er mikið af upplýsingum í
bókunum þínum, í greinunum þínum og allt. Og ef þú veist ekki hvernig
[á] að aðskilja merkingu, upplýsingar, frá upplýsingum sem eru ekki
mikilvægar, þá verður þú virkilega týndur fyrir framan bókina [...] (Luna,
móðurmálskennari)
Hér á eftir er sérstakri athygli beint að auðlindum kennara og því
hvernig þær birtust í kennsluaðferðum og nálgunum þeirra sem
byggðu á tungumálaforða nemenda í þeim tilgangi að efla nám
þeirra, tungumálaforða og fjöltyngdar sjálfsmyndir þeirra. Meðal
auðlinda kennara sem birtust í viðtölum voru tungumálaforði
þeirra, menntun, innri og ytri þættir, lífs- og starfsreynsla þeirra
og aðgangur að námssamfélögum og samstarfsfólki á vinnustað.
Kennarar í rannsókninni byggðu á sinni eigin reynslu en sjaldnar á
reynslu nemenda sinna, sem stafaði að hluta til af því að þeir þekktu
ekki auðlindir nemenda sinna. Í einu tilviki vissi kennarinn ekki að
litháíska væri töluð á heimilinu fyrr en foreldrar mættu í foreldra-
viðtal. Auðlindir nemenda út frá gögnunum voru nánast þær sömu
og kennara. Yfirlit yfir auðlindir kennara og nemenda sem birtust í
viðtölum má sjá í Töflu 3.
RENATA EMILSSON PESKOVÁ