Milli mála - 2022, Page 60
MILLI MÁLA
Milli mála 14/1/2022 59
5. Umræður
Rannsóknarspurningin var: Að hvaða leyti og hvernig taka kenn-
arar mið af og byggja á tungumálaforða fjöltyngdra nemenda?
Rannsóknin sýnir nokkur jákvæð dæmi um hvernig bekkjarkenn-
arar og móðurmálskennarar beittu kennsluaðferðum sem byggja á
tungumálaforða nemenda, nokkur dæmi um skilvirk samskipti við
foreldra af erlendum uppruna og sjaldgæf dæmi um brýr á milli
móðurmálsskóla og grunnskóla. Kennarar byggðu kennslu sína að
mestu á eigin auðlindum en minna á auðlindum nemenda. Þeir sem
höfðu samsvarandi menntun að baki, t.d. í sérkennslufræðum, læsi
eða fjölmenningarfræðum, voru betur meðvitaðir um þarfir fjöl-
tyngdra nemenda og betur í stakk búnir til að sinna þeim.
Kennarar bjuggu yfir mikilli persónulegri reynslu, fagreynslu og
þekkingu. Þeir þekktu nemendur sína og fjölskyldukringumstæður
þeirra að einhverju leyti, þeir þekktu kennslufræði, rannsóknir og
kenningar, íslenskt skólakerfi og móðurmálsskóla. Kennarar voru
opnir fyrir samskiptum og forvitnir að læra meira um tungumála-
forða nemenda og um fjölskyldur þeirra. Þeir sögðu frá sveigjanleika
sínum, aðlögun kennsluaðferða og meðvitund um að tímarnir væru
að breytast. Engir tveir kennaranna bjuggu yfir sömu samsetningu
af auðlindum og þeir sóttust ekki eftir að auka auðlindir sínar
með markvissum hætti til að verða betri kennarar í fjölbreyttum
bekkjum. Þeir mættu margvíslegum þröskuldum og fengu lítinn
eða engan stuðning við vinnu sína með fjöltyngdum nemendum.
Undirliggjandi fræði í rannsókninni, gagnrýnin fjölmenningar-
hyggja (Nieto 2010), menningarmiðuð kennslufræði (Gay 2000),
viðeigandi leiðir í vinnu með tungumál (Chumak-Horbatsch 2012)
og fjöltyngdar nálganir (García, Johnson og Seltzer 2017; García,
Sylvan og Witt 2011) einblína öll á mikilvægi þess að valdefla fjöl-
tyngda nemendur, á næmni gagnvart einstaklingsþörfum nemenda
og á það að byggja á menningar- og tungumálaauðlindum þeirra.
Gögnin sýna að kennararnir nálguðust fjölbreytni tungumála nem-
enda ekki markvisst. Páll, kennari Safíru, talaði um hvatningu
sem hann veitti nemendum sínum og hvernig hann efldi sjálfs-
traust þeirra í námsgetu þeirra. Hann tjáði líka hvað honum fannst
jákvætt hversu óhrædd Safíra var að sýna tengsl sín við Taíland í
RENATA EMILSSON PESKOVÁ