Milli mála - 2022, Page 77
MILLI MÁLA
76 Milli mála 14/1/2022
Önnur móðir lýsti því hvernig hún og eiginmaður hennar höfðu mis-
munandi leiðir til að styðja við móðurmál barna sinna heima:
Maðurinn minn vill frekar bara segja sögurnar en ég styð hugmyndina um
að lesa svo hún geti skilið tengslin á milli orðanna og þess sem er skrifað
í bókinni. Þetta er sem sagt það sem við erum að gera og síðast þegar
við fórum heim keyptum við bækur með rímum og ljóðum til að hjálpa
henni og stundum reynum við að leika okkur með stafina líka. Hún hefur
gaman af tónlist og hlustar því á lög á mismunandi tungumálum … síðan
hún var mjög lítil og við höfum verið að lesa fyrir hana á hverju kvöldi
síðan hún var barn. Annaðhvort maðurinn minn eða ég en það er aðeins
meira frá minni hlið en, já, rúmenska er líka til staðar. Og við reynum að
gera það jafnt en auðvitað er það ekki svo. Við leyfum henni að hlusta á
sögur á rúmensku og ungversku og lög og hún er að horfa á teiknimyndir
á móðurmálunum. (Móðir, ungversk, 33 ára)
Öll börnin töluðu ólík tungumál í daglegu lífi heima að sögn for-
eldra, og kölluðu foreldrar það blöndun. Ein móðir lýsti því hvernig
barnið notaði stundum fjögur tungumál í einni setningu og hvernig
foreldrar brugðust við þessu. Í þessari fjölskyldu höfðu foreldrar sam-
skipti á ensku þar sem þeir höfðu mismunandi móðurmál:
Ég meina, ég myndi segja að … við myndum ekki skipta yfir í að tala við
hana á ensku ef hún er að tala við okkur á ensku, svo ég myndi svara henni
á ungversku eða maðurinn minn svarar henni á rúmensku því það er það
sem við viljum að hún tali. Auðvitað má hún tala hvaða tungumál sem
hún vill eða ef hún segir setningu á fjórum tungumálum, þá er það allt í
lagi. Ef hún þarf hjálp og ef hún vill þýða eða er að leita að orði þá hjálpum
við henni auðvitað en það sem við gerum líka, því við viljum ekki leiðrétta
hana … við segjum henni ekki að það sé rangt … Við endurtökum bara
setninguna rétt, svo hún heyri hana. Þannig að ef hún segir eitthvað við
mig á þremur ólíkum tungumálum, þá bara já, allt í lagi, svo þú vilt það.
(Móðir, ungversk, 33 ára)
Foreldrunum þótti mjög mikilvægt að börn þeirra ættu samskipti
við fjölskyldur sínar erlendis og litu á þetta sem leið til að efla móð-
LEIKSKÓLABÖRN OG TUNGUMÁLASTEFNA FJÖLBREYTTRA FJÖLSKYLDNA ÞEIRRA
10.33112/millimala.14.1.4