Milli mála - 2022, Page 79
MILLI MÁLA
78 Milli mála 14/1/2022
Ég meina, ég vil að hún læri það í leikskólanum, því það er mjög mikil-
vægt, hún getur haft samskipti við hina krakkana. Vegna þess að ég veit
að það eru margir krakkar sem eru frá öðrum löndum líka, en í leikskól-
anum er ... hvernig á að segja ... sameiginlega tungumálið er ekki enska.
Það er íslenska svo það er mjög mikilvægt fyrir hana að geta líka átt sam-
skipti þar. Þar af leiðandi, og að mínu mati þegar barnið er lítið, þá er gott
að læra eins mikið og hægt er. Því þetta er tíminn ... tækifærið til að læra.
Þegar hún eldist verður það erfiðara ... (Móðir, lettnesk, 25 ára)
Annað foreldri útskýrði hvers vegna henni fyndist íslenskan mikil-
væg fyrir börnin sín:
… það er mjög mikilvægt … fyrir allt, fyrir lífið í framtíðinni. Við
fluttum hingað … við þurfum líka að læra að búa hér … tala íslensku vel
og hafa sömu tækifæri og íslensk börn. (Móðir, pólsk, 37 ára)
Foreldrarnir töldu það hlutverk leik- og grunnskóla að kenna börnum
sínum íslensku. Þó að sumir af foreldrunum töluðu nokkra íslensku
höfðu þeir áhyggjur af því að ef þeir myndu reyna að kenna börnum
sínum íslensku gætu þeir ekki gert það nógu vel. Hins vegar studdu
flestir foreldrar íslenskunám barna sinna með því að útvega þeim
bækur og fræðsluefni á íslensku. Ein móðir sagði:
Ég meina ... að mínu mati er staðreyndin sú að hún er að læra lettnesku
og ensku, það er mitt starf og hlutverk þeirra er að kenna henni íslensku,
svo ég hef ekki einu sinni verið að biðja um neins konar hjálp. … þeirra
hlutverk er að kenna henni íslensku … svo hún geti átt samskipti við aðra
krakka og kennarana og mitt starf er að kenna henni ensku og lettnesku.
(Móðir, lettnesk, 25 ára)
4.3 Hlutverk ensku
Þetta þema nær yfir skoðanir foreldra á mikilvægi ensku fyrir börn
sín. Í fjölskyldum þar sem foreldrar áttu mismunandi móðurmál
töluðu þau við börnin sín hvort á sínu móðurmáli. Hins vegar notuðu
þessir foreldrar ensku í samskiptum sín á milli, sem leiddi til þess að
börn þeirra lærðu ensku ásamt tveimur móðurmálum. Ein móðir tók
LEIKSKÓLABÖRN OG TUNGUMÁLASTEFNA FJÖLBREYTTRA FJÖLSKYLDNA ÞEIRRA
10.33112/millimala.14.1.4