Milli mála - 2022, Page 81
MILLI MÁLA
80 Milli mála 14/1/2022
til að styðja við málvitund og móðurmál allra barnanna. Starfsfólkið
notaði ensku í samskiptum við þá foreldra sem ekki töluðu íslensku.
Leikskólarnir kynntu dagskipulagið á sjónrænan hátt fyrir börn-
unum frá yngstu deild til þeirra elstu þannig að þau þekktu dag-
skrána frá upphafi, tengdu saman myndir og orð og upplifðu öryggi.
Leikskólarnir lögðu áherslu á nám án aðgreiningar þar sem öll börn
tækju þátt, frekar en sérstaka kennslu fyrir einstök börn og smærri
hópa. Einn leikskólastjóranna lýsti þessu:
Við reynum auðvitað að hafa öll börnin saman í hópnum sínum, ekki sér,
… í sérkennslu … okkur finnst það mikilvægt … þetta er ekki sérkennsla
fyrir börn af erlendum uppruna, hér þurfa þau ekki sérkennslu, kannski
örlítinn aukastuðning við íslensku … svo að efniviðurinn hér er mjög að-
gengilegur og sýnilegur í leikskóladeildunum. … það er hópavinna, lestur
bóka ... mikið sungið og spjallað … unnið saman … stafir og tölur eru
sýnilegar í deildunum. (Skólastjóri 1, Leikskóli 1)
Einnig lögðu leikskólastjórar áherslu á að bera virðingu fyrir öllum
tungumálum barnanna og tengja við þau í skólastarfinu. Einn leik-
skólastjóri sagði:
Við ... svona spyrjum líka ef við erum að kannski læra ný orð eða þau eru
að forvitnast með einhver skrítin orð, sérstaklega hérna eldri náttúrulega,
þú veist, þetta orð þýðir þetta á íslensku, hvernig segjum við það á pólsku?
Hvernig segjum við það á spænsku? Þannig að, þú veist, við ... notum fjöl-
breytileikann í eitthvað jákvætt líka, til að læra ... skilurðu, af hvort öðru
þannig að þau finni líka að mitt tungumál skipti máli, það er svolítið
merkilegt að þau finni líka þú veist að, ég kann að tala íslensku og pólsku,
það er svolítið frábært. (Skólastjóri 1, Leikskóli 3)
Í viðtölum við starfsfólk kom líka fram að mikilvægt væri og mikill
hagur fyrir leikskólana að þar starfaði fólk af fjölbreyttum uppruna
og tungumálakunnátta þess væri mikilvæg til að styðja við fjöltyngd
börn. Þó að öll tungumál væru virt og vel metin í leikskólunum var
aðalmálið íslenska. Reynt var að hvetja börnin til að tala íslensku
á meðan þau léku sér í fjölbreyttum hópum til að koma í veg fyrir
jaðarsetningu. Á sama tíma var lögð áhersla á að bera virðingu fyrir
LEIKSKÓLABÖRN OG TUNGUMÁLASTEFNA FJÖLBREYTTRA FJÖLSKYLDNA ÞEIRRA
10.33112/millimala.14.1.4