Milli mála - 2022, Page 119
MILLI MÁLA
118 Milli mála 14/1/2022
Spurst var fyrir um tengsl við Danmörku, í hvaða samhengi nem-
endur noti dönsku og viðhorf þeirra til að þess að nota málið.
Þátttakendur voru í 8. bekk í grunnskóla í Sisimiut (10 nemendur),
tveir 9. bekkir í grunnskóla í Hafnarfirði (32 nemendur), HF-bekkur
á öðru ári menntaskólanáms6 í Þórshöfn (21 nemandi) og tveir hópar
framhaldsskólanema á Selfossi (34 nemendur). Eins og sjá má voru
nemendur á ólíkum skólastigum, fjöldi í hópunum mismunandi og
allir skólarnir í bæjum, enda var tilgangurinn með könnuninni ekki
að fá fram samanburðarhæfar eða tölfræðilega marktækar upplýsingar
um stöðuna, heldur einungis að fá innsýn í aðstæður afmarkaðs hóps
nemenda til dönskunáms og viðhorf þeirra til málsins. Það blasir því
við að óformleg könnun af þessum toga gefur ekki tilefni til þess
að af henni séu dregnar almennar eða víðtækar ályktanir. Könnunin
fólst í því að lagðar voru spurningalistakannanir fyrir nemendur og
auk þess áttu sér reglulega stað samtöl við dönskukennara til þess
að fá sem gleggsta mynd af aðstæðunum. Þar sem fjöldi nemenda í
hópunum er mismunandi verður einungis notast við prósentur þegar
fjallað er um svör nemenda hér á eftir. Vakin er athygli á því að svör
hvers og eins nemanda hafa mismunandi vægi eftir hópum. Þannig
vega svör hvers og eins grænlensku nemendanna, sem einungis eru
tíu talsins, mun meira en nemenda í hinum hópunum þar sem fjöldi
þátttakenda er rúmlega tvisvar eða þrisvar sinnum meiri.
3.1. Tengsl nemenda við Danmörku
Þrjár spurningar snerust um tengsl nemenda við Danmörku, þ.e.
búsetu, ferðalög til landsins og hvort þeir sæju fyrir sér að fara þangað
í framtíðinni. Svörin sýna að einungis fáir íslensku grunn- (12,5%) og
framhaldsskólanemanna (5,9%) og grænlensku grunnskólanemend-
anna (20,0%) höfðu búið í Danmörku en rúmlega þriðjungur (38,1%)
færeysku framhaldsskólanemanna. Það var einnig misjafnt hve oft
nemendur höfðu farið til Danmerkur í styttri ferðir. Að einum
undanskildum svöruðu allir færeysku framhaldsskólanemarnir að
þeir hefðu farið í frí til Danmerkur, þar af flestir (80,9%) oft. Aftur
á móti sögðust 76.5% íslensku framhaldsskólanemanna hafa farið í frí
6 Danska var enn skyldunámsgrein í tveimur bekkjum menntaskólans á þessum tíma en það breytt-
ist árið 2013 með gildistöku nýrra laga.
DANSKA OG DÖNSKUNÁM Á ÍSLANDI, GRÆNLANDI OG Í FÆREYJUM
10.33112/millimala.14.1.6