Milli mála - 2022, Side 120
MILLI MÁLA
Milli mála 14/1/2022 119
til Danmerkur, þar af 17,7% oft. Af grunnskólanemendunum höfðu
allmargir þeirra íslensku (65,6%) og grænlensku (60,0%) farið í frí
til Danmerkur, þar af 28,1% þeirra íslensku og 40,0% þeirra græn-
lensku oft.
Stærsti hluti færeysku framhaldsskólanemanna (80,9%) hafði
heimsótt fjölskyldu sína í Danmörku, þar af rúmlega helmingur
þeirra (51,4%) oft en mun færri (47,1%) íslensku framhaldsskóla-
nemanna höfðu farið þangað í þessu skyni, þar af 11,8% oft. Nærri
tvisvar sinnum fleiri grænlensku grunnskólanemendanna (70,0%)
höfðu heimsótt fjölskyldu sína í Danmörku samanborið við íslensku
grunnskólanemendurna (37,5%), þar af 40,0% þeirra grænlensku
og 15,6% þeirra íslensku oft. Nánari greining á svörum nemenda
sýnir að sumir hafa margvísleg tengsl við Danmörku, þ.e. verið
búsettir í landinu, farið þangað í frí og/eða heimsótt fjölskyldu.
Aðrir hafa lítil eða engin tengsl við landið. Það á einkum við um ís-
lensku og grænlensku nemendurna en tæplega þriðjungur íslensku
(31,3%) og grænlensku (30,0%) grunnskólanemendanna og um
fimmtungur íslensku framhaldsskólanemanna (20,1%) hafði aldrei
farið til Danmerkur í frí. Um helmingur íslensku grunn- (62,5%)
og framhaldsskólanemanna (50,0%) hafði aldrei verið í heimsókn
hjá fjölskyldu sinni í Danmörku, en það átti einungis við um
20,0% grænlensku nemendanna. Á heildina litið eru tengsl fær-
eysku nemendanna við Danmörku áberandi mikil í samanburði við
grænlensku nemendurna og enn frekar við þá íslensku. Rétt er að
minna á að grænlensku nemendurnir eru örfáir og allir frá bænum
Sisimiut. Svörin gefa til kynna að margir færeyskir og sumir græn-
lenskir nemendur fái, vegna margvíslegra tengsla við Danmörku,
ekki einungis tækifæri til þess að nota dönsku til tjáskipta heima
fyrir, heldur einnig í samskiptum við Dani í Danmörku. Mun
færri íslensku nemendanna hafa slík tengsl. Í ljósi kenninga um
tjáskiptaaðferðir eru mikil tengsl við markmálið ákjósanleg fyrir
málanámið þar sem þau kalla á notkun þess, auk þess sem þau geta
ýtt undir hvatann til þess að læra málið, sbr. kenningar fræðimanna
um þýðingu hvata fyrir tungumálanám (Dörnyei og Ushioda 2011;
Gardner 2002; Gardner og Lambert 1972 og Henriksen o.fl. 2021,
61–65).
Ein spurningin gekk út á að kanna áhuga nemenda á því að fara
AUÐUR HAUKSDÓTTIR