Milli mála - 2022, Page 121
MILLI MÁLA
120 Milli mála 14/1/2022
til Danmerkur í framtíðinni miðað við eftirtalin tilefni: fara í frí,
heimsækja fjölskyldu, vera með vinum, fara í nám eða vinna . Mun
fleiri færeysku framhaldsskólanemanna láta í ljósi áhuga á því að
fara til Danmerkur í þessu samhengi samanborið við þá íslensku.
Flestir (71,4%) segjast gjarnan vilja fara til Danmerkur til þess
að heimsækja fjölskyldu og meira en helmingur vill vera þar með
vinum sínum (57,1%) eða til þess að læra (51,4%). Nokkru færri
(38,1%) langar til þess að fara þangað í frí eða til þess að vinna
(33,3%). Einungis 9,5% af færeysku nemendunum hugnast ekki
að fara til Danmerkur í frí eða til þess að vera þar með vinum. Af
íslensku framhaldsskólanemunum langar flesta (52,9%) að fara
til Danmerkur með vinum og að sama skapi láta einungis fáir
(11,8%) í ljósi litla löngun til slíkra ferða. Aðrir eru hlutlausir
í afstöðu sinni. Um þriðjung langar að fara þangað í frí (35,3%)
eða til þess að heimsækja fjölskyldu (32,4%). Einungis lítill hluti
(17,7%) segist langa til þess að fara til Danmerkur til náms eða til
þess að vinna. Hlutfallslega fleiri íslensku nemendanna fýsir lítt
að fara til Danmerkur í samanburði við þá færeysku. Þannig segist
rúmur þriðjungur íslensku nemendanna (38,2%) en 14,3% þeirra
færeysku hafa litla löngun til þess að fara þangað til náms eða til
þess að heimsækja fjölskyldu þar. Um þriðjung (35,3%) íslensku
framhaldsskólanemanna langar ekki að vinna í Danmörku saman-
borið við 19,1% þeirra færeysku. Einungis fáir (9,5%) færeysku
nemendanna svara að þá langi ekki í frí til Danmerkur en hátt í
þriðjungur (32,4%) þeirra íslensku. Aðrir eru hlutlausir í afstöðu
sinni til Danmerkurferða.
Meira en helmingur grænlensku (60,0%) og íslensku (56,3%)
grunnskólanemendanna láta í ljósi áhuga á því að fara til Danmerkur
í frí og einungis litlum hluta þeirra (20,0% og 25,0%) hugnast lítt
slíkar ferðir. 40,0% grænlensku grunnskólanemendanna langar að
heimsækja þar fjölskyldu en 21,9% þeirra íslensku. Um fjórðungur
grænlensku (30,0%) og íslensku (25,0%) nemendanna lýsir áhuga
sínum á því að fara til Danmerkur til þess að vera með vinum
sínum. Þá sýna svörin að tæplega þriðjung (30,0%) grænlensku
grunnskólanemendanna langar að nema og starfa í Danmörku en
einungis lítinn hluta (12,5%) þeirra íslensku. Tiltölulega margir
íslensku grunnskólanemendanna (65,6%) og þeirra grænlensku
DANSKA OG DÖNSKUNÁM Á ÍSLANDI, GRÆNLANDI OG Í FÆREYJUM
10.33112/millimala.14.1.6