Milli mála - 2022, Page 171
MILLI MÁLA
170 Milli mála 14/1/2022
upplýsingum um notkun orðsins í málsamfélaginu, t.d. stílgildis-
mörkun, fagmörkun, málsvæðismörkun og efnissviði, m.m. Undir
þessum lið er einnig fjallað um flokka skilgreininga eins og grein-
andi skilgreiningu, tengjandi skilgreiningu, samheitaskilgreiningu,
andheitaskilgreiningu, o.fl.
Orðabókargerð hefur ekki farið varhluta af þeirri tæknibyltingu
sem hefur átt sér stað undanfarna áratugi. Þegar kemur að því að gera
grein fyrir orðabókum á netinu eða rafrænum orðabókum skal draga
fram mismuninn á hefðbundinni prentaðri orðabók og rafrænni
orðabók hvað varðar notendaviðmót, skipulag og upplýsingar, m.m.
Eins og Þórdís Úlfarsdóttir bendir á býður orðabók á netinu m.a.
upp á „meiri hraða í upplýsingaöflun, meira myndefni, hreyfimyndir
og hljóð, tengla innan verksins og út fyrir það“ (2013, 43), atriði sem
einnig skal hafa orð á í fyrirlestrinum.
Fimmti fyrirlesturinn er um skólaorðabækur og einmála orða-
bækur fyrir annarsmálsnemendur. Kennaranemarnir skulu gera grein
fyrir hvað það er helst sem einkennir þessa tegund orðabóka og gera
grein fyrir markhópnum eða notendahópnum sem þær beinast að. Að
lokum eru tvímálaorðabækur í kastljósinu. Fjallað er um skilnings-
orðabækur, málbeitingarorðabækur, einbentar eða tvíbentar, ein-
stefnu- og tvístefnuorðabækur o.fl. Í tvímálaorðabókum er orði á
viðfangsmáli fundið jafngildi eða jafnheiti á markmálinu ef slíkt er
mögulegt. Hér skal öðrum einkennum tvímálaorðabóka jafnframt
gerð skil og markhópi slíkra verka.
Í þessum hluta námskeiðsins öðlast nemendur skilning á ýmsum
grundvallarhugtökum sem lúta að gerð og byggingu orðabóka og
nýtast þeim til þess að takast á við næstu verkefni í námskeiðinu.
3 .1 .1 .2 . Annar hluti: Lýsing og ritdómur um orðabók
Í öðrum hluta námskeiðsins fær hver nemandi í hendur orðabók
sem hann á að rýna í og gera grein fyrir í fyrirlestri. Alla jafna eru
það spænskar orðabækur sem eru kynntar; ef um tvímálaorðabók
er að ræða er spænska annaðhvort markmálið eða viðfangsmálið.
Nemendum ber að hafa í huga alla þá liði sem voru til umfjöllunar í
fyrsta hluta námskeiðsins. Mat skal lagt á orðabókina og það dregið
fram sem telja má kosti hennar og galla. Ef orðabókin er til í rafrænni
ORÐABÆKUR, TUNGUMÁLANÁM OG TUNGUMÁLAKENNSLA
10.33112/millimala.14.1.8