Milli mála - 2022, Page 172
MILLI MÁLA
Milli mála 14/1/2022 171
útgáfu ber að gera grein fyrir notendaviðmóti, skipulagi og öðru sem
einkennir veforðabækur.5
Í þessum hluta námskeiðsins er fjallað um orðabækur af ýmsu
tagi. Má til dæmis nefna almennar (móðurmáls)orðabækur, einmála
orðabækur fyrir annarsmálsnema, tvímálaorðabækur, orðtengslaorða-
bækur, málnotkunarorðabækur, orðsifjabækur, samheita/andheita-
orðabækur, íðorðabækur, stafsetningarorðabækur, slangurorðabækur,
o.s.frv.
Nemendur fá í hendur skapalón sem þeir geta stuðst við við
undirbúning kynningarinnar.
3 .1 .1 .3 . Þriðji hluti: Fyrirlestrar gestakennara og orðabókarmanna
Í þriðja hluta námskeiðsins halda nokkrir gestakennarar og orða-
bókarmenn fyrirlestra sem lúta á einn eða annan hátt að orðabókum,
orðabókarfræðum og orðabókargerð. Einnig eru sóttar heim tvær
stofnanir sem heyra undir Árnastofnun.
Sérfræðingar frá Orðfræðisviði Stofnunar Árna Magnússonar í
íslenskum fræðum (SÁM) fjalla um rafrænu orðabókina www .islex .
is, margmála orðabók á vefnum með íslensku sem viðfangsmál og
Norðurlandamálin sem markmál, ásamt LEXIU, en undir síðast-
nefnda titlinum eru íslensk-frönsk orðabók (opnuð í júní 2021), ís-
lensk-þýsk og íslensk-spænsk orðabók. Þá er í fyrirlestri fjallað um
spænska hluta LEXIU og þá vinnu sem þegar hefur verið innt af
hendi við smíði orðsgreina á markmálinu í orðabókinni.
Ýmsir spænskir háskólakennarar og fræðimenn kynna sögu og
þróun spænskra orðasambandaorðabóka ásamt því að fjalla um orða-
sambönd í einmála og tvímála orðabókum, stöðu þeirra í orðsgrein,
skilgreiningu, m.m. Þá er einnig fjallað um stafræn textasöfn og
orðabókarfræði.
Undir lok námskeiðsins er Orðfræðisvið Árnastofnunar sótt heim.
Þar fá nemendur greinargóðar upplýsingar um vinnu orðabókar-
manns og orðabókarteymis. Í síðasta tíma námskeiðsins er stiklað
á stóru í sögu spænskrar orðabókargerðar, allt frá miðöldum til 20.
aldar og helstu orðabækur og orðasöfn tímabilsins reifaðar. Þá er at-
5 Þess má geta að ekki hafa allir notendur aðgang að rafrænum orðabókum og að margar tegundir
orðabóka eru ekki til á rafænu formi.
ERLA ERLENDSDÓTTIR