Milli mála - 2022, Page 185
MILLI MÁLA
184 Milli mála 14/1/2022
1. Málfærni og kvikmyndir
Ríkjandi hefur verið það viðhorf að notkun kvikmynda í kennslu
hverfist fyrst og fremst um það að horfa á myndir og ræða efnis-
tök þeirra, frekar en að þjálfa markvisst hæfni og færni í tilteknu
tungumáli. Hér er hins vegar hnykkt á því að ef vandað er til vals á
myndum og ef markmiðin eru skýr og ítarleg er um áhugahvetjandi
og hentugt kennsluefni að ræða (López Gallardo 2014, 27). Gengið
er út frá því að með persónusköpun sinni og myndmáli tjái og túlki
leikstjórar ólík sjónarmið, komi á framfæri skoðunum, gildismati og
viðhorfum til þess efnis sem til skoðunar er.4 Einnig að kvikmyndir
kynni fyrir nemendum fjölbreytta notkun tungumálsins ásamt því
að gefa þeim tækifæri til að fylgjast með líkamstjáningu, svip-
brigðum, framburði og hrynjandi í talmáli sem á sér stað í eðlilegum
samskiptum fólks við ólíkar aðstæður (Aðalnámskrá 2005, 23).
Á heimasíðu Kvikmyndastöðvar Íslands segir um kvikmyndir
sem kennslutæki:
Kvikmyndin er margþætt listform sem byggir á náinni samvinnu
fjölmargra ólíkra aðila. Í kvikmyndalæsi er sjónum beint að sögunni sem
sögð er í kvikmyndinni og persónum hennar, en einnig að fagurfræði. […]
Í kvikmyndalæsi þjálfast áhorfandinn í að setja sig í spor annarra, jafn-
framt því að líta í eigin barm og tjá sína upplifun (Kvikmyndir í kennslu,
án ártals).
Framangreindar áherslur eru í takt við markmið menntamálayfirvalda hér
á landi, en í kaflanum um erlend mál segir í Aðalnámskrá framhaldsskóla,
almennum hluta:
Læsi á menningu annarra þjóða, tjáning og samskipti á erlendum tungu-
málum leggur grunn að skilningi, víðsýni og virðingu. Tungumálakunnátta
er lykillinn að upplýsingum og gefur aðgengi að faglegu efni á erlendum
tungumálum. Hún er ein af forsendum þess að geta átt farsæl samskipti
og samvinnu við einstaklinga af öðru þjóðerni (Aðalnámskrá framhalds-
skóla 2011, nr. 674, 5.1).
4 Hér verður ekki fjallað sérstaklega um tökur eða tæknimál við kvikmyndagerð.
INNSÝN OG AUKIN FÆRNI: AÐ „LESA“ MENNINGU ÞJÓÐA MEÐ AÐSTOÐ KVIKMYNDA
10.33112/millimala.14.1.9