Milli mála - 2022, Page 187
MILLI MÁLA
186 Milli mála 14/1/2022
og Mohmedi 2009, 28–30).8 Til viðbótar mætti leggja fyrir hópinn
ítarefni ýmiss konar um landið sem um ræðir, umhverfið sem mynd-
in sprettur úr, þá þjóðfélagshópa sem hún beinir sjónum að, sjónar-
horn, áherslur, efnistök o.fl. Ritun mætti svo þjálfa með því að skrifa
útdrætti, ritdóma, umsagnir, endursagnir tiltekinna sviðsmynda, auk
ritunar lokaritgerðar þar sem byggt er á heimildarvinnu og unnið er
með formlegt málsnið tungumálsins – enda hér horft til nemenda á
lokastigi náms í framhaldsskóla og/eða í háskólanámi (Stempleski og
Tomalin 2001, 23).9
Með því að útskýra fyrir nemendum að áhersla verði lögð á alla
fjóra færniþætti tungumálanáms er brugðist við áherslum Evrópska
tungumálarammans um mikilvægi þess að nemendur viti til hvers sé
ætlast af þeim, að fyrir liggi hvað þau eigi að læra og hvernig eigi að
nota kennsluefnið. Enn fremur að nemendur séu virkir þátttakendur
og taki ábyrgð á eigin framförum og þekkingaröflun (Eyjólfur Már
Sigurðsson 2003, 1–11; Nemendastýrt tungumálanám), nokkuð sem
annarsmálsfræðingar telja m.a. mögulegt með því að leggja fjölþætt
verkefni fyrir hópinn áður en áhorf á sér stað (Sjálfsmatsrammi 2006;
Sánchez Torres, Uribe Acosta og Restrepo Restrepo 2019, 40–63;
Mora Veléz 2004, 20).10
2. Kvikmyndir sem menningarspeglar
Þegar hugað er að vali kvikmynda til kennslu tungumála þarf fyrst
að skoða úrval og aðgengi. Í því samhengi sem hér um ræðir ber
að hafa í huga að kvikmyndagerð á spænsku – jafnt á Spáni sem
í Rómönsku-Ameríku – á sér rúmlega eitt hundrað ára sögu. Með
það að leiðarljósi að setja saman yfirlitsnámskeið sem ætlað er að
auka færni og hæfni nemenda í menningarlæsi, ásamt því að þjálfa
hæfni og færni í spænsku og auka skilning þeirra á samfélagslegum
8 Höfundar benda á að rannsóknir hafi sýnt að myndir sem eru sýndar með sama texta og talmálið
styðja skilning nemenda sem lengra eru komnir. Fyrir getuminni nemendur hentar að hafa texta
á móðurmálinu.
9 Vert er að vekja athygli á því að fræðimenn eru ekki allir sammála um hentugleika þess að vinna
með kvikmyndir í fullri lengd. Þannig mæla Sampleski og Tomalin með notkun styttri mynd-
brota.
10 Mora Veléz segir nemendur verða bæði áhorfendur og aðdáendur og fari að grípa til og eigna sér
(e. poaching) ákveðin orðatiltæki.
INNSÝN OG AUKIN FÆRNI: AÐ „LESA“ MENNINGU ÞJÓÐA MEÐ AÐSTOÐ KVIKMYNDA
10.33112/millimala.14.1.9