Milli mála - 2022, Page 196
MILLI MÁLA
Milli mála 14/1/2022 195
sögu Rómönsku-Ameríku allt frá tímum hernáms Evrópumanna
í álfunni. Ofbeldi er allsráðandi og það er líkamlegt og andlegt,
pólitískt og glæpsamlegt. Það raungerist í málnotkun og er jöfnum
höndum opinbert og hluti af einkalífi íbúanna.32
Lokaorð
Eins og fram er komið spegla kvikmyndir tiltekna menningu, tíðar-
anda, sögu og samtíma. Að auki tjá þær og túlka tiltekið tungumál
og verða þannig hentugt verkfæri til að auka hæfni og færni nemenda
í tungumálum og menningarlæsi. Að „lesa“ menningu með aðstoð
kvikmynda kallast á við hugmyndir fræðimanna um mikilvægi þess
að samþætta fag- og fræðilega innlögn og upplifun, auk þess sem
úrval þeirra og sívaxandi aðgengi gerir kleift að endurskoða val þeirra
í takt við námsstig og sálfélagslegar breytur nemendahópsins. Hvort
heldur áhugi hópsins hverfist um það að samsama sig menningu þess
tungumáls sem verið er að læra – í takt við kenningar Gardner og
Lambert – eða að námið sé stundað í hagnýtum tilgangi, eiga kvik-
myndir við. Sú niðurstaða fæst einnig þegar hugmyndir Dörnyei o.
fl. um að verkefnamiðað fyrirkomulag kennslu sé áhugahvetjandi og
skilvirk leið til árangurs eru hafðar í huga (Dörnyei o.fl. 2014, 18).
Í rökfærslunni hér að framan hefur því verið svarað að kvikmyndir
henti sem kennsluefni að því gefnu að fyrir liggi ítarleg námsáætlun
sem tiltekur markmið, hæfniviðmið, verklag, áherslur o.s.frv.
Einstaklingsmiðuð aðstoð, virkt samtal við nemendur og aðgengi að
ráðgjöf kennara eru allt nauðsynlegar forsendur þess að árangur náist.
Á það jafnt við um aukna færni í menningarlæsi, hæfni í talmáli, og
þekkingu á málvenjum, málhefðum og málsniði mismunandi landa,
samfélagshópa o.fl. Á verksviði kennara er að auki að leggja fyrir við-
eigandi ítarefni og stuðla þannig að vaxandi skilningi á menningar-
bundnum orðum og orðasamböndum, á tilteknum efnisatriðum og
því umhverfi sem sjónum er beint að. Ritunarhluta málanáms má svo
þjálfa með skrifum útdrátta, ritdóma og umsagna, auk ritunar lengri
verkefna þar sem unnið er með formlegt málsnið tungumálsins. Með
32 Sjá t.d. kvikmynd Lucrecíu Martel, Zama (2017).
HÓLMFRÍÐUR GARÐARSDÓTTIR