Milli mála - 2022, Page 208
MILLI MÁLA
Milli mála 14/1/2022 207
styttra námi erlendis innan námsgreinar í þýsku.1 Stuttu fyrir aldarmót
hófst samstarf námsgreinar í þýsku við Karl Eberhard-háskólann í
Tübingen og voru lögð drög að styttra námi fyrir íslenska stúdenta
við þann háskóla. Var ákveðið að um tveggja vikna nám yrði að
ræða sem gæfi 6 ECTS við HÍ og færi fram á haustmisseri þýska há-
skólans. Mikilvægt er að nemendur kynnist í styttra náminu iðandi
stúdentalífi og háskólaumhverfi þar sem háskólastarfið blómstrar.
Eftir að kennslu misserisins lýkur eru einungis ritgerðaskrif og próf
í gangi sem ekki veita eins glögga mynd af lífi stúdenta í háskóla-
borg. Enn fremur er lögð áhersla á það að nemendur búi hjá þýskum
fjölskyldum, sem í upphafi var auglýst eftir í dagblaði borgarinnar.
Þannig kynnast nemendur landi og þjóð, siðum og venjum auk þess
sem þeir tjá sig meira á þýsku. Uppbygging styttra námsins er á eftir-
farandi hátt: Kennsla og þjálfun í tungumáli, fyrirlestrahald og fleira
milli klukkan 9 til 13 frá mánudegi til föstudags í tvær vikur. Eftir
hádegi er boðið upp á mismunandi fyrirlestra um fjölmörg atriði, s.s.
háskólanám í Þýskalandi, menningarlæsi, þýsk-íslenskan samanburð
svo dæmi séu nefnd. Þá er boðið er upp á skoðunarferðir um sam-
bandslandið Baden-Württemberg, t.d. farið til Stuttgart, Mercedes-
Benz-safnið skoðað, ferðast að Boden-vatninu og jafnvel farið yfir til
Frakklands eða Sviss. Markvisst er komið á tengslum milli íslenskra
og þýskra stúdenta meðan á dvölinni stendur auk þess sem boðið er
upp á kvikmyndasýningar og kóræfingar.
Í upphafi námskeiðsins fá nemendur einnig verkefni sem þeir
vinna að meðan á dvölinni stendur og á lokakennsludegi námsins
flytja þeir verkefnið fyrir kennara, samnemendur og gesti. Dæmi um
verkefni eru: Heimsókn til stofnana og fyrirtækja í nágrenninu (t.d.
súkkulaðiverksmiðjunnar Ritter-Sport og Gehr-bakarakeðjunnar,
heimsókn á dagblaðið Schwäbisches Tagblatt), ímynd Þjóðverja af
Íslandi, samanburður á þýskum og íslenskum „tabúefnum“ og þýskt
skopskyn, svo nokkur dæmi séu nefnd. Lokahóf er haldið síðasta
kvöldið og gestafjölskyldunum, þýskum stúdentum og öllum sem
1 Námskeiðið í Freiburg var án eininga. Íslensku stúdentarnir bjuggu á stúdentagörðum og
skemmtu sér vel en stunduðu námið minna. Eftir þetta námskeið reyndist samstarfsaðilinn ekki
tilbúinn í áframhaldandi samstarf. Reynslan af námskeiðinu reyndist hins vegar vera mjög gagnleg
við það að koma á fót styttra námi erlendis sem gagnast myndi innan þýskunámsins. Það var ekki
hvað síst það sem úrskeiðis fór í Freiburg sem varð dýrmæt reynsla við það að koma
Talfærninámskeiði í Þýskalandi á laggirnar.
ODDNÝ G. SVERRISDÓTTIR