Milli mála - 2022, Page 229
MILLI MÁLA
228 Milli mála 14/1/2022
nýta margvísleg tæknitól til kennslu og náms. Meðal kennslufræði-
legra aðferða er að beina athygli nemenda að ílagsþáttum í málum-
hverfinu (e. noticing) með hjálp tölvutækninnar (Birna Arnbjörnsdóttir
2004, 89; Chapelle 1998, 23; Schmidt 1993, 208). Byggt er á aðferð-
um sem kallast „fókus á form“ (Doughty og Williams 1998, 1) til að
kynna málfræðiatriði í textasamhengi (Ellis, Basturkmen og Loewen
2001, 410). Einnig einkennist kennslufræðin af því sem kallast stoðir
(e. scaffolding) (Lantolf 2000, 20) þar sem tæknin er nýtt til að kynna
málleg atriði í smáum skrefum í þeim tilgangi að tryggja skilning
og stuðning við námsferlið (Birna Arnbjörnsdóttir 2021, 20; Kolbrún
Friðriksdóttir 2021b, 131–132). Lagskipt framsetning námsefnis og
málfræðiútskýringar byggja jafnframt á stoðum. Efnisinnihald nám-
skeiða er lagað að færnistigi nemenda og námsmarkmiðum og með
efnisvali er leitast við að höfða til fullorðinna. Efnið er þemaskipt og
byggir á breytilegum söguþræði sem er ætlað að hvetja nemendur til
þátttöku. Í sama tilgangi er áhersla lögð á fjölbreytt verkefni.
Í blönduðum námskeiðum og fjarnámskeiðum er kennari til
stuðnings sem veitir margvíslega aðstoð til að auðvelda nemendum
að hafa glögga yfirsýn yfir námsefnið og að komast yfir allt efnið á
námskeiðstímanum (sjá Kolbrúnu Friðriksdóttur 2021a, 6–8). Næst
verður fjallað um rannsóknaraðferðir og þátttakendur.
3. Rannsóknin
Rannsóknin er þríþætt og grundvallaðist á blandaðri rannsóknarað-
ferð (Guest 2012). Stuðst var við a) rafræn gögn úr rakningarkerfi
IOL, b) spurningakönnun auk c) eigindlegra gagna sem aflað var með
opnum spurningum í könnuninni. Rannsóknarspurningarnar voru
sex, um: 1) framvindu og námshegðun í öllum námskeiðum IOL og
mismunandi námsumgjörðum, 2) áhrif efnisinnihalds og kennslu-
fræðilegra aðferða á virkni og framvindu, 3) áhrif stuðnings kennara
á virkni og framvindu, 4) markmið nemenda og áhrif þeirra á fram-
vindu, 5) ástæðu þess að nemendur ljúka námskeiði eða hætta og 6)
áhrif bakgrunnsbreyta á framvindu. Blönduð rannsóknaraðferð var
valin til að skoða viðfangsefnið frá sem víðustu sjónarhorni (Leech og
Onwuegbuzie 2009, 266). Aðleiðslu var beitt við greininguna í þeim
FRAMVINDA OG ÁHRIFAÞÆTTIR Í OPNUM MÁLANÁMSKEIÐUM Á NETINU
10.33112/millimala.14.1.11