Milli mála - 2022, Page 242

MILLI MÁLA
Milli mála 14/1/2022 241
af hverju þeir voru ólíklegri en nemar í blönduðu námi til að ljúka
námskeiðinu.
Kyn hafði ekki áhrif á framvindu svarenda en niðurstöðurnar í
þessum kafla samræmast fyrri niðurstöðum (Khechine o.fl. 2014,
46–47). Næst verður fjallað um eigindlegu gögnin.
4.3 Hvatinn til að klára námskeið eða hætta
Síðasti hluti rannsóknarinnar grundvallaðist á eigindlegum texta-
gögnum frá 174 nemum í IOL 2 sem höfðu annaðhvort lokið nám-
skeiði eða hætt fyrr. Hóparnir tveir fengu ólíkar spurningar, rann-
sóknarspurning 6 var:
a) Hverja telur þú vera meginástæðu þess að þú kláraðir IOL 2?
b) Hverja telur þú vera meginástæðu þess að þú kláraðir ekki IOL
2 eins og þú hafðir ætlað þér?
Innihaldsgreiningu (e. content analysis) (Hsieh og Shannon 2005,
1279), eða útdrætti (e. summative approach), var beitt á skriflegar
lýsingar svarenda með áherslu á þætti sem voru sagðir hvetjandi
eða letjandi. Byggt var á greinandi aðleiðslu (e. analytic induction)
(Creswell 2013, 83) til að koma auga á mynstur í gögnunum. Notuð
var opin kóðun og kóðunarflokkar síðan dregnir saman í þemu þar
til mettun var náð (Creswell 2013, 86). Í rannsókninni var byggt á
tíðustu þemunum sem komu fram. Niðurstöðurnar sem varða hvorn
hóp um sig verða ræddar í næstu undirköflum.
4 .3 .1 Hvatinn til að klára
Af þeim 123 sem fengu spurninguna um hvað hefði hvatt þá til að
klára námskeiðið svöruðu 112. Þrjú meginþemu greindust: a) „áhuga-
vert efni; ánægja með námskeiðið“, b) „viljinn til að læra tungumálið“
og c) „áhugi á máli og menningu“. Flestir svarendanna nefndu að
áhugavert efni og almenn ánægja með fjölmarga þætti námsefnis-
ins hefðu átt mestan þátt í að hvetja þá áfram til enda. Næsttíðasta
ástæðan sem var gefin var ríkur vilji til að ná tökum á tungumálinu
og loks var hópur sem taldi áhuga sinn á máli og menningu hafa
vakið meginhvatann til að klára. Hér má sjá dæmi um tilvitnanir frá
svarendum út frá þemum:
KOLBRÚN FRIÐRIKSDÓTTIR