Milli mála - 2022, Page 259
MILLI MÁLA
258 Milli mála 14/1/2022
gildis hennar sem alþjóðlegs samskiptamáls (Elín Þ. Þórðardóttir og
Anna Guðrún Júlíusdóttir 2013, 412). Þetta gæti haft áhrif á upp-
byggingu annars máls og þar með máltileinkun L2 íslensku (Elín Þ.
Þórðardóttir 2021, 1).
Internetið býður upp á margs konar námsefni og rafræn tól sem
styðja við nám í L2 íslensku fyrir börn. Bæði vefsíður og undirsíður
bjóða upp á lista yfir frekara námsefni í L2 íslensku fyrir börn. Á
þessum síðum er sjaldnast að finna skýrar upplýsingar um náms-
efnið. Auk þess eru frekar takmarkaðar upplýsingar um hvaða mál-
legu þætti er verið að æfa. Mögulegt er fyrir foreldra og forráðamenn
að skoða námsefni og meta en það er mjög tímafrekt og því gæti
leit að hentugu námsefni og tólum sem börn geta notað til að efla
ákveðinn mállegan þátt tekið langan tíma. Vegna þess að ekki er til
einn tæmandi listi yfir slíkt var gerð tilraun í þessari rannsókn til
að búa til lista yfir allt námsefni og tól sem gagnast kennslu í L2
íslensku fyrir börn. Þó að til dæmis Tungumálatorg2 bjóði upp á yfir-
litssíðu með tenglum á námsefni á fleiri tungumálum, þ.e. ensku,
dönsku, íslensku, og upplýsingar um tengla á samtök sem tengjast
eflingu og kennslu tungumála, þá er þessi vefsíða aðeins yfirlitssíða
með tengla á aðrar vefsíður. Ekki er að finna upplýsingar um mállega
þætti í tungumálum sem hægt er að æfa. Einnig eru aðrar vefsíður
skráðar sem bjóða upp á m.a. almennt yfirlit yfir kennslu í íslensku,
en Menningarmót fljúgandi teppi og Móðurmál eru dæmi um slíkar vef-
síður. Þá er hægt að leita á heimasíðu Menntamálastofnunnar um
Flokkun námsefnis fyrir ÍSAT nemendur3 en þar er einungis að finna
yfirlit yfir valið námsefni eins og kennslu- og lesbækur, gagnvirka
vefi, og tölvuleiki á íslensku fyrir börn með íslensku að öðru máli,
flokkað eftir getustigi og með upplýsingum um mállega þætti sem
þar að lútandi efni æfir. Þessi vefsíða inniheldur undirsíðu um annað
efni þar sem hægt er að finna hlekki á tvær kennslubækur á pdf-
formi, og Dagbók – Heimanám og íslenska – tölum saman en ekki
hlekki á frekara námsefni sem hægt er að finna á netinu, eins og fram
kemur í þessari rannsókn.
Fræðilegur grunnur rannsóknarinnar er tölvustutt tungumála-
nám (e. CALL, eða computer-assisted language learning). Tölvustutt
2 http://tungumalatorg.is
3 https://mms.is/sites/mms.is/files/isat_samantekt_jan19_005.pdf
KORTLAGNING RAFRÆNS NÁMSEFNIS Í ÍSLENSKU SEM ÖÐRU MÁLI FYRIR BÖRN OG
VIÐHORF FJÖLSKYLDNA TIL NOTKUNAR Á NÁMSEFNI Í SJÁLFSNÁMI BARNA
10.33112/millimala.14.1.12