Milli mála - 2022, Page 270
MILLI MÁLA
Milli mála 14/1/2022 269
frá íslenskri fjölskyldu sem býr í útlöndum barst á ensku. Í næstu
undirköflum er fjallað um eftirfarandi sex atriði úr könnuninni:
búsetu fjölskyldna, tungumál töluð á heimilinu, mállega þætti sem
börnin þurfa að örva að mati foreldra, gerðir námsefnis sem mest og
minnst eru notaðar heima við, námsefni sem börn hafa mestan og
minnstan áhuga á að nota til sjálfsnáms og hversu auðvelt eða erfitt
það er fyrir fjölskyldur að finna íslenskt námsefni fyrir börn á netinu.
Að lokum er svörum við opnum spurningum lýst.
2 .2 .1 Búseta fjölskyldna og tungumál töluð á heimilinu
Af 14 fjölskyldum svarenda á ein heima á Englandi, ein í Svíþjóð og
12 á Íslandi. Af þeim 12 fjölskyldum sem búsettar eru á Íslandi eru
tvær nýkomnar til landsins; ein hafði búið í Bandaríkjunum til sum-
arsins 2020, og ein fluttist hingað til lands í mars 2020. Ekki var til-
greint í hvaða landi síðastnefnda fjölskyldan hafði verið búsett áður.
Allar fjölskyldur nema tvær tala íslensku á heimilinu að einhverju
leyti og allar nema ein tala a.m.k. eitt annað tungumál utan íslensku.
Þrjár fjölskyldur tala (einungis) íslensku og ensku og tvær tala
íslensku og pólsku (þar af ein sem talar aðallega pólsku en stundum
íslensku). Þær tvær sem ekki tala íslensku á heimilinu tala einungis
ensku en önnur þeirra sagðist stundum æfa lestur á íslensku. Hinar
fjölskyldurnar tala auk íslensku annaðhvort ensku ásamt tælensku
eða þá þýsku, sænsku, portúgölsku ásamt ítölsku, litháísku, og að
lokum frönsku. Tungumálin virðast ekki hafa haft áhrif á svör við
könnuninni. Það gæti stafað af því að nákvæm og skýr lýsing á rann-
sókninni sjálfri fylgdi könnuninni. Foreldrar eða forráðamenn gátu
þá betur skilið spurningar sem þeir svöruðu annaðhvort á íslensku
eða ensku (sjá viðauka A). Varðandi það hversu oft foreldrar tala
íslensku við börnin sín á heimilinu sögðust 12 fjölskyldur gera það
á hverjum degi, ein fjölskylda tvisvar í viku og ein fjölskylda einu
sinni í viku.
2 .2 .3 Mállegir þættir sem börnin þurfa að örva samkvæmt foreldrum þeirra
Þeir mállegu þættir sem hér verður gerð grein fyrir eru sex: lestur,
hlustun, tal, ritun, málfræði og orðaforði. Til þess að einfalda könn-
BRANISLAV BÉDI OG KELSEY PAIGE HOPKINS