Milli mála - 2022, Síða 329

MILLI MÁLA
328 Milli mála 14/1/2022
Samtals tóku 62 íslenskir kennarar í ensku sem erlendu máli (e.
English as a Foreign Language (EFL)) VLT prófið. Þekking á orðaforða
á VLT prófinu er metin þannig að ýmist 26 eða 27 stig af 30 voru
mörkin sem gáfu til kynna afburðaþekkingu (e. mastery) á hverjum
undirlista tíðniorðalistanna fyrir sig og fór þá eftir merkingarlegu
samhengi hvort mörkin voru 26 eða 27 (Schmitt o.fl. 2001). Það að
setja mismunandi mörk eftir samhengi getur haft áhrif á niðurstöður
eins og einn ritrýna benti á. Skor próftaka sem er nær 100% gefur
til kynna að próftaki þekki fleiri orð á prófi eins og sjá má þegar 26
stig af 30 (86%) eru borin saman við 27 stig af 30 (90%). Wulyani
o.fl. (2019) notuðu 26 stig af 30 sem neðri mörk og fundu að bil
stiga próftaka var meira bæði á tíðniþrepunum og á AWL listunum.
Sumir kennarar skoruðu hátt en aðrir ekki. Kennararnir sýndu af-
burðaþekkingu á 2000 orða tíðnilistanum og voru nálægt afburða-
þekkingu á 3000 orða tíðnlistinanum. Meðalskor á 5000 orðatíðni-
listanum var um 18 (af 30) orð, samanborið við 10.000 tíðnilistann
(lág tíðni) þar sem meðalfjöldi orða var 7 af 30. Neikvæð fylgni var á
milli þess hversu mikla reynslu kennarar höfðu og þekkingar á fræði-
legum orðaforða. Þeir kennarar sem höfðu verið hvað lengst við störf
fengu lægra skor á orðaforðaprófinu. Auk VLT listans lögðu 68 þátt-
takendur sjálfir mat á þekkingu sína á enskum orðaforða. Samtals 53
kennarar sögðust þurfa að bæta orðaforða sinn í ensku. Þrír héldu því
fram að enskur orðaforði þeirra væri framúrskarandi. Greinilegt er að
skoðanir kennaranna á eigin þekkingu á enskum orðaforða og niður-
stöður rannsóknarinnar benda til þess að þeir eigi erfitt með að þróa
og viðhalda þekkingu á orðaforða umfram hátíðniorð og sérstakan
fræðilegan orðaforða.
Ein ástæða fyrir áhuga okkar á orðaforðaþekkingu tungumála-
kennara í ensku er að þeir sem kenna tungumál í dag voru eitt sinn
nemendur sjálfir. Þeir sem verða tungumálakennarar eiga flestir
svipaðan bakgrunn sem nemendur. Þeir lærðu enska málfræði, bók-
menntir og menningu. Orðaforðaþekking er hluti af heildarþekk-
ingu tungumálasérfræðings. Niðurstöður rannsókna á orðaforða
framhaldsskóla- og háskólanema í ensku sem öðru máli gefa þó til
kynna að hann þurfi að bæta. Rannsóknir sem studdust við VLT
(Schmitt o.fl. 2001) sýna að nemendur þekkja ekki hátíðniorðaforða
í ensku í löndum á borð við Danmörku (Henriksen og Danelund
ENSKUR ORÐAFORÐI ÍSLENSKRA ENSKUKENNARA: UMFANG OG UPPSPRETTA
10.33112/millimala.14.1.15