Veiðimaðurinn - 01.03.1963, Page 26

Frá Langavatni, en úr því rennur Langá á Mýrum. — Ljósm. R. H.
að Forn-Germanir hafi í fyrstu hugsað sér
kvalastað í vatni. í sambandi við þetta
hefur verið bent á þá skoðun Ásatrúar-
manna, að eiðrofar og morðvargar vaði
eiturstrauma á Náströnd. Tilgáturnar
um vatnsvítið eru þó hæpnar.
I sumum helgisögum segir, að þeir
englar, sem voru hlutlausir í baráttunni
milli Guðs og Satans, búi í vatni. Þeir
fengu sína refsingu fyrir hlutleysið, en
sluppu þó við loga vítis.
Óhugnanleg er sú þjóðtrú, sem ef til
viil er keltnesk að uppruna, að illvilj-
aðar vættir búi í vötnum eða botnleðju
þeirra, en komi upp á nóttunni eða í
þoku. Þessar vættir eru gráleitar og
stundum gegnsæar. Ef menn eru einir
á ferð við vötnin í myrkri eða þoku
reyna þær að draga þá í vatnið til sín.
Ekki er fullljóst, hvort þessar slepjugu
og ískyggilegu vættir eru upphaflega
framliðnir menn eða vatnsandar af öðru
tagi.
EYJAN í VATNINU
Eyjar í vötnum fá oft á sig helgi, ekki
sízt ef helgi er á vatninu sjálfu. Hér
blandast gömul eyjahelgi vatnshelginni.
Sumar slíkar eyjar eru þó tabú og hættu-
legar. Fræg frá fornu fari er Eyin helga
(Helgöya) í Mjösvatni í Noregi, en hún
er allstór. Mikil helgi er á ýmsum eyjum
í hinu mikla Titicacavatni í Suður-Ame-
ríku, en raunar er helgi á því vatni öllu.
16
Veibimaðurinn