Mosfellingur - 17.11.2022, Page 34

Heilsumolar gaua
- Aðsendar greinar34
Guðjón
Svansson
gudjon@kettlebells.is
Fótbolti eða baksund?
Er fótboltinn að éta allar aðrar
íþróttir? Eru of margir að æfa
fótbolta og of fáir að æfa sund? Þetta
eru góðar pælingar sem eiga rétt á
sér og var kastað út í kosmósið af
góðum Mosfellingi í síðustu viku. Ég
hef sjálfur áhuga á mörgum íþróttum
og hef prófað ýmsar. Byrjaði að æfa
fótbolta, svo bættist körfuboltinn
við og þessar íþróttir héldu mér
uppteknum lengi vel. Ég hef prófað
að æfa hokkí (á grasi), sjálfsvarn-
aríþróttir, klifur og alls konar
líkamsrækt með misjöfnum árangri.
Náði sem dæmi aldrei hokkíinu
almennilega þrátt fyrir þokkalegustu
viðleitni.
Mín skoðun varðandi vangavelt-
urnar um að vinsældir fótbolt-
ans séu á kostnað annara íþrótta-
greina, er sú að krakkar og flestir
fullorðnir sækja í að æfa það sem
þeim finnst skemmtilegt. Flóknarara
er það ekki. Og það er mikilvægara
í þeirra huga að taka reglulega þátt
í skemmtilegri hreyfingu í góðum
félagsskap með jafningjum sínum en
að verða Íslandsmeistari í íþrótt sem
þau hafa ekki gaman af því að æfa.
Fótbolti er í dag vinsælasta
íþróttagreinin hjá fjölgreina-
félaginu Aftureldingu samkvæmt
iðkendatölum félagsins fyrir árið
2021 en fimleikadeildin er ekki langt
undan og virðist ef eitthvað er vaxa
hraðar en fótboltinn. Aðrar greinar
eins og t.d. körfubolti eru í hröðum
vexti, sem er frábært. Það er jákvætt
fyrir heilsueflandi bæjarfélag eins og
Mosfellsbæ hversu margir vilja æfa
íþróttir hjá aðal íþróttafélagi bæjar-
ins. Það fjölgar líka í sunddeildinni,
en fækkar milli ára í frjálsum
íþróttum, karate og í hjóladeild
Aftureldingar.
Það eru forréttindi að geta valið á
milli ellefu skipulagðra íþrótta-
greina eins og krakkar í Mosfellsbæ
geta í dag. Fyrir mér skiptir ekki máli
hvaða íþróttagreinar
krakkar vilja æfa,
aðalmálið er að
þau finni það
sem þeim finnst
skemmtilegast
og að þau mæti
reglulega. Það
styrkir þau og
eflir, líkamlega,
andlega og
félagslega.
Blaðinu hefur borist splunkunýtt ljóð eftir
Bjarka Bjarnason á Hvirfli.
Tengist það uppgreftinum í Hamrahlíð.
Guðrún Jónsdóttir (1852-1936) fæddist
þar en varð síðar þekkt fyrir að geyma
„brauðið dýra“ í Innansveitarkroniku.
Hamrahlíð
Þöglir steinar, svarbrún fold,
rústir einar undir mold.
Ryðguð skeifa, bollabrot,
fornar leifar, gamalt kot.
Kotið bæði kalt og rýrt,
um jólaleytið fæddist hún
sem geymdi í skjólu brauðið dýrt.
Ort um uppgröft í Hamrahlíð
uppgröfturguðrún jónsdóttir