Fréttablaðið - 28.03.2023, Blaðsíða 15

K Y N N I NG A R B L A Ð
ALLT
ÞRIÐJUDAGUR 28. mars 2023
Philip Grétarsson er verslunarstjóri hjá Innréttingum og tækjum þar sem svört klósett og gylltir handklæðaofnar njóta mikilla vinsælda. FRÉTTABLAÐIÐ/ERNIR
Vistvænni salernisferðir í bígerð
Innréttingar og tæki er rómuð sérvöruverslun með allt fyrir baðherbergið. Úrvalið er ein-
stakt, þar á meðal handklæðaofnar í 300 litum, fagurlituð hreinlætistæki, hæstmóðins inn-
réttingar, blöndunartæki með tökkum og skolunartæki fyrir vistvænni klósettferðir. 2
Pasta með grillaðri paprikusósu er
fullkomið í lok ískalds sólardags.
jme@frettabladid.is
Í gluggaveðri langar okkur í eitt­
hvað notalegt í kvöldmatinn en
þó ferskt til að minna okkur á að
dagarnir eru að lengjast. Upp­
skriftin er fyrir þrjá til fjóra.
Grillað paprikupasta

500 g pasta
Um 300 g af grillaðri papriku í
krukku
2–3 hvítlauksrif
Olía eftir þörfum
¼ tsk. chiliflögur
2 dl rjómi
Salt og pipar
1 dl eða meira af rifnum
parmesan osti
Pastavatn eftir þörfum
Basilíka til að strá yfir
Sítróna til að kreista yfir
Sjóðið pasta „al dente“. Setjið
papriku í blandara ásamt hvítlauk.
Blandið uns sósan er mjúk. Hægt er
að setja smá vökva úr krukkunni
ef paprikan vill ekki blandast.
Hitið olíu á pönnu og ristið chili­
flögur við meðalhita, stutt. Hellið
sósunni út á og látið krauma uns
hún þykknar.
Bætið pastanu út í og hrærið uns
pastað er fullsoðið. Slökkvið undir
og hellið rjóma og parmesanosti
út á. Saltað og piprað eftir þörfum.
Þynnið út með heitu pastavatni ef
þarf. Gott er að kreista sítrónu út
á í lokin og bera fram með saxaðri
basilíku. n
Vorlegt pasta
Alla daga
gegn kulda og sól
Apótek, Hagkaup og Fjarðarkaup
www.celsus.is