Víkurfréttir - 18.01.2023, Side 2
Óvenju mikið fannfergi hefur sett
strik í reikning Reykjanesbæjar að
undanförnu en ætla má að kostn-
aður við snjómokstur og -losun í
bænum hafi verið um 60 milljónir
króna síðasta mánuð.
Gunnar Ellert Geirsson, deildar
stjóri umhverfismála hjá Reykja
nesbæ, segir að á síðasta ári hafi
heildarkostnaður vegna snjó
moksturs verið 75 milljónir króna,
þar af greiddi Reykjanesbær verk
tökum um 33 milljónir króna á
tímabilinu 17. til 31. desember.
„Þessar tölur eru samkvæmt þeim
reikningum sem höfðu borist um síð
ustu mánaðamót en við áætlum að
kostnaðurinn í janúar sé nú kominn
í um 25 milljónir. Meginmunurinn á
vinnunni í desember og janúar er að í
desember einbeittum við okkur fyrst
og fremst að því að opna og halda
akstursleiðum opnum, núna er snjó
losun aðallega í gangi en sú vinna er
bæði tíma og mannaflsfrek.“ Hann
bætir við að snjómokstur á seinni
hluta síðasta vetrar hafi verið búinn
að fylla upp í þau framlög sem voru
áætluð til moksturs á árinu 2022.
„Þannig að þegar það byrjaði að
snjóa 17. desember þá var búið að
sprengja þennan lykil,“
Gunnar bendir á að önnur eins
snjóþyngsli hafi ekki verið á Suður
nesjum síðan 2008. „Þá voru verk
takar líka betur í stakk búnir, tækja
lega séð. Stórvirkar traktorsgröfur
gátu þá rutt allt sem á vegi þeirra
varð en núna búa verktakar yfir
vélum sem henta ekki eins vel og
eru ekki jafn afkastamikil í snjó
ruðningi og snjómokstri. Þannig að í
dag stendur sveitarfélögum einungis
til boða tæki sem ráða ekki jafn vel
við aðstæður þegar svona ástand
skapast – og við borgum jafn mikið
en fyrir minni afköst en áður.“ Hann
bendir einnig á að á sama tíma hafi
Vegagerðin afskrifað þau tæki sem
áður fyrr sáu um að halda Reykja
nesbrautinni opinni og sé ekki með
nægilega öfluga snjóplóga í dag til að
tryggja samgöngur milli Suðurnesja
og höfuðborgarsvæðisins. „Öflugu
tækin sem skófu og söltuðu brautina
á milli Hafnarfjarðar og flugstöðvar
innar eru ekki lengur til – þannig er
staðan á Suðurnesjum í dag.“
Að sögn Gunnars Ellerts er
aðaláhersla í snjómokstursmálum
Reykjanesbæjar í dag að tryggja
gönguleiðir barna milli skóla og af
þreyingar. „Við þurfum fyrst og
fremst að tryggja öryggi barnanna
okkar í umferðinni og því er mesta
áherslan á að greiða leið þeirra til að
geta stundað skóla og tómstundir.
Samhliða því reynum við eftir
fremsta megni að hreinsa íbúagötur.“
Asahláka í kortunum
Veðurstofa Íslands spáir stífri sunn
anátt næstkomandi föstudag og
að hitinn muni hækka um sextán
gráður frá hádegi fimmtudags til
föstudags (fari úr 8°C í +8°C),
samhliða þessum veðrabreytingum
er spáð ausandi rigningu. Því vildi
Gunnar Ellert jafnframt koma á
framfæri til íbúa að framundan sé
spáð asahláku og því mikilvægt að
gera viðeigandi ráðstafanir til að
forðast tjón af þess völdum. „Nú er
rétti tíminn til að opna fyrir niður
föll og reyna að koma í veg fyrir að
vatn eigi greiða leið inn í híbýli fólks,“
sagði hann að lokum.
FINNDU OKKUR Á FACEBOOK
DAGLEGAR FERÐIR ALLA VIRKA DAGA
S U Ð U R N E S - R E Y K J A V Í K
845 0900
FERÐIR Á DAG
ALLTAF PLÁSS
Í BÍLNUM
HREINSUM
RIMLAGARDÍNUR OG
MYRKVUNARGARDÍNUR
NÁNARI UPPLÝSINGAR Á ALLTHREINT.IS
Ljóst er að tjón vegna rafmagns-
leysisins á mánudag er verulegt.
Þegar rafmagn fór af Suðurnesjum
í febrúar 2015 var kostnaður vegna
þess metinn á annað hundrað
milljónir króna. Líklega er það
vanmat og Landsnet telur töluna
í lægri kantinum hvað tjón varðar.
Kostnaður vegna raforkurofs getur
hlaupið á hundruðum milljóna en
Suðurnesjalína II myndi draga
verulega úr áhættunni, að því er
fram kom á aðalfundi Sambands
sveitarfélaga á Suðurnesjum
síðasta haust þar sem rætt var
um orkuöryggi á Suðurnesjum og
mikilvægi Suðurnesjalínu II. Raf-
magnsleysið 2015 varði í um tvær
klukkustundir en á mánudag var
straumlaust í um tvær og hálfa
klukkustund.
Bilun í aðveitustöð Landsnets
á Fitjum í Reykjanesbæ er orsök
rafmagnsleysins. Í kjölfar þess
kólnaði hratt í mörgum húsum þar
sem þrýstingur fór af hitaveitu við
rafmagnsleysið. Nokkrar klukku
stundir tekur að keyra upp þrýsting
á kerfum. Það er gert til að ekki
verði tjón þegar þrýstingur kemst á
að nýju. Ástæða rafmagnsleysis var
rakin til bilunar í eldingarvara við
tengivirki Landsnets á Fitjum.
Rafmagnsleysi hafði ekki áhrif á
Keflavíkurflugvöll, sem var keyrður
áfram á varaafli. Þá var Heilbrigðis
stofnun Suðurnesja einnig keyrð
á díselrafstöð, sem og gagnaver á
Ásbrú.
„Það sem gerist einu sinni getur
gerst aftur. Þetta staðfestir mikil
vægi þess að hingað inn á Reykjanes
skagann séu fleiri en ein flutningsleið
fyrir rafmagn. Ef Suðurnesjalína 2
hefði verið til staðar hefði þetta
ekki gerst. Sveitarfélagið Vogar og
Landsnet verða að leysa úr þessum
ágreiningi sínum strax. Áður en
þetta gerist aftur,“ segir Kjartan Már
Kjartansson, bæjarstjóri í Reykja
nesbæ, í samtali við Víkurfréttir um
rafmagnsleysið.
Íbúar á Suðurnesjum hafa lýst yfir
óánægju sinni á samfélagsmiðlum
með ástandið á innviðum og Suður
nesjalína 2 verið til umræðu. Það var
ekki bara að rafmagn og hiti færi af
Suðurnesjum. Netsamband hrundi
einnig og sömu sögu er að setja af
farsímakerfum. Íbúi í Suðurnesjabæ
var harðorður vegna þess ástands.
„Þarna erum við að tala um algert
hrun á innviðum og meiriháttar
öryggismál,“ skrifar hann í færslu á
Facebook þar sem ástandið var til
umfjöllunar.
Einar Jón Pálsson, forseti bæjar
stjórnar Suðurnesjabæjar, er einn
þeirra sem lýstu áhyggjum af hruni
fjarskiptakerfa í rafmagnsleysinu á
mánudag. Hann segir að sambands
leysið veki upp fjölda spurninga og
hann hafi sem forseti bæjarstjórnar
í Suðurnesjabæ óskað eftir upplýs
ingum frá símafyrirtækjunum með
tilliti til öryggis í framtíðinni.
Á meðan rafmagnsleysinu stóð
hófst leikur á milli Íslands og Suður
Kóreu á HM í handknattleik. Það
kann að hafa aukið álag á farsíma
kerfin að margir reyndu að horfa á
leikinn í snjalltækjum sínum þar sem
sjónvarpskerfin voru niðri vegna raf
magnsleysis.
„Á innan við tveim tímum var
allt varaafl uppurið. Sími, net, kalt
vatn og heitt vatn hætt að renna.
Við erum komin aftur um 100
ár ef við lendum í þriggja tíma
straumleysi. Hvort sem spennu
virki eða Suðurnesjalína er úti er
alveg ljóst að varaleið er ekki fyrir
hendi. Erum við sátt við það? Það
var ekki einu sinni vont veður,“
skrifar einn netverji um ástandið.
Ályktun bæjarstjórnar Reykjanes
bæjar um rafmagnsleysið má sjá á
síðu 10 í blaðinu í dag.
Hrun á innviðum á Suður-
nesjum í rafmagnsleysi
Hilmar Bragi Bárðarson
hilmar@vf.is
Aðveitustöð Landsnets á Fitjum í Reykjanesbæ þar sem bilunin varð sem orsakaði straumleysi á öllum Suðurnesjum.
Viðgerðarflokkur við aðveitustöðina. VF-myndir: Sigurbjörn Daði Dagbjartsson
Frá snjómokstri í Reykjanesbæ. VF-myndir: Sigurbjörn Daði Dagbjartsson
Mestu snjóþyngsli í fimmtán ár
Stofnun bíla-
stæðasjóðs
könnuð
Samþykkt var að skipa
starfshóp til að kanna fýsileika
þess að stofna bílastæðasjóð
í Reykjanesbæ á 306. fundi
umhverfis- og skipulagsráðs
Reykjanesbæjar þann 13. janúar
síðastliðinn var en skipulags-
fulltrúi lagði fram drög þess
efnis á fundi umhverfis- og
skipulagsráðs þann 21. október
2022.
Talsvert hefur borið á því að
flugfarþegar séu að leggja bílum
sínum í stæði innan Reykjanes
bæjar á meðan þeir eru á ferða
lagi og eru dæmi til um það að
ökutæki þeirra séu jafnvel að
teppa stæði vikum saman. Á
sama tíma eru ávallt laus stæði
á bílastæðum Isavia við Flug
stöð Leifs Eiríkssonar svo leiða
má líkur að því að fólki finnist of
dýrt að geyma bílana sína þar.
Veitingastaður
við Hafnargötu
verði gistiheimili
JeES arkitektar ehf. hafa lagt fram
fyrirspurn f.h. eigenda Hafnargötu
39 í Keflavík með ósk um að breyta
veitingastað í gistiheimili.
Á jarðhæð Hafnargötu 39 er í dag
leiguíbúð og veitingastaður en óskað
er heimildar til að breyta veitinga
stað, þar sem nú er Thai Keflavík, í
gistiheimili með fjórum herbergjum
og forgarð að Hafnargötu.
Umhverfis og skipulagsráð
Reykjanesbæjar hefur frestað er
indinu.
Kostnaður Reykjanesbæjar 60 milljónir króna á einum mánuði
Jóhann Páll Kristbjörnsson
johann@vf.is
2 // vÍkurFrÉttir á SuðurnESjuM