Vesturbæjarblaðið - Jan 2023, Page 11

Ný vél hefur verið sett um borð
í gamla dráttarbátinn Magna
II. Hollvinasamtök Magna hafa
unnið að því frá árinu 2017 að
koma bátnum í sama ástand og
hann var í þegar Stálsmiðjan í
Reykjavík lauk við smíði hans
1954. Vélin sem sett var í bátinn
er af árgerð 1968 og var í fullum
rekstri þar til fyrir þremur árum.
Hún kostaði 400 þúsund danskar
krónur eða jafnvirði 7,5 milljóna
íslenskra króna. Báturinn Magni
var fyrsta stálskipið sem smíðað
var hér á landi. Það var smíðað
eftir teikningum Hjálmars R.
Bárðarsonar skipaverkfræðings
og fyrrum skipaskoðunarstjóra.
Saga dráttarbáta Reykjavíkur­
hafnar nær langt aftur. Í riti
Guðjóns Friðrikssonar um 100 ára
sögu hafnarinnar kemur fram að
mönnum varð ljóst á fyrstu árunum
eftir að hún var fullgerð árið 1917
að brýn nauðsyn væri að kaupa
kraftmikinn dráttarbát. Aflað var
tilboða í nýsmíði en kostnaðurinn
var talinn of mikill. Um áratugur
leið þar til fyrsti dráttarbáturinn
kom til Reykjavíkur og fékk nafnið
Magni. Síðan þá hefur verið hefð
hjá höfninni að nefna öflugasta
dráttarbátinn því nafni. Nokkrir
dráttarbátar hafa því borið þetta
nafn. Nú er nýr Magni kominn
í flotann. Hann var smíðaður
í Víetnam og er langöflugasti
dráttarbátur sem Reykjavíkurhöfn/
Faxaflóahafnir hafa eignast.
Stærri skip hafa kallað á að öflugri
dráttarbátar verði til taks. Nýr Magni
lagði af stað frá Víetnam til Íslands
hinn 19. október sl. og sigldi til
Rotterdam. Hann lagði af stað til
Íslands strax eftir áramótin og kom
til í Reykjavíkur um miðjan janúar.
Báturinn hafði þá lagt að baki
rúmlega 10.000 sjómílna siglingu.
Hinn nýi dráttarbátur er 32 metra
langur og 12 metra breiður. Hann
er með tvær 2.025 kW aðalvélar
sem samanlagt gefa 6.772 hestöfl.
Togkraftur verður 85 tonn fram
og 84 aftur. Er það helmingi meiri
togkraftur en núverandi Magni
hefur og sá sami og samanlagður
kraftur allra fjögurra núverandi
báta Faxaflóahafna. Ákveðið hefur
verið að núverandi Magni fái nafnið
Haki. Fyrsti Magni var keyptur í
Hamborg. Hann var átta ára og kom
til Reykjavíkur árið 1928. Hann var
knúinn 325 hestafla gufuvél. Magni
1 var í notkun fram á sumarið 1955
en var þá gerður að flotbryggju
fyrir hafnsögubátana.
11VesturbæjarblaðiðJANÚAR 2023
Magni II að komast í upprunalegt ástand
- nýr Magni kominn til hafnar
Nýi Magni er hið glæsilegasta skip og tilbúinn að mæta nútíma kröfum.
Í Þorraseli er jafnan magt um að vera. Sérstök áhersla er lögð á
að eiga góða daga í desember. Þá koma listamenn á öllum aldri í
heimsókn og gleðja gesti meðal annars með söng.
Í desember var farið í heimsókn í Neskirkju þar sem boðið var
uppá smákökur og heitt súkkulaði. Jólagleði var haldin 9. desember.
Þar kom Salka Sól og söng við undirleik Jónasar Þóris og gómsætur
matur var borinn fram. Árið 2023 byrjaði með miklum krafti, en þá
var meðal annars farið í Hörpu til að hlusta á Vínartónleika í boði
Sinfóníuhljómsveitar Íslands.
Þessar ungu stúlkur voru á meðal þeirra sem skemmtu fólki í
Þorraseli í aðdraganda jóla.
Listamenn skemmtu
í Þorraseli fyrir jólin
Elsti Magni frá 1928.
Nýja vélin sett niður í Magna
annan.