Feykir - 26.01.2022, Blaðsíða 6

Heilir og sælir lesendur góðir.
Þá er nú komið að þeirri stund, sem mér
finnst reyndar talsvert stór, að setja
saman þátt með þessu fallega númeri.
Hvorki mig eða neinn annan hefur trúlega
órað fyrir því að á vordögum 1987 þegar
fyrsti þátturinn leit dagsins ljós að hann
yrði lifandi eftir nú, tæplega 35 ár.
Hefur mér nú á þessum tímamótum
dottið í hug að rifja upp í þessum þætti
nokkrar, að ég tel, góðar vísur sem
birtust lesendum vorið 1987. Því miður
eru margir af þeim sem þá voru í góðu
sambandi við þáttinn fallnir frá og má
flytja þeim þakkir fyrir þeirra góða
stuðning.
Það er Jóhann Magnússon, áður
bóndi á Mælifellsá, sem mun hafa sent
kunningja svofellda kveðju:
Þú, minn kæri, lipur ljóð
lést í gær mig heyra.
Gaman væri, að með óð
eitthvað færi meira.
Sveinn, sonur Jóa sem lengi var bóndi
á Varmalæk í Skagafirði, mun einhverju
sinni hafa verið að koma framan af
Eyvindarstaðaheiði með föður sínum í
svörtu haustmyrkri, þá unglingur. Gladdi
það þreyttan drenginn að sjá ljós í glugga
á Fossum, fremsta bæ í Svartárdal. Orti
hann þá:
Vegfarendum vísa má
veginn heim úr fjallasalnum,
ljósið sem að lýsir frá
litla bænum innst í dalnum.
Vel gerð hringhenda kemur hér næst og
er höfundur hennar Andrés H. Valberg.
Mun hún ort er hann las okkar ágæta
blað Feyki og sá þar mynd af okkar góða
vini og gleðimanni Sigurjóni Jónassyni.
Með skapi hörðu skarpur gengur
um Skagafjörðinn hýr á brá.
Fagurgjörður djarfur drengur
Dúddi Skörðugili frá.
Friðrik Friðriksson, ágætur vinur þáttar-
ins, sá vísu Andrésar og orti svo:
Andrés slyngan yrkir brag
elskar hringhenduna.
Skrafs á þingi skáldsins lag.
Skagfirðingar muna.
Þetta umrædda vor birtust í þættinum
þessi kunna vísa Magnúsar Gíslasonar,
áður bónda á Vöglum í Blönduhlíð í
Skagafirði.
Vors er talar tunga á ný
takast skal að sanna.
Að lifnar falinn eldur í
æðum dalamanna.
Í þessum fyrstu þáttum voru, sem betur
fer, fallegar vorvísur í góðum meirihluta.
Stefán Benediktsson, bóndi á Merki í
Jökuldal, mun hafa ort þessa:
Angan moldar ljúfust ljær
lífsins fanga haginn.
Vanga foldar baðar blær
blíður langan daginn.
Vísnaþáttur 800
( GUÐMUNDUR VALTÝSSON ) palli@feykir.is
Okkar góði vísnavinur á þessum árum,
Hjörtur Gíslason á Akureyri, er höfundur
að þessari.
Eftir vetrar veðrin hörð
vakna blóm úr dvala.
Máríuerlur messugjörð
mér í eyra hjala.
Ekki létu Valadalsbræður sitt eftir liggja
í birtingarhæfum vorvísum. Þessi mun
vera eftir Kára:
Heilsar vor en horfinn vetur
hljómar fuglasöngur skær.
Lifnar allt sem lifnað getur
ljúfur andar sunnan blær.
Gaman er þá næst að rifja upp þessa
dásamlegu vísu vorsins eftir Gissur:
Vetur hrindir frá mér frið
flestan myndar trega.
Mínar bind ég vonir við
vorið yndislega.
Ekki þarf langt að leita til þess að finna
fleira frá þessum fyrstu vordögum þessa
þáttar. Okkar góði sveitungi hér áður
fyrr, Jónas Tryggvason frá Finnstungu,
hugsar svo fallega til vorsins:
Flest er gleymt og fyrir bí
fátt er rækt af gengnum sporum.
En ég vildi eiga á ný
eitt af mínum liðnu vorum.
Í þessari upprifjun kemur fljótt upp í hug-
ann þessi snilldarvísa Bjarna frá Gröf:
Meyjar snjallar munu hér
mína galla lofa
þegar ég halla þreyttum mér
þar sem allir sofa.
Eftir vísnasnillinginn Jóhannes á Engi-
mýri í Öxnadal er þessi ágæta vísa:
Menn sem halla aðra á
ei mér falla í sinni.
Þeir ei galla sína sjá
suma valla minni.
Ekki finnst mér mega vanta í þessa
upprifjun þessa fallegu vísu Guðjóns
Þorsteinssonar, áður bónda á Skatastöð-
um í Skagafirði.
Ómar færast inn til mín
af því nærist þráin.
Ég vil læra ljóðin þín
litla tæra áin.
Kannski er nú, góðu vinir, óþarft af
undirrituðum að sýna viðkvæmni á
þessum tímamótum. Langar þó til þess
að þakka öllum vinum þáttarins fyrir
góð samskipti í öll þessi ár. Hef reynt að
halda þá ákvörðun frá fyrri tíma að birta
ekki heimagerðar vísur. Langar þó nú af
þessu tilefni að hafa lokavísunar heima-
gerða, sem ort er til góðrar vinkonu.
Lífið ætti létt að falla
lánið bætti þennan stað.
Ef ég mætti höfði halla
hjartaslætti þínum að.
Veriði þar með sæl að sinni.
Guðmundur
Valtýsson
Eiríksstöðum,
541 Blönduósi
Sími 452 7154
Textílmiðstöð Íslands, miðstöð
nýsköpunar í textíl, vinnur að mótun
Textílklasa í samstarfi við SSNV og með
stuðningi úr Lóu. Klasar eru taldir auka
samkeppnishæfni, framleiðni og ýta
undir nýsköpun og með klasasam-
starfinu er leitast við að skapa vistkerfi
fyrir hagaðila af öllu landinu.
Textílmiðstöðin, sem staðsett er á
Blönduósi, hefur það meginmarkmið
að vera alþjóðleg miðstöð öflugrar rann-
sóknar- og þróunarstarfssemi í textíl-
framleiðslu, textíllistum og handverki í
textíl. Fyrsta stafræna textílsmiðjan var
opnuð á síðasta ári sem er nauðsynleg
stoð fyrir aðila í textíliðnaði. Textíl-
miðstöðin er þátttakandi í ýmsum sam-
starfsverkefnum á borð við Horizon
2020 í verkefninu CENTRINNO,
Evrópuverkefninu SHEmakes, lausna-
mótinu Ullarþon, NORA verkefninu
Wool Walks and Workshops o.fl.
„Með klasasamstarfi fylgir kraftur
sem hraðar ferlum og þróun innan
textílgeirans. Til þess þarf að vera stór
hópur hagaðila sem er tilbúinn að
vinna saman að ákveðnum markmiðum
til að skapa ávinning fyrir aðila innan
klasans” segir Elsa Arnardóttir, for-
stöðumaður Textilmiðstöðvar Íslands.
Boðað er til opins fundar um mót-
un samstarfs um Textílklasa og eru
hagaðilar og aðrir áhugasamir hvattir
til að skrá sig. Á fundinum fjallar Ásta
Kristín Sigurjónsdóttir um Klasastefnu
Íslands en hún leiddi vinnuna um gerð
stefnunnar fyrir Atvinnuvega og ný-
sköpunarráðuneytið. Sesselja Ingibjörg
Barðdal Reynisdóttir flytur erindi um
mótun nýsköpunarklasa á Norður-
landi sem kallast Norðanátt og hvað
ferlið við mótun samstarfsins hefur
kennt hagaðilum. Auk þess flytja
frumkvöðlar í textílvinnslu örerindi en
þar heyrum við frá Önnu Margréti
Karlsdóttur frá Ístex, Berglindi Ósk
Hlynsdóttur og Sólveigu Dóru Hans-
dóttur sem eru með erindi um verk-
efnið Þráðhyggju, þróunarverkefni á
hringrásarkerfi textíls á Íslandi, og
Árna Rúnari Örvarssyni stofnandi
Icelandic Eider. Að erindum loknum
stýrir Svava Björk Ólafsdóttir, stofn-
andi RATA vinnustofu um mótun
klasasamstarfsins þar sem hagaðilar fá
tækifæri til að taka þátt í að leggja
grunn að góðu samstarfi.

Fundurinn fer fram á netinu þann 27.
janúar kl. 13:00-16:00. /Fréttatilkynning
Textílmiðstöð Íslands
Mótun textílklasa hafin á Íslandi
MYND: HELGI PÁLL GÍSLASON
6 04/2022