Mosfellingur - 08.06.2023, Blaðsíða 44
Í eldhúsinu
Ásdísi og Úlli skora á Rósu og Einar að deila með okkur næstu uppskrift í Mosfellingi
Pestó kjúklingaréttur
hjá ásdÍsi og úlla
- Heyrst hefur...44
Sendið okkur myndir af nýjum Mos-
fellingum ásamt helstu upplýsingum á
netfangið mosfellingur@mosfellingur.is
Stúlka fæddist 28. mars 2023.
Hún heitir Heiðbjört Jóa og er
þriðja dóttir Birtu Sifjar Melsteð
og Andrésar Gunnarssonar
Ásdís Valsdóttir og Úlfar Þorgeirsson
deila með okkur að þessu sinni upp-
skrift að hinum sívinsæla og einfalda
pestó kjúklingarétti fjölskyldunnar.
hráefni
• Kjúklingabringur
• Rautt pestó
• Sveppir
• Döðlur
• Rauðlaukur
• Piparostur
• Fetaostur
• Matreiðslurjómi
Aðferð
Kjúklingabringur skornar í 3-4 bita
og raðað í eldfast form. Við blöndum
saman Chili & Garlic Pesto frá Jamie
Oliver og einhverju öðru rauðu pestói, það
fyrrnefnda er frekar sterkt. Smyrjið pestó-
blöndunni yfir kjúklingabitana og dreifið því
næst yfir sveppum í sneiðum, döðlum í bitum
og rauðlauk yfir kjúklinginn. Ofan á þetta
setjum við svo piparost (þennan kringlótta) í
sneiðum, því næst slatta af fetaosti og olíuna
með og kannski smá matreiðslurjóma. Sett
í 180 gráðu heitan ofn í ca 35-40 mín. Með
þessu höfum við hrísgrjón og salat ... einfalt
og gott. Verði ykkur að góðu!
Er Mosó
með besta
félagslífið?
Eins og margir íbúar Mosfellsbæjar
hafa tekið eftir á ýmsum miðlum, þá
hefur verið nóg um að vera innan
bæjarins síðustu daga og mánuði.
Handboltaleikir, fótboltaleikir,
körfuboltaleikir, pubquiz, bingó og ég
gæti haldið endalaust áfram.
Við hér í Mosfellsbæ erum virkilega
heppin að geta komið saman á ýmsum
stöðum og eytt kvöldum saman með
æskuvinum og fjölskyldu á virkilega
auðveldan hátt. Ég veit ekki um
neinn sem býr ekki í Mosó sem nær
að halda eins góðum tengslum við
gamla grunnskólavini og kunningja
eins og við. Þar sem ég hef prófað að
vera í menntaskóla og háskóla þá veit
ég fyrir víst að tengslin og félagslífið
í Mosó er alltaf aðeins betra en með
vinum úr bænum.
Ég hef áður ekki fylgst mjög vel með
íþróttum en eftir covid hefur stemn-
ingin í Mosó fyrir ýmsum leikjum og
viðburðum verið svakaleg og maður
hefur reynt að mæta og fylgjast með
þeim öllum. Núna í vetur hefur það
verið eins og reunion nánast einu
sinni í viku þar sem flestir vinir
manns hafa mætt á alla handbolta-
leiki hjá Aftureldingu og haldið uppi
stemningunni. Núna í sumar færum
við þessa stemningu vonandi yfir í
fótboltann líka.
Margir af mínum vinum sem búa í
Reykjavík eða öðrum bæjarfélögum
hafa ekki tengt við mig þegar ég tala
um hversu miklum samskiptum ég
er í við flesta mína grunnskólavini
og sumir eru jafnvel vinir mínir úr
leikskóla. Það sem við öll eigum
sameiginlegt er það að hafa alist upp
í Mosó og okkur finnst langbest að
vera hér.
Ég held að nánast allir sem hafa alist
upp eða búið í Mosfellsbæ geti verið
sammála því að það er gott að búa
hérna og ef fasteignamarkaðurinn
mun einn daginn gera mér það kleift
að kaupa mér mitt eigið hús eða íbúð
hér í Mosfellsbæ þá ætla ég mér að
búa hér alla tíð.
Birta rut
j a k o s p o r t ( N a m o e h f ) - k r ó k h á l s 5 f - 1 1 0 á r b æ r
Sími: 566 7310 - jakosport@jakosport.is - jakosport.is
aftureldingar-
vörurnar
fást hjá okkur
heyrst hefur...
...að líkamsræktarstöðin Elding loki í
íþróttahúsinu um mánaðarmótin en
Hjalti Úrsus stefni að því að opna á
nýjum stað í Mosó í haust.
...að Palla Open góðgerðarmótið fari
fram á Hlíðavelli á laugardaginn og
endi með sérstöku Pallaballi á Blik
um kvöldið.
...að Gulli kokkur hafi orðið áttræður
um síðustu helgi.
...að búið sé að bæta við þriðju
tónleikum Gildrunnar í haust eftir að
það hafi selst upp á tvenna tónleika
á augabragði.
...að Kolbrún Oddgeirs hafi fengið
bónorð frá Helga í SalesCloud
í gegnum fréttatilkynningu frá
fyrirtækinu hans.
...að Stuðmaðurinn Valgeir Guðjóns-
son verði með huggulega stemningu
í Hlégarði í kvöld.
...að það sé kominn slátturóbot við
Hlégarð sem leiti að nafni.
...að Sandra Rós sé búin að opna litla
krúttlega stofu inn af Líkama og Sál í
Þverholtinu.
...að Einar Ingi fyrirliði Aftureldingar
í handboltanum hafi sett skóna á
hilluna eftir tímabilið.
...að Dóri DNA og félagar ætli að gera
aðra þáttaröð af Aftureldingu.
...að Hopp sé búið að sækja um að
koma með rafskútur í Mosfellsbæ.
...að sigurganga Aftureldingar í
Lengjudeildinni í fótbolta sé farin að
vekja mikla athygli en næsti heima-
leikur er á laugardaginn á glænýju
gervigrasi að Varmá.
...að haldið verði sumarbingó
fullorðna fólksins í Bankanum
fimmtudaginn 15. júní.
...að Borgarbókasafnið sé búið að
opna nýtt bókasafn á Kjalarnesi.
...að Hilmar Harðar hafi farið holu í
höggi á Vista Bella vellinum á Spáni.
...að Jógvan Hansen verði ræðumaður
í hátíðarmessu í Lágafellskirkju á
17. júní.
...að Rúnar lögga ætli að halda stór-
afmæli í reiðhöllinni á laugardaginn.
...að sr. Dísa Linn sé orðin aðal og
tekin við sem sóknarprestur í
Lágafellssókn eftir að Ragnheiður
lét af störfum.
...að sænska Eurovisionstjarnan
Loreen sé farin að vinna tónlist með
Mosfellingnum og tónlistarmannin-
um Ólafi Arnalds.
...að búið sé að ráða Maddý Hauth sem
nýjan umsjónarmann Listasalarins.
...að Ómar Þór hafi farið á skeljarnar
áður en hann kom í mark eftir 10
klukkustundir í Ironman í Hamborg.
...að Prettyboitjokko ætli að trylla lýð-
inn í Bankanum á föstudagskvöldið.
...að Kirstín Lára verði fertug um
helgina.
... að Sigurberg Árna hafi farið holu
í höggi á 9. braut í Bakkakoti.
mosfellingur@mosfellingur.is