Mosfellingur - 06.07.2023, Blaðsíða 34

Heilsumolar gaua
- Aðsendar greinar34
Guðjón
Svansson
gudjon@kettlebells.is
Fljúgum Hærra
Esjan er falleg. Flestir sem fara á
Esjuna fara upp að Steini og svo
aftur niður. Langfæstir fara alla leið
upp á topp. Upp á Þverfellshorn. Ég
sjálfur hafði ekki farið alla leið í svo
mörg ár að ég man ekki hvað þau eru
mörg fyrr en ég fór á toppinn með
konunni og þeim yngsta í síðasta
mánuði. Hann var í áheitaverkefni
tengt fótboltanum og langaði að
hafa göngu upp á Esjutopp hluta
af verkefninu. Maður lifandi hvað
þetta var gaman! Svo gaman að ég
fór aftur sömu leið viku seinna og
stefni á margar fleiri í sumar. Það
er ekkert að því að stoppa við Stein,
leiðin þangað tekur vel í og útsýnið
er fallegt. Síðustu metrarnir upp á
topp eru brattari og aðeins meira
krefjandi, en leiðin tekur samt bara
um korter á jöfnum þægilegum
hraða. Það er búið að leggja keðjur
og tröppur í klettunum nánast alla
leið og flestir þeirra sem komast upp
að Steini ættu að geta komist líka á
toppinn. Útsýnið þar er enn magn-
aðra. Síðasti spölurinn á toppinn er
skemmtileg áskorun og tilfinningin
að hafa farið alla leið frábær.
Afturelding er núna í toppbaráttu
í Lengjudeild karla. Þeir stefna
á Bestu deildina, alla leið á toppinn.
Liðið hefur ekki farið þangað áður,
en kvennalið Aftureldingar hefur
farið alla leið og ætlar þangað aftur.
Aðalþjálfari Aftureldingar hefur farið
upp í efstu deild sem leikmaður
og lykilmenn í leikmannahópnum
hafa farið upp í deildina með sínum
liðum. Reynslan og þekkingin er til
staðar og það er mikilvægt þegar
stefnt er á toppinn - að fara með
einhverjum sem hefur farið áður.
Alveg eins og okkar
yngsti fékk okkur
foreldrana með í
sína fyrstu ferð á
Þverfellshornið.
Aðalmálið er samt
að sjá toppinn,
vilja fara á hann og
trúa því að leiðin
sé greið.
Undanfarin ár hefur verið unnið að
breytingu á aðalskipulagi Mosfells-
bæjar sem gilda á til ársins 2040.
Skipulagsnefnd og bæjarstjórn
Mosfellsbæjar samþykktu að kynna
frumdrög og vinnslutillögu að nýju
aðalskipulagi í vor og er hægt að
nálgast þau gögn á skipulagsgátt
(www.skipulagsgatt.is/issues/214).
Þar er einnig hægt er að koma að umsögn-
um og athugasemdum til 12. ágúst.
Hér er ekki um að ræða endanlega tillögu
og munu gefast frekari tækifæri til kynn-
ingar og athugasemda á síðari stigum.
Aðalskipulag Mosfellsbæjar er eitt meg-
instjórntæki sveitarfélagsins og sýnir fram-
tíðarsýn og uppbyggingu í sveitarfélaginu.
Aðalskipulagið er því leiðarvísir um alla
uppbyggingu innan marka Mosfellsbæjar.
Bæjarstjórn Mosfellsbæjar ber ábyrgð á gerð
aðalskipulagsins en skipulagsnefnd vinnur
það í umboði bæjarstjórnar í samræmi við
skipulagslög og skipulagsreglugerð. Arkís
arkitektar unnu að gerð þessara tillagna
með starfsmönnum Mosfellsbæjar.
Núverandi aðalskipulag var samþykkt
2013 og gildir til 2030. Ástæðan fyrir því að
ákveðið var að fara í þessa endurskoðun að-
eins fimm árum eftir samþykkt núverandi
skipulags er m.a. hraðari fjölgun íbúa en
núverandi skipulag gerir ráð fyrir,
þá liggur líka fyrir endurskoðað og
breytt svæðisskipulag höfuðborg-
arsvæðisins og fleira mætti tína til
t.d. samgöngusáttmálinn.
Á síðustu tuttugu árum hefur
íbúafjöldi í Mosfellsbæ tvöfaldast
og búast má við áframhaldandi
fjölgun íbúa og gera má ráð fyrir að íbúar
Mosfellsbæjar verði um 20 þúsund árið
2040.
Í þessum drögum er ekki gert ráð fyrir
verulegum breytingum á þéttbýlismörk-
um Mosfellsbæjar fyrir utan það að bætt er
við íbúðasvæði í Teigslandi. Einnig er gert
ráð fyrir verslunar- og þjónustukjarna við
gatnamót Þingvallavegar og Vesturlands-
vegar. Talsvert er um óbyggð íbúðasvæði
innan núverandi þéttbýlismarka og er gert
ráð fyrir því að byggð vaxi innan þeirra.
Eins er haldið í þá stefnu að fjölga ekki
frístundasvæðum í sveitarfélaginu en leyfa
byggingu frístundahúsa á núverandi frí-
stundasvæðum.
Þá er gert ráð fyrir meiri þéttleika byggð-
ar við áhrifasvæði Borgarlínu í Blikastaða-
landi og á miðbæjarsvæðinu. Í skipulags-
gátt, sem finna má á vef Mosfellsbæjar, er
rammahluti aðalskipulags Blikastaða eitt af
þeim gögnum sem liggja frammi og ágætt
að skoða til þess að glöggva sig á þeirri upp-
byggingu sem gert er ráð fyrir að muni eiga
sér stað þar. Þar verður þéttleikinn meiri en
í öðrum hverfum Mosfellsbæjar.
Í drögunum er enn fremur lögð aukin
áhersla á vistvænar samgöngur t.d. með
Borgarlínu og uppbyggingu göngu- og
hjólastíga í Mosfellsbæ. Þannig eru skapað-
ar aðstæður til þess að byggja upp þjónustu
í göngufæri og styðja þannig við lýðheilsu
og stuðla að loftslagsvænni byggð.
Friðlýstum svæðum hefur fjölgað og
einnig eru hverfisverndarákvæði bætt og
hverfisvernd sett á toppa fella við bæjar-
stæðið til þess að vernda ásýnd og yfirbragð
þeirra. Þar verður þó heimilt að vinna að
stígagerð og aðgengi fyrir almenning. Þá er
gert ráð fyrir loftlagsskógi á Mosfellsheiði.
Ég hvet íbúa Mosfellsbæjar til þess að
skoða þessi gögn og koma með athuga-
semdir eða umsagnir ef einhverjar eru og
taka þannig þátt í að móta framtíðarskipu-
lag sveitarfélagsins okkar.
Valdimar Birgisson
Formaður skipulagsnefndar Mosfellsbæjar
Aðalskipulag Mosfellsbæjar 2022-2040
Á vordögum kom fram tillaga um
útfærslu á betri vinnutíma á leik-
skólum.
Í fræðslunefnd og bæjarráði var
verkefnið kynnt á þann veg að þetta
væri heimild leikskólastjóra til þess
að taka upp skráningardaga, þessir
dagar gerðu stjórnendum kleift að
veita fólki lögboðna vinnutíma-
styttingu. Í tillögunni kom fram að 15 dag-
ar væru hugsaðir í verkefnið, eftir kl. 14 á
föstudögum og í skólafríum. Skólarnir væru
opnir en þjónusta í boði fyrir þá sem þyrftu
á henni að halda.
Vinnsla málsins
Ég hef sagt það á öllum stigum að ég
hef skilning á því að þessi tillaga sé komin
fram, verkefnið er flókið og erfitt í þeim
aðstæðum sem ríkja á vinnustöðunum. Í
þeirri stöðu þarf gott samtal þar sem farið
er yfir verkefnið, kosti, galla og alla mögu-
leika. Það var ekki gert í þessu máli.
• Á öllum fundum var rætt um að þessi
tillaga væri heimild til leikskólastjóra, það
er að þeir gætu lagt inn skráningardaga.
En í frétt sem birtist á facebook-síðu Mos-
fellsbæjar og í pósti sem barst foreldrum
miðvikudaginn 21. júní kom hvergi fram
að heimild hefði verið veitt heldur að verið
væri að setja þetta verkefni á. Að þessu var
spurt á fundi bæjarstjórnar og þar fengust
ekki skýr svör. Það er munur á heimild og
skyldu og mér finnst afskaplega miður að
þetta hafi ekki verið skýrt í um-
fjöllun málsins.
• Fræðslunefnd fékk eina tillögu
frá Fræðslu- og frístundasviði. Til
að nefndin og kjörnir fulltrúar geti
tekið upplýsta og góða ákvörðun
hefði ég viljað sjá minnisblað með
3-4 tillögum, útfærðum og kostn-
aðargreindum.
• Á fundi fræðslunefndar kom jafnframt
fram að þessi tillaga er ekki fullmótuð og
úthugsuð. Ekki fengust svör við því hvað
yrði gert ef foreldrar myndu láta börnin sín
klára skóladaginn. Það fengust heldur ekki
svör við því hvert plan B væri.
Tillaga að stofnun starfshóps
Á bæjarstjórnarfundi sem haldinn var
þann 21. júní lagði undirrituð fram tillögu
þess efnis að skipaður yrði starfshópur sem
hefði það hlutverk að fara heildstætt yfir
stöðu leikskólamála í bænum.
Verkefni leikskólastigsins eru mörg og
krefjandi. Í lausninni felst að endurhugsa
þarf starfið og skipulagið, koma þarf fram
með tillögur að heildrænni lausn og var
lagt til að það verði gert með myndun
starfshóps.
Skemmst er frá því að segja að meirihlut-
inn felldi tillöguna með þeim orðum að
þetta starf væri þegar hafið. Miðvikudaginn
28. júní samþykkti bæjarstjórn Kópavogs
tillögu starfshóps sem hafði gert nákvæm-
lega það sama og ég lagði til að yrði gert.
Mér þykir afgreiðsla meirihlutans miður,
því þetta samtal er algerlega nauðsynlegt.
Að lokum
Við verðum að hafa það í huga að leik-
skólaforeldrar hafa margir hverjir verið í
þeirri stöðu undanfarið ár að sækja börnin
sín vegna manneklu. Þau hafa staðið af sér
fjögurra vikna verkfall sem er fylgt eftir af
fjögurra vikna sumarfríi og eiga svo að taka
við skerðingu á þjónustu eftir kl. 14 alla
föstudag og í jóla-, páska- og vetrarfríum
á komandi vetri.
Starfsfólk leikskólanna á það skilið frá
okkur að þeirra starfsumhverfi sé tekið
til alvarlegrar endurskoðunar. Við getum
ekki boðið þeim upp á annan vetur sem
einkennist af misvel mönnuðum starfs-
mannahópum og miklu álagi.
Þótt vinnutímastyttingin sé leyst með
þessum hætti eru aðrar áskoranir í leik-
skólastarfinu óræddar og allt helst þetta í
hendur. Þessir hópar eiga skilið frá okkur
sem störfum í umboði kjósenda að við
vöndum okkur meira en gert var í þessu
máli og að við sem samfélag finnum út úr
því hvernig við viljum sjá leikskólastarfið
blómstra.
Lengri útgáfu af greininni má finna á
Vinirmos.is
Dagný Kristinsdóttir
bæjarfulltrúi Vina Mosfellsbæjar
Betri vinnutími á leikskólum
...fylgstu med okkur
www.facebook.com/mosfellingur