Muninn - 01.09.2014, Síða 5

Ávarp ritstýru
Við lifum í samfélagi sem gefur okkur kost á að hafa áhrif, nýtum
okkur það. Hugsið ykkur, hið ókomna er í okkar höndum - það er
okkar hugarheimur sem mótar framtíðina og gerir hana að
eftirsóttari stað en nútíðina. Ég imynda mér heim án fordóma og
hræðslu við þá sem bregða sér út fyrir þægindarammann.
Það er löngu kominn tími til þess að unglýðurinn tryllist.
Gerum nú eitthvað af okkur og látum í okkur heyra, því
menntaskólaárin eru einmitt rétti tíminn til þess. Mótum okkur
gagnrýna skoðun á umhverfinu og stöndum með henni,
okkar vegna.
Lífið er of stutt til þess að eyða „bestu árum lífsins“ í að
rembast við að fylgja hópnum og púslast inn í fyrirfram ákveðinn
ramma. Ég veit ekki með ykkur en ég finn greinilega fyrir
honum, einmitt hér, í Menntaskólanum. Látum ekki stjórnast af
ævagömlum hefðum og siðum ef við getum betrumbætt okkur
og umbylt rammanum!
Þetta ávarp er tileinkað ykkur, sem þyrstir í að vera þið sjálf
og berjast á móti norminu. Til hvers að falla í fjöldann þegar
hægt er að skaga út?
í þessu tímariti Munins fögnum við fjölbreytileikanum.
Brák Jónsdóttir, ritstýra Munins