Muninn - 01.09.2014, Page 74

FRÍAR PIZZUR!
...nei djók, MORFÍs
Sá misskilningur hefur ríkt að undanförnu að MORFÍs sé
hápólitískt rifrildi á meðal athyglissjúkra nemenda fram-
haldsskóla. Sem er mjög skiljanlegt, en fyrir þá sem hafa séð
fleiri en eina MORFÍs-keppni er nokkuð ljóst að keppnin
snýst um svo margt fleira. Um er að ræða einn besta mögule-
ga vettvang til þess að efla eigið sjálfstraust en undirbúningur
fyrir keppni felst í því að styrkja eigin framkomu, textaskrif,
málfar og þar fram eftir götunum. MORFÍs stendur fyrir
Mælsku og rökræðukeppni framhaldsskóla á Islandi, en það
sem fæstir vita er að keppnin felur í sér gleði, sköpun, vináttu,
félagslíf, þrjósku, þrautseigju og svo margt fleira skemmtilegt!
Já MORFÍs er reyndar alveg frábær. Þvert á hugmyndir
margra sem hafa einungis heyrt um MORFÍs sem keppni
sem elur á kvenfyrirlitningu og klámkjafti. Það er alls ekki
„normið“ í þessari keppni enda vill svo til að hún er oft gerð
að blóraböggli samfélagsins og því kemst hún nær eingöngu í
fréttirnar í þau örfáu skipti sem keppnir fara illa. Síðastliðinn
vetur stóð ræðulið MA sig mjög vel og tapaði með naumin-
dum í undanúrslitum gegn sigurliði ársins. Ekki þykir mjög
fréttnæmt að segja frá öllum þeim málefnalegum keppnum
sem MA eða flestir aðrir skólar tóku þátt í. Það sem rataði í
alla fjölmiðla landsins var sú ófagmannlega framkoma sem
ræðulið MÍ sýndi stelpum í ræðuliðinu okkar.
Þetta lætur MORFÍs-samfélagið ekki á sig fá og hefur þess
í stað orðið valdur að stórtækum breytingum í lögum
keppninnar sem eiga að sjá til þess að brot á siðareglum
keppninnar varði bann, hvort sem um keppendur eða þjál-
fara er að ræða. Auðvitað er MORFÍs ekki hafið yfir almenna
umræðu eða gagnrýni, þvert á móti er það gagnrýnin sem
hefur opnað augu keppenda fyrir því að breyta sér og bæta og
að móðganir og ósiðlegir brandarar séu ekki eitthvað sem á
heima í MORFÍs.
Stelpur sækja sífellt meira í keppnina og telst í rauninni
óþarfi að styðjast við kynjakvóta, líkt og Gettu betur neyðist
til að gera. Síðastliðin tvö ár hafa stelpur orðið ræðumenn
íslands á úrslitum keppninnar og má þess jafnframt geta að í
ár eru aðeins stelpur í ræðuliði MA.
MORFÍs keppni snýst um það að nálgast eitthvað ákveðið
umræðuefni með fagmennsku og góðum rökstuðningi. Á
einni viku sökkva keppendur sér svo djúpt í umræðuefnið
að ekkert annað kemst að. Hugur keppenda flyst á bækur,
blöð, Google Drive og Docs. Hendurnar iða eins og maurar
um lyklaborðið, blöðum er þeytt, töflur í H-inu útkrotaðar og
prentkvótinn rennur til þurrðar. I þessari viku kemst ekkert
annað fyrir í hug keppenda en umræðuefnið, hvort sem þeir
eru staddir í tíma hjá Sigurði Ólafssyni, í ræktinni eða á sólar-
strönd í fjarlægum löndum. Á síðasta degi er svo gengið upp
í pontu með þriggja síðna afrek vikunnar og er þá aðeins eitt
effir. Að sigra hug og hjörtu dómara, jafnt sem áhorfenda og
andstæðinga, með því að hefja upp raust sína.
Við getum þó aðeins náð svo langt á eigin fótum. Við
biðjum alla MA-inga að fylgja okkur í vetur, mæta með öflugt
stuðningslið á hverja keppni, hafa fagnaðarlætin sem mest
og gera allt vitlaust! Mætum með trumbur jafnt sem lúðra!
Berjum á brjóst okkar og látum í okkur heyra! Syngjum,
öskrum, klöppum, fögnum! Látum Hesta Jóa heyrast út fyrir
landssteinana og verum háværari en andstæðingarnir!
í ár sigrar MA MORFÍs og það mun aðeins gerast ef við stön-
dum öll saman sem einn skóli.
Hasta la victoria!
MA!