Pósturinn - 12.11.1965, Blaðsíða 3

12. NÓV. 1965 PÓSTURINN
3
Hér eru myndir frá kvikmyndatökunni í Keflavík
Til Tinstri sést hvar Reynir Odtlsson miöar kvikmyndavélinni, en tii hægri eru stúlkurnar tvær, sem komu á dansieikinn í flugvél. Þær bera auðvitað þar til gerða flughjálma.
„UMBAR
Kvikmynd með Hljómum tekin
sýnd í sjónvarpi víða um heim
Viö ökum suöur renni-
slétta Reykjanesbrautina
og greiðum umferöargjald-
ið með mestu ánægju. —
Ákvörðunarstaður er Ung-
mennafélagshúsið í Kefla-
vík og ætlunin er að afla
upplýsinga um nýja kvik-
mynd, sem um þessar
mundir er verið að Ijúka við
að taka hér á íslandi.
Við höfum komizt á snoðir
um, að þarna í Ungmennafé-
lag&húsinu fer fram upptaka
á nokkrum „senurn" kvik-
myndarinnar.
Það er þegar komið slangur
á Islandi
af fólki í húsið, því að þessi
dansleikur er öllum opinn,
enda þótt taka eigi kvikmynd
á staðnum seinna í kvöld.
Sumir sitja og rabba við borð-
in, en aðrir stíga dans eftir
músík frá Hljómum, því að
þeir leika þarna, og þeir koma
líka mikið við sögu í kvikmynd-
inni.
ÁSTAR-
JÁTNING
Eftir ýmsum krókaleiðum
öflum við okkur upplýsinga um
myndina. f fyrsta lagi heitir
kvikmynd þessi UMBARUM-
BAMBA, og segja þeir, sem
þykjast vita, að nafnið sé
suður-afríkanskt og þýði það,
sem ungu stúlkurnar hvísla að
kœrastanum — nefnilega ást-
arjátning. Við seljum þá vitn-
eskju ekki dýrar en við keypt-
um.
Sýningartími myndar þess-
arar mun vera 27 mínútur, og
er hún aðallega miðuð við
sýningar í sjónvarpi. Myndin
er gerð á vegum alþjóðlegs
sjónvarpshrings og að nokkru
leyti einnig á vegum Paramont
International Television. Hún
verður þegar til kemur, sýnd
víða um lönd, og þá skotið inn
í hana auglýsingum þeim lönd-
um. sem hafa auglýsingasjón-
varp.
synd
HER
Hér á landi verður myndin
sýnd seinni hluta vetrar eða
í vor og þá sem aukamynd með
einhverri stórmynd. Ekki mun
ákveðið hvaða kvikmyndahús
tekur myndina til sýninga.
Handrit myndarinnar er
samið af Reyni Oddssyni, sem
jafnframt hefur séð um
myndatökuna, en með honum
hefur starfað Jón Lýðsson.
,,Ómissandi maður og mikið
séní,“ sagði Reynir, þegar Jón
bar á góma.
Myndin gerist á sveitaballi
þar sem Hljómar leika auð-
vitað. Hún sýnir hvar fólkið
streymir á dansleikinn á hin-
um ýmsu farartækjum, bílum,
dráttarvélum, hestum og flug-
vélum. Upphaflega var ætlunin
að láta gamla konu koma svíf-
andi til skemmtunarinnar í
fallhlíf, en vegna ýmissa
tæknilegra örðugleika mun
hafa verið horfið frá þessu
atriði.
FRUMSAMIN
MÚSIK
Síðan eru sýnd ýmis atriði
frá dansleiknum, bæði brosleg
og kannski líka grátleg, en
Hljómar leika á meðan í sí-
fellu, eins og vera ber á sveita-
balli. Lögin í myndinni, sem
eru 6 talsins, eru öll frumsam-
in fyrir myndina. Það er Gunn-
ar Þórðarson, gítarleikari
Hljóma, sem samið hefur lög-
in, en Pétur Östlund hefur gert
við bau texta á ensku. þar
sem myndin er fyrst og fremst
miðuð við erlendan markað
Ekki er um neina aðalleik-
endur að ræða í kvikmynd
þessari. heldur eru sýnd atvik
frá sveitadansleiknum á víð og
dreif. og hljómsveitin befur e.
t. v stærsta hlutverkið
Við náðum loksins í Reyni
Oddsson
HUG-
MYNDIN
„Hugmyndin fæddist í hitt-
eðfyrra, þegar ég var hér að
taka íslandsmynd með frönsk-
um kvikmyndamanni. Við vor-
um staddir fyrir austan fjáll
og skruppum inn á dansleik í
Aratungu, þar sem Svavar
Gests lék fyrir líklega eitt þús-
und manns, gæti ég trúað. Við
litum yfir salinn og okkur kom
strax saman um, að hér væri
efni í stutta mynd. Það varð
svo ekki af því, að hún væri
tekin fyrr en í sumar. — Ég
vil sem minnst um myndina
tala, en það hefur verið mjög
gaman að gera hana og sam-
vinna við Hljóma og alla aðra
aðila hefur verið afskaplega
góð. Ég held að þeir hafi mikla
möguleika samanborið við er-
lendar hljómsveitir, sem ég
hef heyrt.“
LJOSIN
KVEIKT
Og svo eru ljósin kveikt í
salnum — þ. e. a. s. ljóskast-
arar, sem beint er að dansgólf-
inu. Myndatakan hefs't.
Reynir tekur sér stöðu með
myndavélina, sem hvílir að
nokkru leyti á öxlum hans og
virðist hið merkilegasta tæki.
Hljómar fara í gang og leika
af hjartans lyst. Dansfólkið
tekur kipp. Kvikmyndavélin
byrjar að tifa. Á filmuna fest-
ist hluti af kvikmyndinni
„Umbarumbamba". sem við
fáum að sjá innan tíðar. —
Það er hlutinn um stúlkurnar
tvær, sem koma í flugvél á
svpitaballið. klæddar heljar-
miklum flughjálmum, og auð-
vitað mega þær ekkert vera að
því að taka af sér hjálmana
áður en þær geysast fram á
gólfið og stíga dans af slíkri
innlifun. að unun er á að
horfa.
Þetta blað er einkum ætlað ungu fólki. Efnisvalið bendir
líka til þess. Við höfum hugsað okkur að fjalla annars vegar
um hugðarefni ungs fólks, svonefnd átrúnaðargoð þess og
uppáhaldsstjörnur á hvaða sviði sem er, og hins vegar um
unga fólkið sjálft. Hugmyndin er, að fylla þessar síður hvers
konar saklausu skemmtiefni og fréttum af áðurnefndum
vettvangi, og það svo fjölbreytilega, sem kostur er.
Það er hugmyndin.
Svo kemur til kasta unga fólksins sjálfs. Við heitum á
það að reynast ötult við útbreiðslu blaðsins, yngsta fólkið
með því að taka beinan þátt í dreifingu þess, og hið eldra
með því að skrifa okkur, gera tillögur um efnisval — og
kaupa blaöið. Heppilegast er, að unga fólkið taki sem virk-
astan þátt í gerS bhés unga fólksins.
Það er markmiðið.
PÓSTURINN
Kemur fyrst. urr ?inn út hálfsmánaðarlega — Ritstjóri (áb.) ólafur Gaukur, sími
10752. Teiknari Þorsteinn Eggertsson. Afgreiðsla Bragagötu 38-A. Prentsm. Edda.