Flug : tímarit um flugmál - 01.07.1955, Síða 25

skýlisleigu fyrir flugvél sína í 48 klst. í framandi
landi.
Til eflingar einkaflugi og íþróttaflugi veitti F.A.I.
árlega verðlaun eða heiðursskjal fyrir unnin afrek.
Gullmerki F. A. I. er æðsta heiðursmerki, sem
sambandið veitir, og er það veitt árlega mönnum,
sem lagt hafa flugmálunum mikið lið til þroska á
einn eða annan hátt. Meðal þeirra, sem hlotið hafa
gullmerkið, eru: Lindbergh, Balbo, dr. Eckener,
Wiley Post, Sikorsky, Frank Whittle og Doolittle
svo nokkur fræg nöfn séu nefnd.
ÞA er að geta þess, að hörð barátta hefur verið
háð um ýmsa verðlaunagripi, sem F. A. I. átti óbein-
línis hlutdeild í með reglum um kappflug. Má þar
m. a. nefna Schneider-styttuna, sem veitt var fyrir
unnin afrek með sjóflugvélum.
Til þess að flug-met geti öðlast staðfestingu verða
þau að gerast innan vébanda F. A. I., þ. e. a. s. á
vegum viðkomandi flugmálafélags, sem er fulltrúi
sambandsins. Að öðrum kosti fást metin ekki stað-
fest.
Það er eitt af aðalverkefnum F. A. I. í dag að
rannsaka, hvernig endurvekja megi á ný þann áhuga,
dugnað og frjálsræði, sem einkenndi einkaflugið fyr-
ir seinni heimsstyrjöldina. En ljóst er, að styrjöld-
in hjó nærri þessum eigindum og skildi eftir sig
sár, sem enn eru ekki gróin. En meginverkefni F.
A. I., og það sem höfuðáherzlan er lögð á, er að
örfa æskuna til beinnar þátttöku í fluginu og gera
það að ævistarfi. Meðfram þessu vonast F. A. I.
einnig til að geta komið á aukinni fræðslu um
flugmál meðal almennings og styrkja á þann hátt
trú manna á flugsamgöngum.
F. A. I. hélt mikla ráðstefnu og fagnað í París
í júnímánuði til að minnast hálfrar aldar af-
mælis síns. Flugmálafélag íslands er eitt af 50 sam-
bandsfélögum F. A. f., og sýndi flugmálastjóri,
hr. Agnar Kofoed Hansen, félaginu þá velvild að
mæta fyrir þess höncl á þessari ráðstefnu F. A. I.
„Jteja, mikið var að cg fckk hann til að stökkva."
________I- ________
KAUPIÐ Jlug
ÚTBREIÐIÐ Jlug