Ferðir - 01.06.1958, Blaðsíða 21

Ferðir]
19. blaffsíða
FERÐAÁÆTLUN
1. ferð, 8. júní: Skagafjarðarför.
Ekið að Silfrastöðum, um nýju brúna hjá Skeljungshöfða,
að Merkigili. Gengið að Ábæ. Farið yfir Jökulsá í kláf, að
Skatastöðum. Verður þá bifreiðin komin þangað. Heim
um Tungusveit og Varmahlíð. Eins dags ferð.
2. ferð, 14,—17. júní: Herðubreiðarlinclaför.
Ekið um Mývatnsöræfi í Herðubreiðarlindir. Gengið á
Herðubreið. Kannað umhverfið, Upptyppingar, Kollótta
dyngja o. fi. Fjögra daga ferð.
3. ferð, 2i.—22. júní: Skagaför.
Ekið um Skagafjörð, Gönguskörð, Laxárdal, út Skaga að
austan en inn að vestan að Skagaströnd. Heirn um Koluga-
fja.ll. Einnig kemur til greina að aka að Giljá og heim um
Reykjabraut. í leiðinni verður stanzað í Glaumbæ og
byggðasafnið skoðað, ennfremur Ketubjörg o. fl. Tveggja
daga férð.
4. ferð, 5.-6. júlí: Þeistareykjaför.
Ekið um Húsavík, Reykjaheiði og að Þeistareykjum.
Gengið að Vítunum. Ekið suður til Mývatnssveitar og
heim, með viðkomu hjá Laxárvirkjun, ef tími vinnst til.
Tveggja daga ferð.
5. ferð, 11.—13. júlí: Hólmatunguför.
Ekið nm Húsavík og hina nýju leið umhverfis Tjörnes í
Ásbyrgi. Þaðan að Hljóðaklettum, í Hólmatungur og
heim um Mývatnssveit. — Tveggja daga ferð. Þó er ráð-
gert að ferðin hefjist eftir vinnutíma á föstudagskvöld.
6. ferð, 19,—26. júlí: Austurlandsöræfi, hreinclýraslóðir.
Ekið að Brú á Jökuldal, um Hrafnkelsdal, suður á öræfin.
Gengið á Snæfell, ef veður leyfir. í bakaleið verður ekið
frá Brú suður Laugavalladal að Kringilsá og Vatnajökli.
Heim um Arnardal og Möðrndal. Sjö—átta daga ferð.
7. ferð, 30. júlí til 4. ágúst: Öskjuför.
Ekið í Herðubreiðarlindir og suður til Dyngjufjalla.