Ferðir - 01.04.1979, Qupperneq 3

FERÐIR
BLAÐ FERÐAFÉLAGS AKUREYRAR
1979 38. ÁRGANGUR
HELGI HALLGRÍMSSON:
Jarðsaga Glerárdals
Fyrri hluti. (Uppbygging).
Inngangur
Glerárdalur er uppland Akureyrar, upprekstrarland fyrir
sauðbændur bæjarins og skíðaland nafntogað. En Glerárdal-
ur er líka eins konar inngangur í þann merkilega heim fjalla
og firninda, sem liggur hér fast að bæjardyrum vorum. Á
Glerárdal má lesa jarðsögu þessa mikla fjallabálks, sem
spannar yfir jarðsögutímabilin Pliozen, Jökultíma og Nú-
tíma, eða allt að einum tug milljóna ára aftur í tímann. Þar
má lesa um uppbyggingu (stratigrafíu) hásléttunnar sem
fjöllin eru leifar af, um niðurrif hennar stig af stigi og um
mótun núverandi landslags. Jarðsaga Glerárdals er því í
stórum dráttum einnig saga fjallabálksins milli Eyjafjarðar og
Skagafjarðar.
Ymsir hafa kannað jarðsögu og jarðfræði Glerárdals og
nágrennis og ritað um þau efni. Má þar sérstaklega geta um
Þorkel Þorkelsson fv. veðurstofustjóra, sem kannað hefur Is-
aldarmenjar og forn sjávarmál kringum Akureyri, Trausta
Einarsson prófessor sem hefur kannað Isaldarmenjar á Gler-
árdal og víðar á Miðnorðurlandi, svo og uppbyggingu berg-
lagastaflans, Margréti Hallsdóttur jarðfræðing, sem athugaði
minjar frá lokum Jökultímans í Glerárdal og nágrenni Akur-
eyrar á árunum 1971-1973 og brezka jarðfræðinginn og
kennarann Paul Sowan, sem kannaði berglagabyggingu
Glerárdals á árunum 1972-1975