Vesturbæjarblaðið - júl. 2023, Blaðsíða 2

2 Vesturbæjarblaðið
Útgefandi: Borgarblöð ehf.
Eiðistorgi 13-15 • 172 Seltjarnarnes • Pósthólf 171
Rit stjóri: Þórður Ingimarsson • Sími: 893 5904
Netfang: thordingimars@gmail.com
Auglýsingasími: 511 1188 • 552 1953 • 895 8298
Heimasíða: borgarblod.is
Net fang: borgarblod@simnet.is
Framkvæmda- og aug lýs inga stjóri: Krist ján Jó hanns son
Um brot: Borgarblöð ehf.
Prentun: Landsprent ehf.
Dreif ing: Póstdreifing ehf.
6. tbl. 26. árgangur
Vesturbæjarblaðinu er dreift í hvert hús í póstnúmerum 107, 102 og 101.
Eftir fimm ár gætu íbúar Reykjavíkur verið orðnir um 160 þúsund.
Þetta sýnir að sú öra íbúafjölgun sem orði hefur á þessari öld er
ekki lokið.
Mannfjölguninni hafa fylgt ýmis verkefni. Einkum er snúa að
byggðum og húsnæði fyrir nýja íbúa. Einnig uppbyggingu
innviða á borð við leikskóla, dagheimili og grunnskóla.
Hvar sem ör íbúafjölgun verður fylgir henni kostnaður. Skipu­
lagning byggingasvæða, bygging húsa til búsetu og til annarra
nota kosta fjármuni. Þjónusta við nýja borgara útheimtir einnig fjár­
muni þótt þeir skili sér nokkuð til baka í opinberum gjöldum.
Þetta hefur verið saga Reykjavíkur í hundrað ár. Fjölgun hefur komið
í nokkrum köflum. Minnast má stríðsáranna og eftirstríðsáranna á
fimmta áratug liðinnar aldar. Þá var notast við herbragga til búsetu og
illa búnar kofabyggingar risu upp sem kostaði síðan átak að útrýma.
Segja má að næsti stóri kippur hafi komið í byrjun þessarar aldar.
Náttúruleg fjölgun verður. Fólk flytur í auknum mæli af öðrum
landsvæðum og einnig frá öðrum löndum. Flest af þessu fólki leitar
eftir atvinnu og lífsskilyrðum.
Reykjavík býr ekki yfir óendanlegu landi. Því eru áleitnar spurn­
ingar um hversu hagstætt er að dreifa byggðinni. Fjöldi íbúa á
ferkíló metra er aðeins brot af því sem er í borgum sem við berum
okkur jafnan við.
Áundanförnum árum hefur verið gert átak til að þétta byggð í
Reykja vík. Mörgum hefur fallið það í geð en aðrir eru mótfalln­
ir slíkri þróun. Vilja enn teygja borgina út um allt – byggja hana
eins og eyjur.
Íviðtali hér í blaðinu ræðir Pétur Marteinsson framkvæmdastjóri
Borgarbrags um borgarbyggingu og kosti og galla þéttingar og
dreifing ar byggðar. Niðurstaða hans er ótvíræð. Byggja verður
þéttari borg.
Þéttari borg
JÚNÍ 2023
ALHLIÐA MÚR- OG STEYPUVIÐGERÐIR
www.husavidgerdir.is/hafa-samband
info@husavidgerdir.is - Sími 565-7070
Finndu okkur á
Fegrun og lenging líftíma
steyptra mannvirkja er
okkar áhugamál. Við
höfum náð góðum árangri
í margs konar múr- og
steypuviðgerðum,
múrfiltun, steiningu og
múrklæðningum. Hafðu samband
Við skoðum og gerum tilboð!
Talsverðrar deilur hafa risið um fyrirhugaða
byggingu nýs íbúðahverfis í Skerjafirði. Andstæðing­
ar hinnar fyrirhuguðu bygginga koma einkum úr
röðum heimafólks, núverandi íbúa í Skerjafirði. Tvo
mál sem virðast nokkuð óskyld blandast í þessari
umræðu. Annar vegar umræðan um Reykjavíkurf­
lugvöll og hvort eða að hvaða leyti hin nýja byggð
muni takmarka eða skerða notagildi flugvallarins
einkum vegna áhrifa á vindafar. Hins vegar
áhyggjur heimafólks af þeim breytingum sem
stærra hverfi mun hafa í för með sér. Þar er meðal
annars bent á rask á byggingartíma og meiri
umferð um byggðina og einkum til og frá henni.
Að mati umferðarverkfræðings muni umferð um
hverfið aukast stórlega. Þá hafa þau sjónarmið
einnig fram að ný byggð skerði græn svæði og valdi
spjöllum á náttúru.
Að mati Dags B. Eggertssonar borgarstjóra var farið
vel yfir þessa þætti við undirbúning fyrirhugaðra
framkvæmda. Um frábært byggingarland sé að ræða
og mjög góð staðsetning fyrir nýjar íbúðir. Dagur hefur
bent á að umferðargreiningar sýni að þegar hverfið verði
fullbyggt verði umferð svipuð og umferð um Birkimel
sem sé gata í íbúðabyggð og umferð um hana ekki þung.
Dagur lét hafa eftir sér í blaðaviðtali nýlega að ekki sé
óalgengt og nánast regla að þegar nýtt skipulag sé kynnt
komi fram áhyggjur hjá þeim sem næst búa og vilja
gjarnan hafa hlutina óbreytta.
Áhrif á eina lendingu af 45 þúsund
Bent hefur verið á að aðstæður til flugs á
Reykjavíkurflugvelli muni versna með tilkomu hinnar
nýju byggðar. Í nýlegri skýrslu innviðaráðherra
kemur meðal annars fram að fella þurfi niður flug í
hverjum mánuði vegna breyttra aðstæðna. Talið
er að Skerjafjarðarbyggðin geti haft áhrif á eina
lendingu af 45.000 í mánuði á þann hátt að það þurfi
að láta flugmenn vita af því að vindátt geti valdið
hviðum sem eru miklu minni áhrif en margir höfðu
óttast. Með hliðsjón af því hversu margar flugferðir
eru felldar niður reglulega séu áhrifin af hinni nýju
byggð óveruleg. Rannsóknir sýna aftur á móti að
flugskýli sem byggð hafa verið á flugvallarsvæðin valda
mestum neikvæðum áhrifum.
Jafngildir ekki eignaupptöku
Prýðifélagið Skjöldur hefur mótmælt nýrri byggð og
sagt að hún jafngildi eignaupptöku þeirra sem búa nú
þegar í Skerjafirði. Dagur B. Eggertsson borgarstjóri
hefur sagt þetta sjónarmið algjörlega fráleitt því betra
verði að búa í Skerjafirði en áður þegar þar verði komin
skólaþjónusta og verslun og eftirvænting sé til staðar
um uppbyggingu hverfisins. Borgarstjóri kvaðst í viðtali
hafa orðið var að mikið af fólki, bæði í Reykjavík og
nágrannasveitarfélögum sé að bíða eftir þessum
spennandi búsetukosti. Þarna verði um eftirsótta bygg
að ræða og að gamli Skerjafjörðurinn muni njóta góðs
af því. Gert er ráð fyrir að á fimmta þúsund manns muni
búa í Skerjafirði þegar allri uppbyggingu verður lokið.
Deilur um Skerjafjörð
Gömul mynd af Skerjafirði. Á henni sést skábraut Reykjavíkurflugvallar sem nú hefur verið aflögð. Með
brotthvarfi hennar opnuðust möguleikar fyrir byggð sem nú er risin við Hlíðarenda og fyrirhugað er að reisa
í Skerjafirði.
- gert er ráð fyrir að á fimmta þúsund manns muni búa
í Skerjafirði þegar allri uppbyggingu verður lokið