Fréttir - Eyjafréttir - 19.01.2023, Side 22

22 | | 19. janúar 2023
Það er jafn íslenskt og norðan næðingurinn í janúar að hand-
boltaæði grípi íslensku þjóðina. Eyjamennirnir Elliði Snær Við-
arsson og Hákon Daði Styrmisson hafa staðið í ströngu síðustu
daga og nóg framundan hjá þeim félögum. Við fengum nokkra
handboltaspekinga til að fara yfir mótið sem af er og spá í fram-
haldið með okkur.
HM í handbolta Sérfræðingarnir okkar:
Bjartsýnir á framhaldið
Hvernig finnst þér liðið búið að
standa sig fram að þessu?
Mér finnst liðið hafa verið gott
heilt yfir. Það eru þarna mikil-
vægar 15 mínútur á móti Ungverj-
um sem fóru eins og þær fóru en
annað hefur verið mjög gott.
Eitthvað sem hefur komið þér á
óvart gott eða slæmt?
Elliði, Ýmir og Elvar Örn hafa
komið mér skemmtilega á óvart í
hjarta varnarinnar. Allir eru þeir
viljugir, vinnusamir og duglegir
og alltaf eru þeir að ná betur og
betur saman. Við þurfum ekki að
kvíða framtíðinni því þeir eiga
eftir að vera þarna saman næstu
10-15 árin og eiga bara eftir að
verða betri.
Hversu langt getur liðið náð á
þessu móti og hvað þarf að gerast
til þess? Liðið getur náð í verð-
laun ef vörn og markvarsla smella
saman. Ef náum upp varnarleik
eins og hann var á móti Frökkum
fyrir um ári síðan á EM, getum
við vel unnið Svía í milliriðlinum
og Dani í átta liða úrslitum.
Er eitthvað annað lið sem hefur
heillað þig á þessu móti?
Hollendingarnir hans Erlings
halda áfram að heilla mig. Það að
horfa á Luc Steins leikstjórnanda
þeirra spila handbolta er alltaf góð
skemmtun.
Í hvaða sæti spáir þú að íslenska
liðið lendi?
3 sæti, skemmtunin er rétt að
byrja!
Hvernig finnst þér liðið búið að
standa sig fram að þessu?
Ég var mjög sátt með fyrsta
leikinn á móti Portúgal. Þar var
vörn og markvarsla góð sem
voru kannski þeir þættir sem
var einhver óvissa með fyrir
mót. Sóknarlega spiluðu þeir oft
frábærlega og skoruðu fullt af
skemmtilegum mörkum og eins
eftir hraðaupphlaup og seinni
bylgju. Sömu sögu má segja um
Ungverjaleikinn í 45 mínútur, en
auðvitað voru úrslitin algjör von-
brigði og svekkelsi. En þeir geta
tekið fullt með sér úr þeim leik
og lært og leitað lausna á því sem
betur mátti fara. Mótið er nefni-
lega alls ekkert búið og það er
þessi klisja næsti leikur, nýr dagur
og nýir möguleikar sem gildir.
Ég væri hins vegar til í að sjá fleiri
leikmenn spila þar sem ég held að
það hafi sjaldan verið svona mikil
breidd í liðinu með marga leik-
menn í heimsklassa sem hafa allir
ákveðin element sem hægt væri
að setja inn í leikinn. Eins væri þá
hægt að hvíla lykilmenn meira því
þetta er langt og strangt mót. Ég
væri líka til í að sjá þá leysa 6-5
kaflana sóknarlega aðeins betur.
Eins hafa kannski verið fullmikið
af tæknifeilum en það er auðvelt
að laga það og kannski spilar
spennustig þar inn í.
Annars hrífst ég mjög af liðinu og
stuðningnum sem það fær. Maður
fær alveg gæsahúð.
Eitthvað sem hefur komið þér á
óvart gott eða slæmt?
Okkar eini sanni Elliði. Hann og
línumennirnir fengu smá gagnrýni
fyrir mótið frá einhverjum sér-
fræðingum. Mér finnst hann búinn
að vera frábær. Þvílík orka sem
hann gefur af sér inn í liðið og til
áhorfenda. Hann greinilega þrífst
á leikjum eins og þessum og það
er unun að fylgjast með baráttunni
í honum. Eins held ég að Bjöggi
markmaður sé að eiga eitt af sín-
um bestu tímabilum núna og það
er að skila sér til landsliðsins líka.
Eitt af því sem kemur mér svo
sem ekkert á óvart en mig langar
að nefna er að ég veit að ann-
ar meistari frá Eyjum, Kjartan
nokkur Vídó Ólafsson er með allt
í teskeið, heldur vel utan um liðið
og sinnir mörgu bak við tjöldin
sem þarf að sinna í kringum svona
mót. Ekki skemmir svo fyrir að
hann mætir alltaf í sínu fínasta
pússi á leikdögum. Ég held meira
að segja að oft leynist smá auka
orka í jakkafatavösunum hans ef
einhver þarf á að halda (súkkulaði
t.d.)
Hversu langt getur liðið náð á
þessu móti og hvað þarf að gerast
til þess?
Ég hef mikla trú á þeim eins og
flestir Íslendingar og þeir sjálfir.
Liðið er í mikilli sókn og ég
hlakka til að fylgjast með þeim
núna og í framtíðinni. Ég tel
að þeim séu allir vegir færir og
hef fulla trú á að þeir geri eins
og Íslendingar gera best og fari
fjallabaksleiðina langt í mótinu.
Þeir fá tiltölulegan þægilegan
milliriðil og ég ætla meira
að segja að spá að þeir vinni
Evrópumeistara Svía á þeirra
eigin heimavelli í Gautaborg í
milliriðlinum.
Er eitthvað annað lið sem hefur
heillað þig á þessu móti?
Þar sem ég bjó bæði í Svíþjóð
og Noregi þá fylgist ég alltaf
extra vel með þeirra liðum. Og
fyrir utan Ísland þá held ég með
Svíum. Annars er alltaf gaman að
fylgjast með þjóðum utan Evrópu
á HM og Egyptarnir eru t.d bara
með flott lið. Grænhöfðaeyjar
verða svo líklega með Íslandi í
millriðli og ég er spennt að sjá
hvað þeir hafa upp á að bjóða.
Í hvaða sæti spáir þú að íslenska
liðið lendi?
Þó ég sé bjartsýn og spái þeim
góðu gengi þá ætla ég samt sem
áður að segja að 8-liða úrslitin
verði erfið og þeir tapi þar, vinni
svo rest og enda í 5.sæti sem er
bara góður árangur þegar upp er
staðið.
Sunna Jónsdóttir landsliðskona og fyrirliði ÍBV:
Okkar eini sanni Elliði búinn að vera frábær
Arnar Pétursson landsliðsþjálfari kvenna:
Við þurfum ekki að kvíða framtíðinni