Fréttir - Eyjafréttir - 09.11.2023, Blaðsíða 8

8 | | 9. nóvember 2023
Ekki færri en tólf viðburðir voru í boði á Safnahelgi sem stóð frá fimmtudegi fram á sunnudag. Hver
öðrum glæsilegri, sannkölluð menningarveisla og þeim til sóma sem að henni stóðu. Safnahelgi
vex ásmeginn með hverju árinu eins og sést á þessari umfjöllun Eyjafrétta.
Safnahelgin sannkölluð
menningarveisla
Í Eldheimum á fimmtudags-
kvöldið voru mættar tvær
stórkanónur í bókmenntaheimin-
um. Þar las Auður Jónsdóttir úr
nýútkominni bók sinni, Högni.
Yrsa Sigurðardóttir hafði kynnt
sér lífið um borð í uppsjávarskipi
frá Vestmannaeyjum og úr varð ný
glæpasaga, Frýs í æðum blóð.
Til að kynnast lífinu um borð
í fiskiskipi fór hún með manni
sínum einn loðnutúr á Gullbergi
VE með Jóni Atla Gunnarssyni
skipstjóra og áhöfn. Hún sagði
túrinn hafa verið ánægjulegan í
alla staði. Ljúfir drengir í áhöfn
höfðu líka sín áhrif. Upplýsti Yrsa
að Frýs í æðum blóð væri ekki
eins blóðug og fyrri bækurnar
tvær í þríleiknum um Karólínu og
félaga.
Stella Hauksdóttir átti sér mörg
andlit og skildi m.a. eftir sig
merkilegt safn laga og texta. Lög
sem tilheyra þeim mikla bálki
sem Eyjalögin eru. Tveir diskar
með lögum Stellu eru Stella og
Trúður í felum þar sem rjóminn
af íslensku tónlistarfólki kom
við sögu. Þar voru Tómas heitinn
Tómasson bassaleikari og Andrea
Gylfadóttir söngkona fremst með
jafningja. Stella, sem lést árið
2015, var baráttukona, söngva-
skáld og mikil Eyjakona.
Stellu var mikill sómi sýndur á
tónleikum Bíóbandsins í Eldheim-
um á föstudagskvöldið. Bíóbandið
skipa Magnús R. Einarsson,
Andrea Gylfadóttir, Ásgeir Tóm-
asson, Eðvarð Lárusson og Diddi
í Logum. Fyrri hluti tónleikanna
var helgaður Stellu. Þar var fram
borin fram hver perlan af annarri
af frábæru tónlistarfólki þar sem
Andrea fór á kostum. Fullsetinn
salurinn var vel með á nótunum
og ljóst að Stella er hluti af Eyja-
hjartanu.
Í seinni hlutanum var leitað til
ársins 1963 þegar Surtseyjargosið
hófst. Þar var brugðið á leik með
lögum ársins þar sem Bítlarnir,
Rollingarnir og Dylan áttu sinn
sess. Gestasöngvarar voru Elva
Ósk Ólafsdóttir, Þórarinn Ólason
og Glódís Gunnardóttir og úr
varð hressileg stemning sem allir
nutu, ekki síst tónlistarfólkið sem
skemmti sér við að flytja gömlu
smellina.
Stórkanónurnar Auður og
Yrsa kynntu bækur sínar
Áhöfnin á Gullbergi mætti: Halldór G. Guðmundsson, Halldór F. Alfreðsson,
Ólafur Þór Þórhallsson eiginmaður Yrsu, Yrsa, Jón Atli Gunnarsson, Valur Már
Valmundsson, Ólafur Már Harðarsson, Theodór H. Guðmundsson, Hafsteinn
Gísli Valdimarsson.
Lög Stellu Hauks í aðalhlutverki
Fullsetinn salurinn var vel með á
nótunum.
Bíóbandið fór á kostum í flutningi á
lögum Stellu Hauks.
Lögin frá 1963 lifnuðu við í flutningi Bíóbandsins og gesta.
ÓMAR GARÐARSSON
omar@eyjafrett ir. is