Goðasteinn - 01.09.1964, Page 9

Hófst nú annar þáttur, rekstur menntasetursins. Framkvæmd-
arnefndin var lögð niður, og við tók skólanefnd, sem hafa skyldi
á hcndi ráðningu hins fyrsta skólastjóra, alls kennaraliðs og ann-
ars starfsfólks. Ennfremur þurfti að koma skólarekstrinum af stað
og í sitt fyrsta horf. Síðar að byggja upp eftir því, sem þróunin
í málefnum skólans krafðist hverju sinni. Var því í ýmis horn
að líta, verkefnin og vandamálin sóttu alls staðar að.
Hin fyrsta skólanefnd var skipuð þannig: Kjörnir af sýslunefnd
Rangárvallasýslu: Bogi Thorarensen, hreppstjóri, Kirkjubæ, og
Olafur Sveinsson, bóndi, Stóru-Mörk. Kjörnir af sýslunefnd Vest-
ur-Skaftafellssýslu: Jón Kjartansson, sýslumaður og síra Jón Þor-
varðarson, Vík. Formaður var skipaður af fræðslumálastjórninni
Björn Fr. Björnsson.
Eins og getið var í upphafi, var ekki ætlunin að rekja sögu
Skógaskóla eða starfsins þar í þessum pistli. Aðeins skyldi minnzt
fárra atriða, sem rétt þótti að ljós væru, þegar mál skólans ber
á góma og minnzt 15 ára tilvistar hans. Skólastarfsins verður getið
af öðrum og þá mun koma fram, hversu giftudrjúgur skólinn hefur
reynzt um starfslið allt. Og þá ekki síður, hversu fengsæll hann
hefur verið um trausta og dugandi nemendur. Að framan hef ég
nefnt nöfn nokkurra manna, sem áttu sinn hlut að affarasælli
framvindu héraðsskólamálsins og uppbyggingu hins nýja mennta-
seturs Rangæinga og Skaftfellinga. En fjölmargir eru þeir aðrir,
sem einnig áttu með atorku sinni og ötulu starfi ríkan þátt í því,
að hér varð náð settu marki, sem lengi hafði verið að stefnt.
Alveg sérstaklega tel ég skylt að geta Björgvins Vigfússonar,
sýslumanns, sem með þrotlausri elju og áhuga barðist fyrr á ár-
um fyrir auknu unglinganámi í héraði og undirbjó að sínu leyti
þann jarðveg, sem Skógaskóli reis síðar upp af.
Öllum hinum mörgu, sem átt hafa sinn hlut að því, að hið
mikla hagsmunamál Rangæinga og Skaftfellinga leystist með svo
cðlilegum og hagkvæmum hætti, sem raun varð á, ber að gjalda
alúðarþökk. Þcir höfðu skilning á þörf héraðanna fyrir slíka
menntastofnun og þeir fylgdu eftir með athöfn. Hér skyldi æska
héraðanna hafa griðland og aðsetur um langa tíma og sækja
menntun sína og manndómsstyrk. Og vissulega voru og eru hinar
Goðasteinn
7