Goðasteinn - 01.09.1964, Page 43

Árni Jónasson, f. 29. sept. 1916, frá Grænavatni í Mývatnssveit
stundaði nám í Menntaskólanum á Akureyri og lauk gagnfræða-
prófi 1936. Hann bjó síðar um skeið í félagsbúi við föður sinn
að Grænavatni. En 1945 réðst hann bústjóri að Skógabúinu og
hefur gegnt því starfi síðan eða í 19 ár.
Árni hefur tekið virkan þátt í félags- og framfaramálum, setið
lengi í hreppsnefnd Austur-Eyfellinga, verið formaður fjárræktar-
félags sveitarinnar, haft mikil afskipti af hinni stórmerku ræktun
á Skógasandi og lengst af gegnt formennsku félagsskaparins, sem
séð hefur um þann rekstur.
Árni er kvæntur Jóhönnu Ingvarsdóttur frá Undirvegg í Keldu-
hverfi, og eiga þau tvo syni.
Árni sýndi Goðasteini þá velvild að skrifa dálitla greinargerð
um Skógabúið, en það er í rauninni elzta stofnun skólasetursins.
]. R .H.
Síðan árið 1944, er jörðin Ytri-Skógar í Austur-Eyjafjallahreppi
var gefin Rangárvallasýslu og Vestur-Skaftafellssýslu sem skóla-
setur, hefur verið rekið hér bú, sem er eign framangreindra sýslna.
Goðasteinn
41