Goðasteinn - 01.09.1964, Page 56

svo mörg knattspyrnulið, sem hægt er. Haldin eru haustmót og
vormót í knattspyrnu og keppt um bikar, sem nokkrir eldri nem-
endur gáfu fyrir fáum árum. Handknattlcikur er einnig vinsæll
og þó aðallega fyrir stúlkurnar. Blak var f.yrrum stundað af kappi,
en körfuknattleikur sækir mjög á síðari árin, og keppa flestir
nemendur í þcirri íþrótt á sérstöku körfuknattleiksmóti, sem fram
fer um miðjan vetur. Sund er jafnan mikið iðkað og keppt í boð-
sundi og fleiri greinum. Skíðaíþróttin er stunduð þegar tækifæri
gefst, en það vill verða sjaldan sakir snjóleysis. Svipuðu máli
gegnir um skautahlaup. Frjálsar íþróttir af ýmsu tagi eru iðkaðar
bæði innan húss og utan, svo sem hlaup og stökk, kúluvarp,
kringlukast og fleira. Á árshátíð skólans eru ætíð sýndir fimleikar.
Gönguferðir eru farnar annað slagið yfir veturinn. Fara allir
nemendur með í þessar ferðir og er þá venjulega hætt kennslu
um hádegi þann daginn, sem gengið er. Um margar leiðir er að
velja. Stundum er gengið inn með gljúfrum Skógaár, inn með
Kvernugili, upp á Hornfell, upp á Drangshlíðartind, suður að sjó,
austur að Sólheimajökli og víðar.
Frá upphafi skólastarfs hefur orðið að reka hér mötuneyti, þar
sem nemendur dveljast í heimavist. Rekstur þess hefur yfirleitt
gengið vei, og er öli aðstaða fremur góð í eldhúsi og borðstofu.
Helzt háir það starfseminni, að húsakostur til geymslu matvæla og
annarra nauðsynja er mjög af skornum skammti. Þó hefur frysti-
geymsla verið stækkuð verulega fyrir nokkrum árum, og af öðr-
um umbótum á aðstöðu mötuneytis má nefna, að gólf hafa verið
flísalögð og keypt vönduð stálhúsgögn í borðstofu.
Mötuneytið kaupir allar búsafurðir, sem Skógabúið framleiðir,
svo sem mjólk, kjöt, kartöflur og fleira. Er það mjög hagkvæmt
að geta fengið þessar nauðsynjar rétt við skólavegginn. Aðrar
vörur eru keyptar hjá kaupfélögunum í héruðunum í kring og
frá Reykjavík. Samgöngur við skólann eru mjög góðar og greiðar.
54
Goðasteinn