Stjörnur - 15.05.1947, Side 4

Gatnanlei/^jagoðið
Vincent Price
Vincent Price hefur eldlegan áhuga á
mörgu, og þar á meðal því að leika. Þess
vegna fyrirgefst honum allt annað.
Tveir náungar stóðu utan við leik'húsið í Beverly
Hills, gremjulegir á svipinn.
„Sko!“ sagði annar þeirra, augsýnilega við. litlu,
grannvöxnu konuna og fjörlega, 6 ára drenginn, sem
biðu þarna rétt hjá þeim. „Hann var svo ágætur í
Dragonwyck ■— svo snyrtilegur og fágaður — og lítið
svo bara á hann núna!“
„Maður hefði nú haldið að svona frægur leikari
hegðaði sér ekki þannig“, sagði hinn.
Langi, renglulegi maðurinn, sem þeir voru að ræða
um, kom stikandi löngum skrefum eftir gangstétt^
inni. Hann var ljóshærður, laglegur, óhreinn og órak-
aður. Kryppluðu vinnubuxurnar hans voru ataðar í
mold, gamla vinnuskyrtan hans( svitastorkin og
af honum lagði garðilm, þó ekki af blómum,
heldur af áburði.
„Jæja, þarna eruð þið!“ sagði hanii, þreif
drenginn í fangið og kyssti iitlu konuna
á 'kinnina. „Ég kom í Bertu. Hún er
hérna rétt niðri í götunni".
Náungarnir fóru að góna vandræðalega
upp í loftið, á meðan þrenningin hélt nið-
ur götuna og klifraði upp í Bertu, gaml-
an, beyglaðan Ford-vörubílskrjóð frá. 1928.
En þegar inn var komið gat frú Vincent
Price ekki lengur haldið niðri í sér hlátrinum.
„Vinni, þú hefðir átt að heyra hvað þeir sögðu
um þig!“ Og hún sagði honum það.
„Ég skal bæta ráð mitt, elskan, svei mér þá“, sagði
Vincent Price.
En því betur gerði hann það ekki — og gerir það
ekki. Þegar Vinsi fær áhuga fyrir einhverju, þá vinnur
hann að því af lífi og sál. Sé hann að vinna í garðin-
um, þá þeytir hann áburðinum í kringum sig. Örlög
blómanna, sem hann .er að gróðursetja, eru honum
margfalt meira virði en atriði eða setningar í ein-
hverjum leikritum eða kvikmyndum. Og hvernig
hann lítur þá út — eða Berta — skiftir hann ekki
minnsta máli.
Vinsi er alltaf brennandi af áhuga fvrir einhverju,
4 STJÖRNUR