Mosfellingur - 09.05.2024, Qupperneq 10

- Fréttir úr bæjarlífinu10
Markaðurinn í Mosskógum í Mosfellsdal sem opin hefur
verið á laugardögum í júlí, ágúst og fram í september síð-
astliðin 30 ár verður ekki opin í sumar.
Markaðurinn er stór hluti af sumarhefðum margra og
því ljóst að missirinn er mikill. Jón Jóhannsson eða Nonni í
Dalsgarði hefur verið potturinn og pannan í markaðshald-
inu öll 30 árin.
„Þetta er búin að vera ágætis törn og erfið ákvörðun að
taka því þetta hefur gefið mér mikið og stór félagslegur
þáttur í lífi margra sem komu hér til að fá sér kaffibolla og
kíkja á mannlífið, ekki síður en kaupa grænmeti og annan
varning“ segir Nonni.
Mikil bílaumferð um dalinn
„Þróunin hefur verið mikil á þessum árum og það hefur
tekið tíma að byggja þetta upp en allt rennur sitt skeið.
Traffíkin hefur oft og tíðum verið það mikil að bílum er lagt
hingað og þangað og hafa truflað þannig eðlilega umferð
um dalinn.
Ég hef stundum verið kominn út á þjóðveginn að reyna
að stjórna umferðinni. Við þurfum að taka tillit til nágranna
okkar sem þurfa að hafa aðgang að sínum heimilum.“
Blómleg ferðaþjónusta
„Í raun var þetta bara orðið of mikið, þetta var ekki bara
að standa og selja á laugardögum heldur mikill undirbún-
ingur og svo frágangur að lokum. Það var kominn tími á að
endurbyggja markaðssvæðið og fleira.
Við rekum hér líka blómlega ferðaþjónustu sem vex og
dafnar með hverju ári. Hingað fáum við fjölda ferðamanna
bæði innlenda og erlenda og mikil ánægja meðal gesta
okkar. Við leggjum okkur fram um að gera umhverfið sem
huggulegast og stílum mikið upp á fjölskyldufólk,“ segir
Nonni og tekur fram að það séu fjölmargir fastagestir, sér-
staklega landsbyggðarfólk, sem kemur aftur og aftur.
Þakklæti efst í huga
Nonni segir að þakklæti sé honum efst í huga til allra
þeirra sem hafa lagt markaðnum lið og komið að þessu
með okkur á síðustu 30 árum.
„Við fengum mikil viðbrögð þegar við tilkynntum að
markaðurinn yrði ekki áfram. Það komu fjölmörg skilaboð
með þökkum og öðrum skemmtilegum skilaboðum.
Nú höfum við sumarið til að hugsa okkar gang,
kannski gerum við bara eitthvað annað hérna á svæð-
inu. Íhugum hvort að við séum nógu ung til að byrja á
einhverju nýju,“ segir Nonni að lokum en tekur fram að
sumarblómasalan í Dalsgarði muni fara fram með sama
sniði og undanfarin ár.
„Erfið ákvörðun“ segir Nonni grænmetisbóndi í Mosskógum • Blómleg ferðaþjónustan sem vex og dafnar
Markaðurinn hættir eftir farsæl 30 ár
nonni og vala á
góðum degi í dalnum
Mosöld 2024 er Öldungamót Blaksam-
bands Íslands og líklega stærsta mót fyrir
fullorðna ár hvert á Íslandi. Mosöld fer
fram í Mosfellsbæ og hefst í dag 9. maí og
stendur til 11. maí.
Blakdeild Aftureldingar hefur veg og
vanda af mótinu og eru yfir 150 lið skráð
en til að vera gjaldgengur þá þarf að vera
30 ára á árinu eða eldri. Spilaðir verða 453
leikir í 15 kvennadeildum og 7 í karladeild-
um frá fimmtudegi til laugardags.
Um 1.200 keppendur verða á Varmár-
svæðinu og í Mosfellsbæ keppnisdagana.
Blakhátíðinni lýkur svo með glæsilegu
lokahófi að Varmá á laugardagskvöldið.
Mikil stemning á Varmársvæðinu
Auk keppni í Íslandsmóti Öldunga fara
fram tveir landsleikir sem eru styrktarleikir
fyrir A-landslið Íslands í blaki sem eru að
fara í dýrt verkefni í maí og júní þegar bæði
liðin taka þátt í Silver league keppninni.
Á fimmtudaginn kl. 20 mun karlalands-
lið Íslands keppa við All-star lið erlendra
leikmanna sem eru leikmenn sem spila
með íslenskum liðum og á föstudaginn kl.
20 mun íslenska kvennalandsliðið spila við
landslið Færeyja.
Barna- og unglingaráð stendur fyrir
glæsilegri veitingasölu í fimleikasalnum að
Varmá og knatthúsið verður gert að blak-
höll með sex völlum ásamt markaði þar
sem fyrirtæki munu kynna og selja vörur.
Mosfellingar eru hvattir til að kíkja á
Varmársvæðið og upplifa þessa víðfrægu
stemmingu sem fylgir Öldungamótunum.
Blakdeildin er mjög þakklát stuðnings-
aðilum sínum á þessu risamóti og hafa vell-
irnir 15, sem spilað er á, hlotið nöfn þeirra
fyrirtækja sem styrkja mótið.
Mosöld 2024 • Öldungamót Blaksambandsins hefst í Mosfellsbæ í dag • 1.200 keppendur • Þriggja daga dagskrá
Bærinn fyllist af BlökuruM
undirlag sett í blakhöllina í fellinu
en þar verður leikið á sex völlum