Mosfellingur - 09.05.2024, Qupperneq 32

- Aðsendar greinar32
Þverholti 3 - Sími: 566-6612
FÓTAAÐGERÐASTOFA
MOSFELLSBÆJAR
Leirvogstunga 27, 270 Mosfellsbæ, sími: 864 6600
Gólfefna lausnir
fyrir heimili
og fyrirtæki
Þjónusta við mosfellinga
www.bmarkan.is
Smiðjuvegi 60 (rauð gata) Kópavogi - Sími 557 2540
Hj‡lmar Guðmundsson
Lšggildur hœsasm’ðameistari
s:6959922
fhsverk@gmail.com
Ein af helstu gönguleiðum mínum í okkar fallega
útivistarbæ er meðfram Leiruvoginum. Í dag, á
síðasta degi í apríl í fallegu veðri varð stórkostleg
uppákoma: Margæsir hundruðum saman flugu
inn voginn með tilheyrandi kvaki og látum.
Þessir fuglar eru alltaf á vorin og haustin gest-
ir hjá okkur, næra sig hér í leirunum í stuttan
tíma áður en þeir fljúga áfram á sínni löngu leið
frá kanadískum íshafseyjum til vetrardvalar á
Írlandi. Án þess að stoppa hér á þessari „bens-
ínstöð“ gætu þær ekki komist þetta. Leirur eins
og margæsin þarf eru einungis á Vesturlandi og
frekar sjaldgæfar á landsvísu.
Við þurfum að standa vörð um Leiruvoginn
okkar. Þetta er bæði útivistarparadís sem margir
nota og njóta og með bestu fuglaskoðunarstöð-
um á landinu. Áformin um Sundabrautina þarf
að hugsa vel og vandlega.
Brú með fyllingum mun hefta út- og inn-
streymi sjávar í voginn þannig að jarðefni mun
smám saman safnast fyrir og vogurinn mun
grynnast. Lífríkið mun verða fyrir talsverðum
breytingum og áhrif á fuglalífið gæti orðið mik-
ið.
Nú munu margir hugsa þannig að fuglarnir
komi þeim ekki við, þeir vilja koma stystu og
fljótustu leið sína á bíl. En þetta er ekki svona
einfalt. Ef við höfum neikvæð áhrif á vistkerfi
og jafnvel skemmum þau, þá kemur þetta á
endanum okkur sjálfum í koll. Öll vistkerfin eru
samspil af mörgum þáttum sem við menn áttum
okkur oft ekki á.
Við sem notum gönguleiðir um Leiruvoginn
okkar til heilsubóta og ánægju værum örugglega
ekki kát að fá umferðaniðinn sem myndi stafa
af hábrú þegar við viljum njóta náttúrunnar og
kyrrðarinnar.
Sundabrautina þarf að hanna með þetta í
huga þó að það kosti meira. Við Mosfellingar
eigum ekki að sætta okkur við ódýrustu leiðina
sem gæti skemmt okkar útivistarparadís sem
Leiruvogurinn er.
Úrsúla Jünemann
Leiruvogurinn okkar
Ársreikningur Mosfellsbæjar
fyrir árið 2023 liggur nú fyrir
og sitt sýnist hverjum um nið-
urstöðuna.
Niðurstaða rekstrarreikn-
ings A-hluta Mosfellsbæjar er
jákvæð sem nemur tæpum 230
milljónum, rekstrarniðurstaða
A- og B-hluta var árið 2023
tæpar 341 milljónir, sem er þó
lakari útkoma en áætlað var
og er það þrátt fyrir umtalsvert
hærri tekjur en áætlanir gerðu
ráð fyrir á árinu.
Ástæða jákvæðrar
rekstrarniðurstöðu
Ekki er hægt að segja að
reksturinn sé sjálfbær þar sem jákvæða rekstr-
arniðurstaðan er að mestu vegna hækkunar
skatta, gjalda og álaga á íbúa en mestu munar
þó um einskiptistekjur af sölu byggingarréttar
og leiðréttingar á tekjum frá Jöfnunarsjóði m.a.
vegna skólamála.
Hagnaður ársins af A-hluta er nær sá sami
og hækkun fasteignaskatta á íbúa bæjarins eða
um 250 milljónir. Hér er um að ræða hækkanir á
fasteignaeigendur og fyrirtæki, það er ekki er um
að ræða fjölgun íbúa í bænum heldur hækkanir
á fasteignagjöldum.
Þetta er áhugavert þar sem fram kemur í
málefnasamningi meirihlutans að ætlunin sé
að lækka fasteignaskatta til að koma til móts við
hækkun á fasteignamati.

Tekjur, gjöld og framkvæmdir
Framlag Jöfunarsjóðs hefur aukist síðustu
árin, útsvarstekjur hækkuðu á milli áranna 2022
og 2023 um 1,2 milljarð, fasteignskattur um 250
milljónir, framlag Jöfunarsjóðs um rúmar 700
milljónir og aðrar tekjur um 1 milljarð. Er hér
m.a. um að ræða hækkun tekna vegna hækkunar
útsvarsprósentu og hækkunar á gjaldskrá.
Launakostnaður hækkaði um 1,3 milljarð á
milli áranna 2022 og 2023 og er hluti hækkun-
arinnar vegna stöðugilda sem fylgja Skálatúni og
kjarasamningshækkana eða um 1.1 milljarður.
Annar rekstarkostnaður hækkar um 500 millj-
ónir milli áranna.
Áætluð útgjöld vegna varanlegra fastafjár-
muna voru áætluð 2,1 milljarður en á árinu fóru
1,8 milljarð í framkvæmdir og þar af 158 milljón-
ir umfram áætlaðan kostnað í Kvíslarskóla. Hluti
af öðrum áætluðum framkvæmdum var frestað
á árinu.
Rekstrarniðurstaða félags-
legra íbúða var neikvæð um 41
milljón á árinu en var jákvæð
árið 2022 um 4,6 milljónir. Þá
var rekstrarniðurstaða Hlé-
garðs neikvæð um 4,3 millj-
ónir.
Það sem stendur upp úr í
ársreikningnum er m.a. að:
• skattar og álögur á íbúa hafa
stórhækkað annað árið í röð
• skuldir aukast milli ára um
tvo milljarða
• kostnaður við rekstur bæjar-
ins eykst milli ára um 20%
• launakostnaður jókst um
21% milli ára á meðan launvísitalan hækkaði
um 7%
• stöðugildum fjölgar mikið
• tekjur eru mun hærri en áætlun gerði ráð fyrir
Rekstrarhorfur næstu ára
Miðað við að vextir og verðbólga virðast ætla
að lækka hægar en áætlanir gerðu ráð fyrir, er
ljóst að fara þarf í hagræðingar og lækkun á út-
gjöldum. Það veldur því áhyggjum að í áætlun
næsta árs má sjá áframhaldandi innleiðingu á
nýju skipuriti með fjölgun stöðugilda.
Íbúum í Mosfellsbæ fjölgar áfram og traustur
rekstur undanfarinna ára og sterk fjárhagsstaða
eiga að gera sveitarfélaginu kleift að veita íbúum
áfram framúrskarandi þjónustu sem stöðugt
hefur verið að aukast og mun vonandi gera
áfram.
Það jákvæða í rekstrarhorfum bæjarins er þó
að í fyrsta sinn í mjög mörg ár er Mosfellsbær
eigandi að landi sem var úthlutað lóðum á síð-
asta ári og verður úthlutað áfram á næstu 2-3
árum og mun það tryggja hundruð milljóna í
tekjur á hverju ári fyrir sveitarfélagið.
Við bæjarfulltrúar D-lista í Mosfellsbæ
munum áfram styðja góðar tillögur og hvetja
meirihlutann áfram til góðra verka. Við munum
einnig halda áfram að koma okkar tillögum og
stefnumálum á framfæri svo áfram verði best að
búa í Mosó.
Bæjarfulltrúar D-lista Mosfellsbæ,
Ásgeir Sveinsson
Jana Katrín Knútsdóttir
Rúnar Bragi Guðlaugsson
Helga Jóhannesdóttir
Ársreikningur
Mosfellsbæjar 2023